IPEKULU 2:23 - Sumi Naga CL (Re-edited) Bible (BSI)

²³ Tipa ghuloki lo Egypt kükau ye thive, eno Israelmi ye pano qüaxe ghenguno amloghuju shi kuphu tsü peniye ighamku che. Aqüaxe lono xaphetsü penike ighamku chekeu iku Alhou tove.

BAIBEL (BSI)

²³ Ampe kutomo thiu Ijip lo akukau thive, ikemu Israilmiye timi qeke launo atuthughi shephemlano kuphu peniaye igha muku acheke. Panonguno igha muku keu iku Alhou tove,

IPEKULU 2:23 Iomraidhean Croise

BOTHUBO 16:11

Eno Ampeuw kungumi no li vilo pi, “Julo, no ye mishipu ani eno anu lakhi punu nani. No ye pa je Ishmael kutsü nani, kughengu Ampeu no o ghime chiluve tsüae.

BOTHUBO 4:10

Ampeu no pi, “No ye kiu shive akea? O thiküzüu ji ghügha huno ayeghi lono I lau igha ikughi anie.

NEHEMIA 9:9

“Nono ni puasüqo no Egypt lo kishi aghime shi keno ithulu eno Akuhu Züghi lo panongu no ighamku keu chilu tsüe,

JOB 35:9

“Nedaqoda keu ihulove kehu timi no ighamku cheni; akumtomi launo kuphu peniye pano no igha cheni.

LESHELE 102:1

I kighini ini tsülo, O Ampeu, I küqa O lau ighilu pelo!

LESHELE 102:2

I ghime kitikhi tsala lo I launo O gi küsüve kevilo! O kini I lau kughopuwo tsülo I no O kuke tsala lo mtazü I khochile tsülo!

LESHELE 12:5

“Kumlhomi pükaqhi, aveküsami no aghuju shi kehu, Ni ye itehi ithughi niae,” ipi Ampeu no pi; “Pa no khile sükusho laju cheni keno I no tile pa sawo qhini.”

LESHELE 18:6

I mlo kighishi lono I no Ampeu kue; I Lhou lau I no akukuphu ghenguno ighamkue. Pa chineki lono Pa no I sütsa chilu tsü, Pa no I küqa chiluve tsüae.

IPEKULU 1:14

aghani ngo pititu kümla, eno aluza lo akümla jeli kümtsü aghimeshi mlakeu vecheo panoqo küxü kukhukimji shitsü. Akümla kümtsü lo panoqo pelo aqüaxemi toi mlape ke.

IPEKULU 4:19

Eno Ampeu no Midian lono Moses vilo pi, “Egypt lo idewolo, kughengu timi o küxü phuche keqo ye thikhavae.”

IPEKULU 6:5

Tinguno alau, I no Iw timi Israelmi, khunoqo Egyptmi no aqüaxe shi tsüghape ani keno, panoqo mloghuju chiluvae, eno I no Iw puloshoqhi kümsüchile luvae.

IPEKULU 6:9

Ikehu Moses no Israelmi pütsa, ikemu panongu no Moses tsa ini tsümoe, ti ye pano ghungu ghüthiküsü eno ayikushu qüaxe lo ake ghenguno ke.

IPEKULU 7:7

Kughou pama no tipa ghuloki lo Pharaoh pütsa keno, Moses ye ampe lhotache shiae, eno Aaron no ampe lhotache küthü shiae.

ISAIAH 19:20

Tino Egypt lo aqokitikhi MPEU akeu michipu shi nani. Kughou nedaqoda ke ghenguno panoqo no Ampeu lau ighamkuni keno, Pa no xakuluu eno sükushou puwu no panoqo xaphelu nani.

ISAIAH 5:7

Aqokitikhi MPEU tsailu ye Israel shiye, Judah lo küami no Pa lopushi chekeu sübo ke; Pa no panoqo launo kuchou xakütha laju kemu julo, ajikuqou ithulue; achipiu mikucho laju kemu julo, panongu no püqapunu chekemi küqau chilue!

AKIKIHI 20:16

Tileno ningu no Ampeu lau ighamku eno Pa no ningu küqa chilutsü püzü kungumi puwu no Egypt lono ningu saipeghi. Eno itehi ningu ye o ghakhu lughi Kadesh lo ani.

Apostolmi 7:30

“Ampe lhobidi thiu, kungumi no Sinai Toghi phivilo asüminipho lo amiküqü lono pa lau ipeghi.

ZAKINIU 24:15

Khetsünhe ilomphi lono tipa tsalani jume pa tsüveni (kughengu pa ye kumlhomi ke eno ti pükhüpe acheni), tikumo aye pa no Ampeu lau nongu ghenguno ighamku kelo nonguu no akipimi shive nani.

James 5:4

Julo, akümlami khunoqo nongu lulo mlatsü keno, nongu no pano pishiqhipe ajume qhichile luve tsüke, panoqo no nongu shou ighamku ani, ghile kuhumi ghügha no aqokitikhi Mpeu kini tovae.

XAKUTHAMI 4:3

Ikehu Israelmi no Ampeu vilo kuphu tsülopi ighamku, kughengu Jabin ye ayi khurkulu 900 ache eno pa no ampe muku ayiküsa shi Israelmi qhasü.

SAMUEL ATUGHIU 12:8

Jacob no Egypt lo ighi kelo, Egyptmi no panoqo ghimeqhi, ikehu nongu puasüqo no Ampeu lau ighamku eno Pa no Moses ngo Aaron puwu no nongu puasüqo Egypt lono saipeghi no panoqo pelo hipau-a lo xülupe.

SAMUEL ATUGHIU 9:16

“Thoghiu hipa ghuloki lo I no Benjamin yeghi lono timi lakhi o lau puwu nani, eno pa pelo Israel lo Iw timiqo shou sakipheu shi penike nono pa nukishe lo. Pa no Philistiami u lono Iw timiqo xalu nani. I no Iw timiqo ithuluvae, kughengu panoqo ghügha ye I lau ighivae.”