IPEKULU 18:1 - Sumi Naga CL (Re-edited) Bible (BSI)

¹ Alhou no Moses eno Paw timi Israelmi ghenguno mla tsükeu, Ampeu no kishi Egypt lono Israelmi saipeghi keno, Midian chineu Moses pangu Jethro no kümtsü chiluve.

BAIBEL (BSI)

¹ Alhou no Muse ngo Israilmi sasu Ijip lono saipeghi kelo pano thwokha shikeu ghili kumtsu Muse pangu Mediami achineu Jethro no chilu khave.

IPEKULU 18:1 Iomraidhean Croise

LESHELE 105:43

Ikehu Pa no alokivi shi Paw timi saipeghive, Pa no kishelu kemi sasü alephe ghi ipeve.

LESHELE 105:5

Akichiqhipu kümla Pa no mla keqo, Paw akümzapu eno Pa no piqhikeu küghaküthaqo kümsülu lo.

LESHELE 106:2

Khuu no Ampeuw akümzapu kümlaqo pilu, momu Paw shekiqhe asheshu khakulupu kea?

LESHELE 34:2

I ngulho no Ampeu lau alovi; aqhokighemi pelo chilu no alovi pelo.

LESHELE 44:1

O Alhou, ni puasüqo no pikeu ni kini lono chiluvae, wovekeu ghuloki lo Nono kiu kümlaqo mla keno chiluvae.

LESHELE 78:4

Pano tianuli launo ningu ye tipaqo küsüve moni, ikemu Ampeu juküvüpu kümla ngo Pa kughushu, eno akümzapu kümlaqo khikhi Pa no mla keno tipaqo pesü ighini keu tiqhelimi vilo pini.

IPEKULU 2:16

Midian lo achineu ye anga totimi tsüni ache, eno panongu no ighi no azü shophepe panoqo papu tsü-aqu piye niye atughuko shepichhi ae.

IPEKULU 2:18

Kughou panongu no panoqo papu Reuel kilo ighi keno, pa no pi, “Kishino nongu ye ishi itheno aki lo ighive akea?”

IPEKULU 2:21

Eno Moses ye timi hu gholo ngonike pulove, eno pa no pa nga Zipporah pesü Moses nipu shive tsü.

IPEKULU 3:1

Moses ye Midian lo achineu pa ngu Jethro mbeloji khekuto ae, eno pa no yenguyike-a kulolau ambeloji sasü wuno Alhouw naghuto Horeb lo ighi.

IPEKULU 4:18

Moses no pa ngu Jethro lau idewo no pa vilo pi, “Kimiyeno I pelo Egypt lo idewo no I thiküzümi xüaphi kemo keno ithi pelo.” Jethro no Moses vilo pi, “Aloino wolo.”

IPEKULU 6:6

Tighenguno Israelmi vilo pilo, ‘Ni ye Ampeu, eno I no Egyptmi makho kimshi lono nongu saipeghive nani, eno I no panoqo qüaxe lono nongu xaphe luve nani, I no I u kumto ngo küghakütha kümla kije vecheo nongu qhüchile luve nani.

JEREMIYA 33:9

Mishighüna hipau no ayeghi lo shiye khunono I no akivi mlakeu sütsa chilu cheni keno, kümtsü zülo alokivi, ajekipi, shekiqhe eno agigihu pesü I tsü nani. Tipaqo no msa khokhoshi nani, kughengu I no akivi eno küakini pesü aphughi kümghatsü nani kehue.

ZEKHARIA 8:23

Aqokitikhi Mpeu no ishi piani: Tipa ghuloki lo shiye eno ashiaye kütüta lono timi chighi no Jewmi lakhi kuuphi tsüqü luve no pi nani, ‘Ni pelo o gholo wu pelo, kughengu Alhou ye o gholo anie pi nino chiluvae.’”

AKIKIHI 10:29

Moses no pangu Reuel nu Hobab, Midian noghami, vilo pi, “Ningu ye Ampeu no ayeghi khikhi, ‘I no nongu tsüni’ ipi püa keno, tilau wucheni. Nino akivishi o tucho nanike ni gholo ighilo, kughengu Ampeu no Israelmi lau akivi mlani keu piqhive ake.”

Apostolmi 14:27

Pama no ighi no akukuhou kukumqo püzü Alhou no pama peitha keu pesü sheshu, eno Jewkumomi lau kishi Alhou no aküpülü hukikha khaqhi tsü keno lhepiye.

Apostolmi 15:12

Tile kumqo akemi kümtsü no iqünheive, eno Alhou no Barnabas ngo Paul vecheo Jewkumomi gholo amchipu ngo akümzapu shikeu pama no pi akelo tsaqüi ini.

Rommi 15:18

Kughengu ni ye hipa tsa nguno alau kütau ye pimoae: Jewkumomi pelo aghokulu lo ighilu peniye Khristo no I vecheo mlae, ti ye—atsapi eno akümla,

JOSHUA 2:10

Kughengu nongu no Egypt lono ipeghi kelo, Ampeu no kishi Akuhu Züghi pelo qhaivepe keno, nino chiluvae eno Jordan kipelau Amorimi kükau Sihon ngo Og pama kishi nongu no pithive keno chiluvae.

JOSHUA 9:9

Panongu no pa vilo pi, “Ningu ye aghakhu kushuo lono cheni, kughengu ningu ye no Lhou Ampeu ghili chiluvae. Pa no Egypt lo kiu shikeno ti kuchopu chiluvae,

XAKUTHAMI 1:16

Moses pangu Kenimi kughukomi ghi Judah timiqo gholono, Amsabo phughi lono Negeb lo Arad phivilo, Judah sayeqha kutolo iqho eno tilau küghünauve.

XAKUTHAMI 4:11

Tipa ghuloki lo Kenimi lakhi Heber ye Kedesh phivilo Zaanannim lo aphisübo qholo küghüna ache; hi Kenimi ye Moses pangu Hobab kughukomi eno Heber ye Kenimi gholono kajosü wuve kemi ke.