IPEKULU 20:17 - Sumi Naga CL (Re-edited) Bible (BSI)

¹⁷ “No ye o kisüghüu ki jumine moni; no ye o kisüghüu nipu, momu pa qemi kiptimi totimi, momu pa mishitsü, khurgha, momu kiu kiumu paw shi aghikeu jumine moni.”

BAIBEL (BSI)

¹⁷ “Noye kutami ki-alu jumine kevilo; momu kutami nipu, paqemi, patsu-aqu, pawu gadaha momu pawu kiu kiu aghi pinamu jumine kevilo.”

IPEKULU 20:17 Iomraidhean Croise

BOTHUBO 14:23

ike ni ye ayeho tachu momu apukhuqho kütsügha kighi momu kiu kiumu ow ye lumoe, tikumo aye nono, ‘I no Abram pelo kinimi shilu peke,’ ipi nosae.

BOTHUBO 3:6

Ikehu kughou atotiu no asübo huye achuqupu kivi, anhethi lo jukighilepu, eno alokütsü shilu kepu anie pi ithulu keno, li no tipau xathi ikhipe chuve, eno hami ikhipe li kimi, khuu ghi li gholo ngo akeno tsü, eno pa no chuve.

BOTHUBO 34:23

Pano tsü-aqu, amheghi eno tüghashi kümtsü niw shiluve nanike kumo? Ningu pano gholo pulo luveni nolo, tishi aye panongu ye ni gholo küghünave nani.”

JOB 31:1

“I no I nhethi sasü ashoqhi shivae; imaye ni ye kushiye ili lhothe shou jupukuni kea?

JOB 31:9

“Tsala totimi kütami lau I mlo müsü sawu püaghi aye, eno I kisüghüu hukikha ijepe khe püaghi aye,

LESHELE 10:3

Kixikilami no pa mlo lo kümsü akeu pesü qheza cheni, eno alakimnemi no Ampeu ghusho eno milive cheni.

LESHELE 119:36

Alakimne küakini lo amlotsü mono I mlo pelo O kükütsüqo lo amlo tsüqhiyi pelo.

AHOLE 4:23

O kükümsü kütsü kiyipe jukuto alo, kughengu tipau lono aküxü züpuki ipeghi cheni.

AHOLE 6:29

Tihutoi timi khuu no kütami nipu sasü züveni keno, li shipüthave ke lame pa ye aghime pumove mlae.

YETSAPIU 4:8

thilimi lakhi anu mu athiküzümi mu kühano ache, ikeghi tamono akaghashi mlache eno pa ye küakini jupe aghaqimo kelau ishi pijumoe “Ni ye khuu ghenguno akaghashi mla eno I lopivini keu milive acheni kea?” Hi ghi adou eno alokivi vehu kumoe.

ISAIAH 33:15

Khuu no amikucho la lo cheghi eno athotsa picheghini keno, khuu no süxa pesü ala shini keu milive cheni keno, khuu no külügho luve nosa kehu au kukhu qhive cheni keno, khuu no aji peleni keu kukughu ini tsümoni eno alhoksa lono pa nhethi miyi luveni keno,

ISAIAH 57:17

I no pa shou amlo idevekeu ye pa no aghükha shikeu xine ghenguno ke, tighenguno I no ghimeqhi eno I no amlo ideve no I gi küsüve, ikemu pa no pa mlo iqesü athiu idewove.

JEREMIYA 22:17

Ikemu nono o nhethi eno o mlo akeu ye achipi kumo lono ala shinikeu, pimihami ji peleni keu eno anguka lono qhasü nike ghengu likhino ke.”

JEREMIYA 5:8

Panongu ye akivishi loji keu ngosükümla khurshi toi, milakhi khino pa kisüghüu nipu jumine cheni.

EZEKEL 33:31

Panongu no lakhi shi o lau ighi no o zülo iqa eno nono kiu pi keno chilu ikemu panongu ye ti papemo nani; kughengu pano kichi lo ghaghughale tsa pike toi mlaitha ke; pano mlo ye pano no ala shinikeu lo ghope ani.

MICAH 2:2

Panongu no aluzaqo mine eno süxa luve cheni, eno akiqo süxa luve cheni; timi kibolomi nedaqoda cheni, eno pano mheghi luvetsü cheni.

HABAKUK 2:9

“Khuu no kunguu apüsü pesüni ye, eno alhoksa lono itshü luniye pa kibolomi sala akumou laghi lono ala shicheni keno ahaküsapue!

MATTHEW 20:15

I no akeu pesü kiu shinishi keno ni ye shimlani keshea? Ikeo, Iw tsüjekini ghenguno o nheshuve kea?’

