IPEKULU 19:6 - Sumi Naga CL (Re-edited) Bible (BSI)

⁶ eno I ghenguno nongu ye achinemi kükaqha lakhi eno akimthe shiye shi nani.’ Nono Israelmi vilo pini keu tsa ye hipaqo ke.”

BAIBEL (BSI)

⁶ ilau likhi ikhiphe tsuvekemi eno nonguye achinemi shi iqelu nani.”

IPEKULU 19:6 Iomraidhean Croise

KUKAMI ATUGHIU 3:8

O qeu ye Nono kisheluve kemi, shishe ajekipimi, eno kihikhakümla timi hijeje dolo ani.

KUKAMI ATUGHIU 8:53

Kughengu Nono ayeghi lo ashiaye kümtsü gholono Ow timi shinike panongu kishelue, ti ye Nono O qeu Moses vecheo Egypt lono ni puasüqo saipeghi kelono pi püanie, O Ampeu Alhou.”

YEKIKITHI ATUGHIU 17:22

Tishino Nono Israelmi pesü alholo Ow timi shivepe, eno Nono panongu Lhou shike, O Ampeu.

LESHELE 114:2

Judah no Pa kimthe-a shive, Israel no Pa yekipeqha shive.

IPEKULU 15:26

ghi pi, “Tsala nongu no amlo tsüqhiyi Ampeu nongu Lhou tsa ini eno Pa nhethe lo kiu no achipi keno tipau shi aye, eno Pa yezah lo nongu mlo tsü eno tipaqo kümtsü pelu aye, I no Egyptmi lau aküsü puwu keqo kiumu nongu lau süghimo nani, kughengu Ni ye Ampeu, nongu shikipiviu ke.”

IPEKULU 22:31

“Nongu ye kishekimthepe Iw shini. Tighenguno nongu ye aghalo tüghashi no heqhive keu khetsüshi chumoni; ti ye atsüqo tsüveni.”

IPEKULU 28:36

“Ameshoyi kütsüghü pesü akhu lakhi mlalo, eno jedapu nguthi lakhi lo kixi puku ketoi ameshoyi khu tile, ‘Ampeu lau akimtheshi tsüvae’ ipi yepuku lo.

ISAIAH 43:4

Kughengu no ye I nhethe lo akughupu; gihu küzüpu, I no o kimiye cheni eno o theli lo timiqo pheve cheni, o küxü ghenguno ashiaye kütami pesü atheli shi cheni.

ISAIAH 61:6

Nongu ye Ampeu chinemi kepi ku nani, panongu no nongu ye Ni Lhou qemiqo kepi ku nani; nongu no shiye kütamiw kinikülü peitha nani, eno panongu jekipi shou no, nongu no akijivile nani.

ISAIAH 62:12

Panongu ye Akimthemi ipi ku nani; eno Ampeu no xachile luve kemi ipi ku nani; eno nongu pesü Alhou no Phuche kemi, eno Qhivemokeu Mishighüna ipi ku nani.

ISAIAH 66:21

Panoqo khami ye I no achinemi eno Levimi shipe nani.”

JEREMIYA 13:11

Chighichephi pesü timi polo khapu ketoi, I no Israel ngo Judah kibo kuchopu pesü I khada peke, ipi Ampeu no asheshu, tishianguno panongu pelo Iw timi shilu, I jeku, shekiqhe eno agigihu tsü peniye ke, ikemu panongu no initsü moe.

JEREMIYA 2:3

Israel ye Ampeu lau akimthe shiche, Paw ghilelo xathi amsüu. Ti chukemi kümtsü küqüve; pano shou ahaküsapu ikughive, ipi Ampeu no sheshu.”

JEREMIYA 7:23

Ikemu azakütsü hipau I no panongu tsüe: ‘I sütsa gholulo, tishiaye I no nongu Lhou shinani, eno nongu no Iw timi shinani. I no nongu azah tsükeu la lo chechelo, tishiaye nongu kivipu shinani.’

ACHINE 19:2

“Israelmi qoaho vilo pilo, Akimthe shilo, kughengu Ni Ampeu, nongu Lhou ye akimthe ke.

ACHINE 20:24

Ikemu I no nongu vilo pivae, ‘I no nongu mheghi shi akichhizü ngo akhingozü qowu akeu yeghi hipau pesü nongu tsüni.’ Ni ye Ampeu khuu ashiayeqo launo nongu kishe kütüta shitsü keno, nongu Lhou huke.

