IPEKULU 20:5 - Sumi Naga CL (Re-edited) Bible (BSI)

⁵ Nongu ye tipaqo lau pishiqho moni momu tipaqo qemoni, kughengu Ni Ampeu nongu Lhou ye anhekushu Lhou kehu apu khunono I mithi cheni keno pano xine ghenguno atianuli aküthüu eno abidiu tiqheli kutolo xuju ighi chenie,

BAIBEL (BSI)

⁵ Kiu kiu suatu julho lau pinamu itsaiqi tsumoni momu tipau mllamoni kughengu niye nongu Lhou AMPEU ke eno isasu kusuxanikemi qhimoke. Ijumithikemi shou eno panoqo polo kughukomi akuthuu eno abidiu tiqheli kutolo ino ghimeqhi tsu cheni.

IPEKULU 20:5 Iomraidhean Croise

SAMUEL AKINIU 21:1

David ghuloki lo ampe küthü ishokibe püqümiye ighive kehu pa no Ampeu phuighi. Ampeu no pi, “Aji pelekeu kipimi Saul eno pa kibo shou ani, kughengu pa no Gibeonmi pithive ke.”

SAMUEL AKINIU 21:6

pa laghami tsüni pesü ningu tsüvelo, tishino nino Ampeuw kishephe Saul phughi Gibeah lo Ampeu zülono panoqo tshüqhi pithiveni.” Akükau no pi, “I no panoqo tsüni.”

KUKAMI ATUGHIU 19:10

Pa no khochile, “Ni ye Ampeu, aqokitikhi Lhou ghenguno aküxü tsücheni. Kughengu Israelmi no Ow puloshoqhi phevae, eno O kümlla khache kubove no Ow tungkupmi kümtsü pithive tsüae. Küxümi ye I likhivae, eno niu ghi pithive nike panongu no phucheni.”

KUKAMI ATUGHIU 21:29

“Ahab no kishi I zülo kuchuni ani keno ithulu anima? Pa no I zülo kuchuni ani kehu pa xüloye pa lau amhekiqipu puwu tsümoae; ikemu pa nu ghuloki lono pa kibolomi shou puwu tsüni.”

KUKAMI AKINIU 17:35

Ampeu no Jacob lagha sasü puloshoqhi lakhi shino azah panongu tsüe, “Nongu ye kütau lhouqo sümsa moni, tipaqo zülo pishiqho moni, tipaqo huthu moni, momu aghashipe tsümoni,

KUKAMI AKINIU 17:41

Ikehu shiye hipaqo ye Ampeu huthu eno ajulhoqo ghi huthue. Panongu tianuli ghi tipatho shi, eno pano tilimiu ghi pano puasüqo no shike toi shi, eno ishi kutolo tishi achephi.

KUKAMI AKINIU 23:26

Tishimu Ampeu no pa loghu khikhi Judah shou puku keno, tipau lono ideighi moe, kughengu Manasseh no ala thokha lono Pa xukutho ke.

KUKAMI AKINIU 5:18

Avehu hipau ghenguno Ampeu no o qeu kipimi qhitsü peni: kughou I mpeu no Rimmon chineki lo mllani ye iloni keno, pa no I bighi lo mungu no ni ghi ayeghi lo itsaqi masave kelo, hipau vehu lo Ampeu pelo o qeu kipimi qhitsü pelo.”

KUKAMI AKINIU 5:27

Tighenguno Naaman pügha ye alholo ghenguno no eno o lagha shou ikughi niae.” Ikehu pa ye apügha no mürasü kimiye toi xapusü Elisha launo wuve.

YEKIKITHI AKINIU 25:14

Amaziah no Edommi toluve no ideighi kelo pa no Seirmi lhou julhoqo süghi, eno pa lhou shi ghope qhino mlla ghi akümllagho tsü.

YEKIKITHI AKINIU 7:19

“Ikemu nono tsüghüve no I zakütsü o tsü keqo hebide, eno kütau lhouqo huthu no mllauve aye,

JOB 21:19

Nongu no picheni, ‘Alhou no pano kipimi pesü pano tianuli sala qhitsü cheni.’ Ikemu pano pelo ithi penike Pa ye panoqou ghime kepue.

JOB 5:4

Pa nuliqo ye sükusho kühae; khagho lo atsakügha kelo panongu qodave cheni, eno panongu xapheni kemi khumu kühae.

LESHELE 109:14

Pa puasüqo kipimi ye Ampeu zülo kümsülu ache pelo, eno pa za xine ye nuxa pühave tsü kevilo!

LESHELE 78:58

Kughengu panongu no pano lhou pesü Pa xukutho ke; pano julho kümlla huno Pa pelo anheshuve peke.

LESHELE 79:8

Khaghi ni kipimiqo kümsülu tsü kevilo; O kikimiye no mtazü ni sasü kusholu pelo, kughengu ningu ye aveküsapu shivae.

LESHELE 81:15

Ampeu mithi chekemi no Pa zülo ipu-itsaqi nani, eno panongu ye alhokuthu aghimeshi nani.

IPEKULU 23:24

nongu ye pano lhouqo zülo pishiqho momu tipaqo qemoni, momu panongu no shiche ketoi shimoni, ikemu nongu ye qhoi panoqo haleveni eno pano tsükucho mukhumuno shi kuboveni.

IPEKULU 34:14

(kughengu nongu ye alhou kütau mllamo nani, kughengu Ampeu, khuu je Anhekushu keno, Pa ye anhekushu Lhou ke),

AHOLE 8:36

ikemu khuu no I phumoni keno pa likhi pa ghüzavae; I mithi chekemi kümtsü akithi kimiye cheni.”

ISAIAH 44:15

Tishino tino timi ghenguno no süküghüpu sü shino pa ampi vapülü cheni; pa no ami shino asho ghu cheni. Pa no itaghi asü tipau pesü ajulho shisü no mlla cheni; Pa no ajulho mla no tipau zülo pishiqhope mlla cheni.

ISAIAH 44:19

Khunomu kümsüju chemo momu tsaqüi ishi kümsükutoju chemoe, “I no asü tüxa süghü no asho eno ashi ghuchu; Imaye ni ye tipau sü tüxa pesü ajulho shisü no mllani keshea? Ni ye ti asülu zülo pishiqho no mllani keshea?”

JEREMIYA 2:9

“Ikehu Ni ye o mjochile aphi, Ampeu no asheshu, eno no tianuli tianuliqo mjochileni aphi.

JEREMIYA 32:18

Nono qhethonhe lau iqemokeu kikimiye piye cheni, ikemu apuaza no pimive kelo pano tianuliqo lau aghime süghi cheni, No ye kije eno akughushu Lhou, O je ye aqokitikhi MPEU ke,

EZEKEL 18:19

“Ikeghi nongu no pi, ‘Anu ye kushiye apu kipimi ghenguno aghime shimoni kea?’ Kughou anu no kiu achipi eno kuchou keno shi aye, eno I yezah kümtsü kutokupui pape aye, pa ye mtsüqheino xü nani.

EZEKEL 18:2

“Israel yeghi lo aholetsa hi, ‘Apunoqo no atsaithi kiqhi chu, eno anuliqo no ahu müqüe’ ipi pi-ide chekeu ye kiu kiqi kea?

EZEKEL 20:7

I no panoqo vilo pi, ‘Nongu nhethi ghapiqilu chekeu aphikümqhüpu thimeqo nongu lakhikhi no pevelo, eno Egypt lo asü-atu julho vecheo nongu ampi shikitiqe kevilo; Ni ye Ampeu nongu Lhou ke.’

EZEKEL 39:25

“Tighenguno Ampeu Alhou no ishi piani: Itehi ye I no Israel ngukümgha athoputho tsüni eno Israel kibolomi kümtsü kimiyeqhiyi eno I je kimthe süshoni.

EZEKEL 8:3

Pa no au jukimihi lakhi I küdau chhophe eno I kütsüsa lono ni pugho luve, eno Aghungu no ayeghi ngo kungugha dolo I sünheqhe luve no Alhouw kungunhetsü lono Jerusalem khagho kulaghi lo achebo alou ahuu küdau akeu lo anhekushu julho lakhü, khipau no anhekushu xukutho akeno tilau I sasü ighi.

DANIEL 1:2

Ampeu no Judah kükau Jehoiakim eno pa gholono Alhou kilo tinhemgha hami Nebuchadnezzar u lo phesüve tsü. Pa no Shinar yeghi lo pa lhou kilo tipaqo süghi eno pa lhou kinibo lo qhive.

DANIEL 3:18

Ikemu tishi movemu, o pelo hi ithi penishi ani, O akükau, ningu ye o lhouqo qemo nani momu ameshoyi julho nono ghope qhikeu mllamo nani.”

ACHINE 20:5

pa eno pa lagha eno Molekh papemi kümtsü launo I gi kughove no Iw timiqo gholono hapheve nani.

ACHINE 26:1

“Asü-atu julho, atsükucho momu atu yekütha koghe mlape tipa zülo itsaqi moni, kughengu Ni ye Ampeu nongu Lhou ke.

ACHINE 26:29

Nongu no no tianuli heqhi chunani.

NAHUM 1:2

Ampeu ye anhekushu eno amkhükulu Lhou; amkhükulu eno axukighideu; Ampeu no Pa ghümi shou amkhü lu eno panoqo sala aloghu püa cheni.

AKIKIHI 14:18

‘Ampeu ye asheshino amloide cheni eno iqemokeu kikimiye no kupukuno, akipimi eno axine qhivetsü cheni, ikemu pimive keu xine ye khilemu nuxatsü mono atianuli tiqheli aküthüu abidiu kutolo pekishe nani.’