MATTHEW 5:28

Ikemu I no nongu vilo pi akeu ye khuu no mineqhiyi kütami nipu juni keno pa mlo lou no li sasü kütüqhavae.

Luke 12:15

Eno pa no timiqo vilo pi, “Alakimne jeli kümtsü lono nongu jukutolu lo, kughengu timi lakhi küxü ye pa küakini pofushi aghi keu huno kumoe.”

Luke 16:14

Phariseemi ye küakini mineqhiyi chekehu kughou no atsa hipaqo chilu keno, panongu no Jisü thaigha junu.

Apostolmi 20:33

Ni ye khuuw ameshoyi, ghükayi, aphimini mu mine püamoe.

Apostolmi 5:4

Ti jemphi lonomu ow ke kumo? Eno jeve kethiu ghi o u lo ae. Imaye, kushiye hikithipu shinike o mlo lo kughuphe kea? No ye timi lau kumono Alhou lau mikivae.”

Rommi 13:9

Kughengu Azakütsü, “No ye shupu-salha moni, No ye ghiqhi moni, No ye püka moni, No ye alamine moni,” eno kütau kiu kiu Zakütsü pinamu, kümtsü xuküqhape hipa tsalo pipuku püani: “No ye o likhi o toi o kisüghüu kimiyelo.”

Rommi 7:7

Tishi aye, ningu ye kiu pini kea? Ayezah no axine keo? Kiu gholau nomu kumoe! Ikeghi Ayezah ghenguno kumo aye ni ye axine ithimoni cheke. Kughengu Ayezah no, “Nongu ye jumine kevilo” ipimo keaye, ni ye jumine keu ye kiu keno ithimoni cheke.

1 Kor. 6:10

küpkami na, alakimnemi na, shokümzümi na, thoküghami na, pükaqhi kemi namu, khumu Alhou yekipe ighimla nani.

Ephesiami 5:3

Alhou küpülümi shive akehu, shupu-salha, mithekumo jeli momu alakimne ye nongu dolo küptsa keumu shimoni.

Ephesiami 5:5

Nongu no hi thebeilu nani ke küsalhami, mithekumomi momu alakimnemi (ti ye, ajulho kümllau) ye Khristo eno Alhou yekipe amheghi ithulumo nani.

ZAKINIU 5:21

“‘O kisüghüu nipu jumine kevilo; pa ki alu, pa qemi, pa qelimi, pa mishitsü, paw khurha, momu pa no aghikeu kiumu jumine kevilo.’

ZAKINIU 7:25

Pano lhou julhoqo pitive tsü masae. Nongu ye ajulho shou ameshoyi ngo ghükayi aghi keqo jumine moni, momu nongu sala lumoni, tino nongu meluve nosae, kughengu ti ye Ampeu nongu Lhou ghenguno aphikümqhüpu ke.

FILIPIAMI 3:19

Panongu ye kütsakungo keu no asheho nani, panongu kive huno pano lhou, eno ayeghi lo thime shou kümsü puku anipi panongu ye akukujopu pesü akijivile cheni.

Kolosiami 3:5

Tighenguno nongu lolo ayeghilo ghola akeu pithive lo: ashupu asalha, mithekumo, ngosükümla, alhoksa kükümsü, alakimne, hi ye ajulho kümlla ke.

IBRIMI 13:5

Pisa kimne lono o küxü putosü lulo, eno nono kiu ani keno o ghakiqi shilo, kughengu Alhou no pi, “Ni ye khilemu o qhivemo, momu o phevemo nani.”

JOSHUA 7:21

aghüshi lono hakholu keqo gholo Shinar lono mlakeu hebephi jukivi lakhi, ghükayi ahu kini, eno ameshoyi ahu tüxa qhemi I no ithulu no püka luve. Tipaqo ye I pusho alou chhuqho püani eno ghükayi no aqhoshi no püanie.”

SAMUEL ATUGHIU 12:3

Ni ye hile ani; Ampeu zülo eno Paw nukikishe zülo I lachile kepu aghi aye thopi shijulo. Khuu mishitsü momu khurha I no luvetsü kea? I no khuu pishiqhi chuve momu khuu qhasüve kea? Momu khuu u lono I no külügho luve no tino I nhethi miyi luve kea? I lachile ghi thopi shijulo eno I no tipaqo nongu lochileveni.”

SAMUEL ATUGHIU 15:19

Imaye kushiye no ye Ampeu tsa lumove kea? Kushiye hakhokulu nhemgha süxa no Ampeu zülo axine shive kea?”