IPEKULU 19:16 - Sumi Naga CL (Re-edited) Bible (BSI)

¹⁶ Atsala aküthüni inaqhe tilehi tsütsüküsü ngo tsütsüpha ighi eno khüngküsü kutho no naghuto lo ikughive eno afuko ghügha ighono kije küigha, ikehu aghazü lo timi akeqo kümtsü no khokho shive.

BAIBEL (BSI)

¹⁶ Akuthuni inaqhe naghuto shou tsutsu-su, tsutsukulo eno khungkusu zuchiyi ipeghike eno afuko vekipighi ighakeu sutsa chilue. Aphiki shipuake alo timi kumtsu akumsa launo khokhoshive.

IPEKULU 19:16 Iomraidhean Croise

SAMUEL AKINIU 22:10

Pa no atsütsü kiyeve no iqighi; Pa pukhu qholo aküzü kutho ae.

YEKIKITHI AKINIU 5:14

eno tipa ghenguno achinemi ye puthughope huthu mlave, kughengu Ampeu juküvü no Alhou ki chhitoive ke.

JOB 38:25

“Khuu no atsütsü lo tsütsüghu iqighi kepu züla hetsü, eno tsütsüküsü kuwula ghephe tsü kea?

LESHELE 50:3

Ni Lhou cheni; Pa ye inaqhoi ngove chemoe; pitipüha chekeu mi no Pa zülo ani, pasapagha kumto no pa homxape ani.

LESHELE 77:18

Ow tsütsüküsü no fukichighi mülhü lo ae; Ow tsütsüpha kukulo no ayeghiqha yepüvüe; ayeghiqha no khokhoshi ithae.

LESHELE 81:8

O Iw timiqo, I no nongu vilo piputo akeu inilo! O Israel, nongu no pulo aghi aye I tsa inilo!

LESHELE 97:4

Paw tsütsü kukulo no ayeghiqha yepüvü; ayeghiqha no ti ithulue eno khokho shive.

IPEKULU 19:11

eno atsala aküthüu loye kutope ngo pelo. Kughengu atsala aküthüu lo timi kümtsü nhethe lono Ampeu no Sinai Naghuto lono iqighi nani.

IPEKULU 19:15

Eno pa no timiqo vilo pi, “Atsala aküthüni ghenguno kutolulo; totimi phivilo wu kevilo.”

IPEKULU 19:17

Tileno Moses no Alhou sasü kushoni ye aghazü lo timi akeqo kümtsü sasü ipeghi, eno panongu no naghuto philo puthugho ngoluve.

IPEKULU 19:9

Ampeu no Moses vilo pi, “Julo, Ni ye khüngküsü kutho lono o lau cheni, tishianguno kughou I no o pütsani keno timiqo no chilu peni, eno alholo o pülülu penie.” Kughou Moses no timiqo tsa pesü Ampeu vilo pi keno,

IPEKULU 20:18

Kughou timi kümtsü no tsütsüküsü ngo tsütsüpha kulokeu ithulu eno afuko ghügha ngo naghuto lo amchhi phokeu ithulu keno, panongu ye akümsa no khokho shive no putou puthugho luve

IPEKULU 20:21

Timiqo no putou puthugho ae, eno Moses no aküzü kutho küdau Alhou no akeu lo kupunu wue.

IPEKULU 40:34

Tithiu khüngküsü no kuposhukulu phiki küzüluve, eno Ampeu juküvü no Ampeu kungo phiki chhitoive.

IPEKULU 9:23

Moses no pa küsü atsütsü küdau peqhe, eno Ampeu no pasapagha ngo mürasü eno ami ayeghi lo puwu. Ampeu no mürasü Egypt yeghi shou ghuqhi tsü.

JEREMIYA 5:22

Nongu ye Ni msamo keshea? Ampeu no asheshu. Nongu ye I zülo khokhoshi chemo keshea? I no asaye pesü azüghi lughi shi, ti vechemla kepushi alhokuthu ghuthu shi; azü fukucho ighimu ti veche mla; mqhumza igha namu veche mlae.

NAHUM 1:3

Ampeu ye asheshino amloide cheni eno aküka kuloghi, Ampeu ye khilemu pimive keu phepuwuve chemo. Pa laghi ye miyitsü eno pasapagha lo ani, eno khüngküsü no Pa pukhu lo ayeghimkhu ke.

MATTHEW 24:31

Afuko ghügha vekipighi igha no pa no paw kungumi puwu nani, ayeghi cheku bidi lono, eno atsütsü shekichi lono paw kishekiphemi panongu no hekütsü nani.

ZAKINIU 5:5

Ni ye tipa ghuloki lo nongu eno Ampeu dolo puthugho no Pa no kiu pi keno nongu vilo pie. Kughengu nongu ye ami msa kelauno naghuto lo iqhomoe. Ampeu no pi,

IBRIMI 12:21

Ti ye shishe aküighüpu kehu Moses no pi, “Ni ye akümsa no khokho shive.”

Piyeküsü 1:10

Ampeu Tsalani I no Aghungu lono kuposhu akeloye I thiu afuko toi asütsa lakhi no vekipighi pikeu chilu,

Piyeküsü 11:19

Tileno kungugha lo Alhou chineki khaqhi eno tilehi Paw Puloshoqhi bohu akeu ithulu. Ikelo tsütsüküsü küvü no phaphashi, vekipighi igha, ayeghi no ilüuve no mürasü kuloghi ghuqhi thuve.

Piyeküsü 4:1

Hipa thiu julo, itaghi kungugha lo ahukikha lakhi khaqhi püakeu I no ithulu! Eno azüu asütsa khikhi afuko toi vekipighi I pütsa keno, tipau huno pi, “Hilau ikughilo eno hipa thiu kiu shiveni cheni keno I no o piyeni.”

Piyeküsü 4:5

Kükalakhü lono tsütsüpha küvü ipeghi, tsütsüküsü ghügha no vekipighi igha, eno kükalakhü tipau zülo akulu tsüni, khikhi Alhou Ghungu tsüni keno tipaqo lono ami iqüae,

Piyeküsü 8:5

Tileno kungumi huno akiptia lono ami hipe akiptibo lo süno ayeghi shou vepuku kelo tsütsüküsü ghügha no vekipighi eno tsütsüpha kulo püzü ayeghi ilü thuve.