IPEKULU 21:26 - Sumi Naga CL (Re-edited) Bible (BSI)

²⁶ “Kughou milakhi no pa qüaxeu, kiptimi momu totimi, nhethi hephove tsüno ti kighicheve tsüni keno, pa ye pa nhethi ghenguno pa qüaxeu kümsa no kuqho puwuveni.

BAIBEL (BSI)

²⁶ “Timi lakhino pa qeu kiptimi na totimi pinamu anhethilo hetsu kelono anhethi hechhevetsu aye paye anhethi tipau lochile keu me shi ghi aqeu tipau phepuwuveni.

IPEKULU 21:26 Iomraidhean Croise

NEHEMIA 5:5

Ni phimpi ghi ni thiküzümi phimpi toi, ni tianuli ghi pano tianuli toi, ikeghi ningu ye ni tianuli pelo aqüaxe shive anipe eno ningu ngaqo khami ye aqü-axe lo jesüvae. Ikemu ningu ye tipaqo mjochileni keu küka kühavae, kughengu ningu lu eno atsailu kümtsü timi kütami no lukhavae.”

LESHELE 10:14

Ikemu No ye ithulu ani, aveküsa eno aghime Nono kihi ani, tishikeu lono Nono O u lono ikhilu niye ke; akukuphu küha kemi no O lau pa ampi kulhuqhi tsü; Nono mighimi kukuphuu shi ighivae.

LESHELE 10:18

mighimi eno qodaqhi akeqo lau kuchou xakütha tsü nani, tishikeu lono ayeghi lomi no shithüghüi kithemo nani.

LESHELE 9:12

Kughengu Pa ye amkhü kulumi kümsüma chemoe; Pa ye aghime shi akemi küqa kümsümave chemoe.

IPEKULU 21:20

“Kughou milakhi no aküsü pesü pa qüaxemi, kiptimi momu totimi heve no aqü-axeu huno pa u lono thiveni keno, pa shou aghime beni.

IPEKULU 21:24

anhethi theli lo anhethi, ahu theli lo ahu, au theli lo au, apukhu theli lo apukhu,

IPEKULU 21:25

akipti theli lo akipti, azaku theli lo azaku, hepungo keu theli lo hepungoni.

IPEKULU 21:27

Tsala pa no pa qüaxeu, kiptimi momu totimi, hu helave tsü aye, pa ye pa hu ghenguno pa qüaxeu kümsa no puwuveni.

Ephesiami 6:9

Ampemiqo, nongu ghi aqü-axemi peitha pivilo, eno panoqo kichi kümsa kevilo. Kughengu nongu Mpeu kungugha lo akeu no pano Mpeu ghi kepi ithilo, eno Pa gholo ye agikuju kühae.

ZAKINIU 16:19

Nongu ye kuchou xakütha tuchighi moni, agiju moni, eno külügho lumoni, kughengu külügho no alokütsümi nhethi kighicheve tsücheni eno amikuchomi chipiu lakhave tsücheni.

Kolosiami 4:1

Ampemiqo, achipiu eno aghibiu lono nongu qemi peitha lo, nongu ghi kungugha lo Ampeu anie pi ithilo.