ACHINE 20:26

Nongu ye I lau akimthe shini, kughengu Ni Ampeu ye akimthe ke, Iw shiniye I no ashiayeqo launo nongu kishe kütüta shike.

ACHINE 21:23

ikemu pa ye aphimpi lo tukutiye ani kehu nhaqhiphi phivilo momu akiptia kupunu ighi moni. Pa ye I kimthe nhemgha shipixi moni, kughengu Ni ye tipaqo shikimthe chekeu Ampeu ke.”

AMUS 3:2

“Ayeghi lo ashiaye kümtsü dolo Ni ye nongu likhi ithie; tighenguno no xine ghenguno I no nongu ghime nani.

HAGAYI 2:5

kughou nongu no Egypt lono ipeghi keno tileno I no nongu sasü puloshoqhi shikeu kiqi lono ke. I Ghungu no nongu gholo ani, msa kevilo.

AKIKIHI 16:3

Panongu no Moses ngo Aaron zülo kumqo luve püzü pama vilo pi, “Nokujo ye ihulovae! Kughengu ahohomi kümtsü no akimthemi ke eno Ampeu ye ningu kümtsü gholo anie. Tighenguno nokujo ye kushiye nokujo likhi nokujo pesü AMPEUw ahohomi kütamiqo nguno akiqheu kepi pükha ani kea?”

Rommi 12:1

Tighenguno athiküzümiqo, Alhouw kimiyekini vecheo I no nongu hakite ani, nongu phimpi pesü aküxüpu kümllagho shi Alhou lau akimthe eno ikhikulupu shi tsülo, hi no nonguw aghungulo kümlla kuchou ke.

1 Kor. 3:17

Khunono Alhou chineki kütsaveni keno Alhou no pa kütsave nani. Kughengu Alhou chineki ye akimthe eno nongu no tipau chineki ke.

ZAKINIU 14:21

“Pakutoshi no thive keu lhoxü thaqhü ye chumoni. Tipaqo ye kachenami no gholo xüakemi no chuvepe, momu inaghami vilo jevelo. Kughengu nongu ye Ampeu nongu Lhouw akimthe timiqo ke. “Aneti shi pesü aza kichhizü lono lho kevilo.”

ZAKINIU 26:19

Pa no lhokeu shiye kümtsü nguno akiqheu shi shekiqhe, ajuaje, eno agigihupu lo nongu süqhe nani, eno Pa no piqhike toi nongu ye Ampeu nongu Lhou zülo akimthe timi shinani.”

ZAKINIU 28:9

Nongu no Ampeu nongu Lhou zakütsü gholu eno Pa pulou lo cheche aye, Pa no tushoqhi ketoi nongu pesü Pa kimthe timiqo shinani.

ZAKINIU 7:6

“Kughengu nongu ye Ampeu nongu Lhou lau akimthemi ke. Ampeu nongu Lhou no ayeghi lo ashiaye kümtsü gholono Paw akughupu mheghi shou ampi shipenike nongu kishelue.

1 Thes. 5:27

Ampeu zülono I no nongu pelo yesü hipau pesü kümtsü lau phisü penike azah tsü ani.

1 Peter 2:5

aküxüpu tuquqo toi nongu ampi pesü aghungulo chineki shiqhetsü, akimthe chine kümlapu shilupe, eno Jisü Khristo vecheo aghungulo ghakishi pesü Alhou lau ikhikulupu shi mllalu peke.

1 Peter 2:9

Ikemu nongu ye kishekiphe lagha, Akükau chine kümlami, akimthe shiye, Alhou no Pa kütsashi pükhalu keu timiqo ke, tishikeu lono Khuu no aküzü lono nongu kuphepe Paw akichiqhipu küvü lo sailo keno, nongu pelo Pa kighiche kümla sheshu peniye ke.

Piyeküsü 1:6

Pa Lhou eno Apu huthu peniye ningu pesü achinemi kükaqha lakhi toi shitsü keno, Pa lau alholo eno pülhapuju ajekipi eno aküka apelo. Amen.

Piyeküsü 20:6

Khunono xüchilekulu atüghüu lo küsaje luni keno akümghapu eno akimthepue. Akithi akiniu ye hipaqo shou aküka kühavae, panongu ye Alhou eno Khristo chinemi shi nani eno Pa gholo ampe qhethonhe ayepe nani.

Piyeküsü 5:10

eno panoqo pesü kükaqha eno achinemi shi ghi ni Lhou lau tsüve kehu panoqo no ayeghi lo ayepe nanie.”