IPEKULU 18:8 - Sumi Naga CL (Re-edited) Bible (BSI)

⁸ Tithiu Ampeu no Israelmi ghenguno Pharaoh eno Egyptmi lau mlakeu, alaghi lo aghime panoqo shou ikughi keu, eno Ampeu no kishi panoqo xaphelu keno ti kümtsü Moses no pa ngu vilo pi.

BAIBEL (BSI)

⁸ Muse no Jethro vilo AMPEU no Israilmi xapheluniye Ijip lo akukau ngo timiqo shou kiu shivekeno thwokha kumtsu pitsu. Pano panongu vilo timiqoye alalo chekelo akijiksa kiu sholukeno eno AMPEU no kishi panoqo xalukeno tipau pesu pitsuke.

IPEKULU 18:8 Iomraidhean Croise

BOTHUBO 44:34

Kughengu apu no I gholo wumo aye, ni ye kishi I pu lau idewoni kea? Alhoksa no I pu lau ighiveni keu ni ye msa anie.”

NEHEMIA 9:32

“Tighenguno itehi, ni Lhou, akijeu, akumtou, eno akichiqhipu Lhou, puloshoqhi eno iqemokeu kikimiye pekupu chekeu, Assyria kükami ghuloki lono ishi kutolo aghime ni shou ikughi keu eno niw kükami, sakiphemi, achinemi, tungkupmi, apuasü, eno timi kümtsü shou ikughi keu jukuloti tsü kevilo.

LESHELE 106:10

Tihutoi Pa no aghümi u lono panoqo xaluve, eno aghümi küka lono panoqo qhüchile luve.

LESHELE 106:8

Ikeghi Pa no Pa je lono panoqo xaluve ke, tishikeu lono Pa no Paw akughushu küka pephe piye niye shike.

LESHELE 107:2

Ampeu no qhüchile luve kemi no pilo, Pa no aghime lono khunoqo qhüchilelu keno,

LESHELE 66:16

Ighilo eno inilo, nongu Alhou sümsa chekeqo, eno Pa no I ngulho lau kiu mlatsü keno I no pini.

LESHELE 81:7

Aghime küsa lo nongu no I ku, eno I no nongu xaphe; Pasapagha-a lono I no nongu khochile; Meribah züpuki lo I no nongu ghükeju ke.

IPEKULU 15:16

O Ampeu, Ow timiqo no heche wumoke kutolo, Nono qhüluve keqo no kathasü wulu moke kutolo, akümsa ngo aküighüpu no panoqo shou ikughie; O u kumto ghenguno panongu ye atuqu toi inaqhoivae.

IPEKULU 15:6

O Ampeu, O u ajeu küka jekipipu, O Ampeu, O u ajeu huno aghümi kütsa cheni.

IPEKULU 16:3

eno Israelmi no pama vilo pi, “Egypt yeghi lo nino ashi kulholiqo phivilo iqa no aghakiqi shi achuqupu chuche kelono Ampeu u lonomu thive keu pavini cheke, kughengu nokujo no ni sasü asayeqha hipau lo ighi no Israelmi qoaho kümtsü akhüava lono pithiveni ye shi anike.”

IPEKULU 18:1

Alhou no Moses eno Paw timi Israelmi ghenguno mla tsükeu, Ampeu no kishi Egypt lono Israelmi saipeghi keno, Midian chineu Moses pangu Jethro no kümtsü chiluve.

IPEKULU 2:25

Alhou no Israelmi ithulu—eno Alhou no ithive.

IPEKULU 23:23

“Kughou Iw kungumi no nongu züuno wuno Amorimi, Hittimi, Perizimi, Canaanmi, Hivimi, eno Jebusimi lau nongu sasü ighini keno, I no panoqo pühave nani,

IPEKULU 4:23

eno I no o vilo pi ani, “I nu puwuvelo tishianguno pa pelo I qe penie.” Tsala nono pa puwumo aye, julo, I no o nu anoghiu pithive tsüni.’”

IPEKULU 7:4

Pharaoh ye o tsa ini tsümo nani. Tileno I no Egypt shou I u benani eno Iw timi aqokitikhi, Israel nuliqo, amchipu kümla kije vecheo Egypt yeghi lono saipeghive nani.

IPEKULU 7:5

Kughou I no Egypt shou I u süqhe no panoqo launo Israelmi saipeghini keno, Egyptmi no Ni ye Ampeu kepi ithi nani.”

AKIKIHI 20:14

Moses no Kadesh lono Edom kükau lau aghinimi puwu no pipe, “O thiküzüu Israelmi no ishi pi ani: Ningu no akijiksa ghime sholu keu nono ithi ani: