IPEKULU 18:12 - Sumi Naga CL (Re-edited) Bible (BSI)

¹² Moses pangu Jethro no akipti kümllagho lakhi peighi no Alhou lau aghashi; eno Aaron no Israelmi layemi kümtsü saighi no Moses pangu sasü Alhou zülono chushoe.

BAIBEL (BSI)

¹² Tileno Jethro no akuchopu piti mllakeu ngo heqhi mllakeu kutau ngo ishi AMPEU mllanike sughi; Aron ngo Israilmi sakiphemi kumtsu pa gholo wupuzu mllakeu lakhi shighi akimthe libe chuke.

IPEKULU 18:12 Iomraidhean Croise

BOTHUBO 12:7

Tithiu Ampeu no Abram lau ipeghi no pi, “O tikughukomi lau I no ayeghi hipau tsüni.” Ikehu pa no Ampeu, khuu pa lau ipeghi keno, Pa lau akümlla-khache shiqhe.

BOTHUBO 26:25

Ikehu pa no tilehi akümlla-khache shiqhe no Ampeu mlla eno pa phiki shiqhe. Eno Isaac qemi no tilehi azükikhe lakhi chhue.

BOTHUBO 26:30

Ikehu pa no panoqo ghenguno aghulhu kutotsü eno panongu no chushove.

BOTHUBO 31:54

Jacob no atoghi ghakhu lono aghakishi lakhi mlla eno pa sholokumi kusü no asho chue. Panongu no asho chuve no atoghi ghakhu lono tsüküzü puwove.

BOTHUBO 4:4

eno Abel ghi pa mbeloji lo piti tüghüu, atha pubeyi keqo dolono peighi. Ampeu no Abel eno pa kümllagho shou amloqive,

BOTHUBO 43:25

panongu no puchomghü lo Joseph ighini keu ghenguno aghochhe kuto, kughengu panongu ye tilehi achuqupu chu nanie pi chilu ke.

BOTHUBO 8:20

Tishino Noah no Ampeu lau akümlla-khache shiqhe eno mqhamqhi keu lhoxü ngo aghau khami ikhilu no akümlla-khache lono akipti kümllagho tsüe.

SAMUEL AKINIU 9:7

David no pi, “Msa kevilo, kughengu o pu Jonathan ghenguno I no kikimiye o piyeni, eno I no o sü Saul yeghi kümtsü o tsüchileveni, no ye alhokuthu I ghulhu lüpa lono chuni.”

YEKIKITHI AKINIU 30:22

Levimi no shitsa shi Ampeu huthuke ghenguno Hezekiah no panoqo shikumto tsü. Panongu no atsala tsüni aghulhu shi, külakishi kümllagho tsü eno Ampeu pano puasü Lhou shikimthi tsüe.

JOB 1:5

Kughou no aghulhu tsalaqo taveni keno, Job no panongu ku puwu no shikimthepe Alhou lau ikhiphe tsüche, pa no inaqhe itheno ithu panongu lakhikhi ghenguno akipti kümllagho shiche. Kughengu pa no piche, “I nuliqo no axine shive no panongu mlo lono Alhou ghushove aghi nosake.” Ikehu pa no alhokuthu hitoi shiche.

JOB 42:11

Tithiu pa thiküzü chelimi eno püzüu pa ithi chekemi kümtsü no pa lau ighi no pa ki lono kümtsa aghulhu shi. AMPEU no pa shou ado lhoksa pukutsü keu ghenguno panongu no amloksa pa piye no pa lokughuno tsü. Eno panongu lakhi khino pisa ngo ameshoyi nguthi pesü pa tsü.

JOB 42:8

Tighenguno itehi ye amshitsü ngo ambetsü tsünini pesü I qeu Job lau wuno nongu ghenguno akipti kümllagho shilo. Eno I qeu Job no nongu ghenguno inikhu tsünani, I no pa kighini chiluve tsüno nonguw mbomzü qhemi akipimi tsümoveni. Kughengu nongu ye I qeu Job toi I ghili pitsümoe.”

