IPEKULU 20:4 - Sumi Naga CL (Re-edited) Bible (BSI)

⁴ “Nongu ye no sala ajulho mlape qhimoni, momu kunguu atsütsü lo momu aqhou ayeghi lo momu ayeghi qhou azü lo kiu kimihimu mlape qhimoni.

BAIBEL (BSI)

⁴ “Nonguye atsutsulo akeu, ayeghilo akeu momu ayeghi qhou azulo akeu julho kiumu nongu ghenguno shipe qhimoni.

IPEKULU 20:4 Iomraidhean Croise

KUKAMI ATUGHIU 12:28

Ikehu akükau no akükümsü luno ameshoyi mishiti julho kini mla, eno timiqo vilo pi, “Nongu ghenguno ado shulo Jerusalem lo wu ighivae. O Israel, nongu lhou Egypt lono nongu saipeghi keu julo.”

KUKAMI AKINIU 17:12

Panongu no, “Nongu ye hi shimoni” ipi Ampeu no pikeu mllauve.

YEKIKITHI AKINIU 33:7

Pa no ajulho mlape Ampeu kilo qhi, tipa ki vehulo Pa no David ngo pa nu Solomon vilo pi, “Israel shiaye kümtsü dolono I no kishelu keu, aki hipau lo eno Jerusalem lo, I no I je pesü alhokupuju ghenguno qhi nani,

LESHELE 78:58

Kughengu panongu no pano lhou pesü Pa xukutho ke; pano julho kümlla huno Pa pelo anheshuve peke.

LESHELE 97:7

Khunono panow ameküküha julhoqo pükhüpe qheza acheni keno ajulho mlla chekemi kümtsü akukujo lo süve nani; nongu alhouqo kümtsü no Ampeu mllalo!

IPEKULU 20:23

I gholo ngono nongu ye ghükayi lhouqo mla moni momu nongu sala ameshoyi lhouqo mla moni.

IPEKULU 32:1

Kughou Moses no naghuto lono iqighini keu süpushu auve keu timiqo no ithive keno, panongu no Aaron lau hekütsü luve no pa vilo pi, “Ithulo, alhou khunono ni züu shi wunani keno, ningu ghenguno mla tsülo. Moses hipau, Egypt lono ni saipeghi keu ye pa lau kiu shive akeno ningu ye ithi movae.”

IPEKULU 32:23

Kughengu panongu no I vilo pi, ‘alhou khunoqo no ningu züu shi wunani keno ni sala mla tsülo. Moses hipau Egypt lono ni sasü ipeghi keu ye pa lau kiu shive akeno ningu ye mthavae.’

IPEKULU 32:4

Pa no panoqo u lono ikhiluve no kogheküghü mla chekeu tinhemgha pesü ameshoyi mishitsü lakhi mlave. Timiqo no pi, “O Israel, hipaqo no nongu lhou, Egypt yeghi lono nongu saipeghi keqoe!”

IPEKULU 32:8

Panongu ye I no azah tsükeu laghi lono paikhavi tsüghüvae. Panongu ye pano sala ameshoyi mishitsü lakhi mlave no ti mlla auvae eno tipau lau aghashi no pi, ‘O Israel, hipaqo no nongu lhou, Egypt lono nongu saipeghi keqoe!’”

IPEKULU 34:17

“Nongu ye ayi pesü kiukiu lhou mu mla moni.

ISAIAH 42:17

Khunono ajulho pükhü cheni, eno ayi julho vilo, “nongu ye ni lhouqo ke” ipi cheni keno, tipaqo ye sünheqhive eno shikujove nani.

ISAIAH 42:8

Ni ye Ampeu, tino I je ke; I juküvü ye khumu tsümo nani, momu I sheqhe keu pesü ajulhoqo tsümo nani.

ISAIAH 45:16

Ajulho shisü chekeqo kümtsü shikujovae; panongu ye kümtsü avehu izü khavae.

EZEKEL 20:7

I no panoqo vilo pi, ‘Nongu nhethi ghapiqilu chekeu aphikümqhüpu thimeqo nongu lakhikhi no pevelo, eno Egypt lo asü-atu julho vecheo nongu ampi shikitiqe kevilo; Ni ye Ampeu nongu Lhou ke.’

EZEKEL 8:10

Ikehu I no alou ilo no ju. Tilau atupikiye kümtsü homxa ghi aphikümqhüpu itikiche lhoxü, tüghashiqo, eno Israel laghami julhoqo kümtsü kixi pukupe aghie.

EZEKEL 8:3

Pa no au jukimihi lakhi I küdau chhophe eno I kütsüsa lono ni pugho luve, eno Aghungu no ayeghi ngo kungugha dolo I sünheqhe luve no Alhouw kungunhetsü lono Jerusalem khagho kulaghi lo achebo alou ahuu küdau akeu lo anhekushu julho lakhü, khipau no anhekushu xukutho akeno tilau I sasü ighi.

ACHINE 19:4

I qhive no ajulho mlla kevilo; ayi pesü alhou julho shisü no tipaqo mlla kevilo: Ni ye Ampeu nongu Lhou ke.

ACHINE 26:1

“Asü-atu julho, atsükucho momu atu yekütha koghe mlape tipa zülo itsaqi moni, kughengu Ni ye Ampeu nongu Lhou ke.

AKIKIHI 12:8

Ni ye aholeu no kumono pa sasü agi no agi thepe küptsa cheni, eno pa no mtsümishei I koghe ithulu cheni. Imaye kishino nokujo ye I qeu Moses shou lakichile tsa pini keu msa move kea?”

Apostolmi 17:29

Tishiaye Alhou tikughukomi keke, Alhou ye timiw kümsükuju lono ameshoyi, ghükayi, momu atu, pesü ajulho shisü keu toi ningu ye kümsü kepu kumoe.

Rommi 1:23

eno thimoni keu Lhou juküvü theli lo thiveni keu timi, ashi-aghau, momu itikiche lhoxü julho kimihiqou sasü küsükilive.

ZAKINIU 16:22

Nongu ye atsükucho qhimoni, kughengu Ampeu no tipaqo mithi ke.”

ZAKINIU 27:15

“‘Khukhumu Ampeu zülo aphikümqhüpu, kütshakügha shi küsüuno asüatu momu ayi julho mla püaghi keu ye müsüinivae.’ Eno timi kümtsü no ‘Amen,’ ipi khochileni.

ZAKINIU 5:8

“‘Nongu ye atsütsü lo, ayeghi lo, ayeghi qhou, momu ayeghi qhou azü lo akeu julho kimihi kiumu mlape qhimoni.

Piyeküsü 16:2

Ikehu kungumi atüghüu no pa kiptibo pewo ayeghi lo leqhi, ikelo tüghashi michipu akemi eno tipau julho mlla chekemi shou alhoksa eno kumthu kümna piyi küsü ikughive.

Piyeküsü 9:20

Püsa hipaqo vecheo pithi mlave kemi timi khunoqo achili akeno, panoqo ye pano kümla lhoksa lono xaide keumu kumo, moaye tüghami kümlla momu ameshoyi, ghükayi, alazayi, eno asüatu julhoqo ye ithulu chemo, chilu eno alachelu chemo kehu tipaqo kümlla pimu phevemo,

XAKUTHAMI 17:3

Pa no ghükayi hu pesü paza tsüchile kelo li no pi, “Ghukusho I nu shou iku pemoni ke I no ghükayi hipaqo pesü Ampeu lau tsüve ani. Hipau pesü no ajulho ngo ghükayi julho mla peni. Ikehu I no o tsüchileve ani.”