AKIKIHI 14:33

No tianuliqo no asayeqha lo ampe lhobidi itsüche nani, eno no mikuchokumo ghenguno nongu kümtsü asayeqha lono thikhave moke kutolo panonguu no ime anani.

AKIKIHI 25:11

“Phinehas no kiu shikeno tipau ghenguno Ni ye Israelmi shou aloghu idemovae. Pa ghi I no amlo kilimo no timiqo lau müamzü keu ithi ani, eno tino Israelmi kütsani keu lono I süchile luve.

MATTHEW 4:9

Eno pi, “Nono itsaqi no I mllave aye, I no hi kümtsü o tsüveni.”

John 15:18

“Ayeghiqha no nongu mithi aye nongu mithi mphi züuno I paghi mithi kepi ithilo.

John 7:7

Ayeghilomi ye nongu mithi mlae, ikemu I mithi ani kughengu I no pano kümla lhoksa ghili pitsüke.

John 9:2

Pa khopemi no ighiju, “Rabbi, timi hipau no keo pa puaza xine ghenguno pa ye anhethi iche ghi punu kea?”

Rommi 1:30

alatsa kipimi, Alhou kimthimi, timi thaigha kichemi, aqheküza akülakimi, alhoksa kiyiqimi ke, apuaza gholumo kemi,

Rommi 8:7

Ashi küdau amlo tsükeu ye Alhou ghümi shivae, kughengu ti ye Alhou Yezah qhoqhü luamoe; kuchou no ti ye qhoqhü lumo nani.

1 Kor. 10:22

Ningu ye Ampeu nhekushupu xukuthoni keshea? Ningu ye Pa nguno akumtou keshea?

ZAKINIU 32:21

Panongu no alhou kumo keu pesü I pelo anheshupe; panongu no ajulho pesü I mlo shikighide tsüe. Ikehu I no pano pelo kiumu kumo kemi jupe anheshu peni; mbomzü shiye sawo pano mlo shikighide tsüni.

ZAKINIU 32:41

I no I zütakikihi mlapui chighive eno küghatha nike kutove aye, I ghümi shou amkhülu nani eno I mithi chekemi lochile nani.

ZAKINIU 4:24

Kughengu Ampeu nongu Lhou ye amiküqü eno anhekushu Lhou ke.

ZAKINIU 5:10

Ikemu I kimiye eno I zakütsü pelu kemi lau tiqheli qhethonhe kutolo Iw iqemokeu kikimiye piye cheni.

ZAKINIU 5:9

Nongu ye tipaqo zülo pishiqho momu qemoni; kughengu Ni Ampeu nongu Lhou ye anhekushu Lhou, I mithi kemi tianuli lau tiqheli aküthüu ngo abidiu kutolo aghime süghi cheni.

ZAKINIU 6:15

kughengu Ampeu nongu Lhou nongu gholo akeu ye anhekushu Lhou ke, Pa no nongu shou amloideve no ayeghi lono nongu püghave nosake.

ZAKINIU 7:10

ikemu Pa mithi kemi ye pano no ithulu ghi kütsakungo pesü tsüchile cheni. Pa ye Pa mithi kemi lau künacho chemo, ikemu vejoi tsüchile cheni.

James 4:4

Nongu pükhükümla timiqo! Ayeghi sasü ashou shiche kemi ye Alhou ghümie pi nongu ye mtha keshea? Tighenguno khuu no ayeghi sasü ashou shinishi keno pa ye pa pesü Alhou ghümi shi ani.

JOSHUA 23:16

tsala nongu no kütau lhouqo lau wuve no tipaqo qeuve eno pishiqhope tipaqo mllauve no Ampeu nongu Lhou sasü puloshoqhi shikeu hebideve aye, Ampeu loghu no nongu shou ikughi nani eno nongu ye Pa no ayeghi kivi nongu tsükeu lono paikhavi no püghave nani.”

JOSHUA 23:7

tishianguno nongu gholo shiye xüküqha akeqo sasü kitekungo monani, eno pano lhou je kumo nani, momu pano lhou vecheo tushoqhi monani, momu pano lhou huthumo nani, momu pishiqho mllamo nani.

JOSHUA 24:19

Ikemu Joshua no timiqo vilo pi, “Nongu ye Ampeu qelumo nani, kughengu Pa ye akimthe Lhou ke. Pa ye anhekushu Lhou; Pa ye nongu no hebideve keqo momu nongu xineqo qhitsümo nani.

XAKUTHAMI 2:19

Ikemu kugho kughomu xaküthau no thive kemtsa timiqo ye itaghi idechile aqau küxü lo ilove no pano puasüqo nguno alau alhoksa shikitheve che, eno alhou kütau mlla eno huthuuve cheke. Panongu ye pano lhoksa kümla ngo kuthovi keu lhoaye phevemoe.