IPEKULU 18:13

Thoghiu Moses ye timiqo tsa küghatha tsüniye iqa luve, eno timiqo no inaqhe no avela kutolo Moses vehope puthugho ngove.

IPEKULU 2:16

Midian lo achineu ye anga totimi tsüni ache, eno panongu no ighi no azü shophepe panoqo papu tsü-aqu piye niye atughuko shepichhi ae.

IPEKULU 2:20

Pa no pa ngaqo vilo pi, “Imaye pa ye khile ani kea? Kushiye nongu ye timi hu qhive kea? Pa kulo, eno pa pelo asho chu pelo.”

IPEKULU 20:24

Ayeghi no shikeu kiptia I ghenguno mlalo eno akipti kümllagho ngo külakishi kümllagho, nongu mbe ngo amshitsü tipau lono aghashini. I je kümsülu penike I no kishetsü ke-a lo nongu lau ighi nani eno nongu kümghatsü nani.

IPEKULU 24:11

Pa ye Israelmi atomi shou Pa u chhomoe; panongu no Alhou ithulu eno chushoe.

IPEKULU 24:5

Eno pa no Israelmi lhothemi puwu no panoqo pelo Ampeu lau akipti kümllagho ngo amshitsü pesü külakishi kümllagho ghakishi shipe.

IPEKULU 3:1

Moses ye Midian lo achineu pa ngu Jethro mbeloji khekuto ae, eno pa no yenguyike-a kulolau ambeloji sasü wuno Alhouw naghuto Horeb lo ighi.

IPEKULU 33:7

Moses no aphiki pesü aghazü nguno khalau kushuo lo tshüpe qhiche, eno pa no tipau pesü kuposhukulu phiki kutsü. Ampeu phuni kemi kümtsü no aghazü khalau kuposhukulu phiki lo wuche.

DANIEL 10:3

Ni ye achuqupu kivi chumo, ashi momu atsaiji I kichi lo sümo, momu ni ye apinedo küthü kupuju I phiau nukümtsha moe.

AKIKIHI 10:29

Moses no pangu Reuel nu Hobab, Midian noghami, vilo pi, “Ningu ye Ampeu no ayeghi khikhi, ‘I no nongu tsüni’ ipi püa keno, tilau wucheni. Nino akivishi o tucho nanike ni gholo ighilo, kughengu Ampeu no Israelmi lau akivi mlani keu piqhive ake.”

Luke 14:1

Sabbath lakhi lo kughou Jisü no Phariseemi yepeu kilo aghulhu shiniye wu keno, panongu no pa jukuto ae.

Luke 14:15

Kughou aghulhu lüpa lo akeu milakhi no hipa tsa chilu keno, pa no Jisü vilo pi, “Khunono Alhou yekipe lo ilo chushoni keno akümghapue!”

1 Kor. 10:18

Israelmi ghili kümsü julo; khunono akümllagho chucheni keno panongu ye akiptia lo kuposhu anike kumo keshea?

1 Kor. 10:21

Nongu ye Ampeu jukhu lo sho püzü tüghami jukhu lo ghi shomlae. Nongu ye Ampeu ghulhu lüpa lo chuno tüghami ghulhu lüpa lo ghi chumlae.

1 Kor. 10:31

Tighenguno, nongu no chuna shona kiukiu shinamu kümtsü Alhou juküvüpu ghenguno shilo.

ZAKINIU 12:7

Tilau no nongu no Ampeu nongu Lhou no nongu kümgha tsükeu je lono nongu eno no kibolomi sasü Ampeu nongu Lhou zülono aghulhu shini.

ZAKINIU 27:7

tileno külakishi kümllagho pesü tsüno tilehi no chulo, eno Ampeu nongu Lhou zülono alovilo.