IPEKULU 17:2 - Sumi Naga CL (Re-edited) Bible (BSI)

² Tighenguno timiqo no Moses sasü mtouve no pi, “Azü yekepu ni tsülo.” Moses no panoqo vilo pi, “Nongu ye kushiye I sasü muto ani kea? Nongu ye kushiye Ampeu peju ani kea?”

BAIBEL (BSI)

² Panonguno Muse shou muchhouve puzu pi, “Yekepushi azu nitsulo.” Muse no khochile pi, “Nonguye kushiye muchho ani kya? Kushiye AMPEU ghukeju ani kya?”

IPEKULU 17:2 Iomraidhean Croise

LESHELE 106:13

Ikemu panongu no paikhavi lono Pa kümlaqo kümsümave; panongu ye Paw shiküka ngokhe move!

LESHELE 106:14

Ikemu yenguyike-a lo panongu ye ghasükümla shi mihemzaive, eno asayeli lo Alhou ghükeju keu shive;

LESHELE 78:18

Panongu no pano mlo lono Alhou peju ke, ti ye achuqupu panongu no chunishi keu khukeu lono ke.

LESHELE 78:41

Anguno anguno panongu no Alhou ghukeju ke, eno Israelmiw Akimtheu mlo ghimepu süghike.

LESHELE 78:56

Ikeghi panongu no Shishe Akiqheu Lhou hebide eno Pa peju no Pa yezah papemoe,

LESHELE 95:8

Meribah eno yenguyike-a Massah lo toi nongu mlo kuthovi kevilo,

LESHELE 95:9

nongu puasüqo ye I kümlaqo ithuluve keghi I ghukeju eno I pejuke.

IPEKULU 15:24

Timiqo no Moses lau muchho ghi pi, “Ningu ye kiu yeni kea?”

IPEKULU 16:8

Moses no pi, “Ampeu no nongu pelo chu penike avelau no ashi tsü nani eno inaqhe no asho pesü nongu ghapiqi tsü nani, kughengu nongu no muchho akeu ye Ampeu shou muchho ani kepi Pa no nongu kumchho chiluvae—nikujo ye kiu kea? Nongu kumchho ye nikujo shou kumoe, ikemu Ampeu shou ke.”

IPEKULU 17:7

Ikehu pa no tipa-a pesü Massah eno Meribah kuvetsü, kughengu Israelmi no mtomshu eno Ampeu peju ghi, “Ampeu ye ni gholo ani kemo kea?” ipike ghenguno ke.

IPEKULU 5:21

eno panongu no pama vilo pi, “Ampeu no nokujo ithulu no küghatha peniu, kughengu nokujo no ningu pesü Pharaoh ngo pa qemi zülo kumthu kümna shive tsüae, eno ni ghiqhive peniye azütakikihi panoqo u lo süve tsüae.”

ISAIAH 7:12

Ikemu Ahaz no pi, “Ni ye khumoe, ni ye Ampeu pejumo nani.”

MALAKI 3:15

Ikemu itehi ye ningu no akuchhomami vilo müghae pi ani. Küsaküghami ye kinikülü shiluke likhi kumono Alhou peju no pokaluve cheni.’”

AKIKIHI 14:2

Eno Israelmi kümtsü no Moses ngo Aaron shou muchho eno pi, “Ningu ye Egypt lou no thiveke pavini chekeghi lae! Momu hipau sayeqha lono thiveke pavini chekeghi lae!

AKIKIHI 14:22

Egypt lo eno asayeqha lo khunono Iw amchipu jeli eno I juküvü ithulu keghi ghuthu chighi piqi I peju eno I hebide keno, tipaqo lakhimu

AKIKIHI 21:5

Eno Alhou ngo Moses pama lachile pi, “Nokujo ye kushiye Egypt lono ningu saipe hi asayeqha lono pithive niye ani kea? Kughengu hilau ye achuqupu momu azü mu küha eno ningu ye achuqupu lhoksa hipau chumlae.”

MATTHEW 4:7

Jisü no pa vilo pi, “Itaghi ishi yepüani, ‘No ye o Mpeu o Lhou ghuju kevilo.’”

Luke 15:12

Ayitiu no papu vilo pi, ‘I pu, amheghi lo I saje akeu ye I tsüve lo.’ Apu no anu pama dolo amheghi hu kijeve tsü.

Luke 4:12

Ikemu Jisü no pa khochile, “Ishi picheni, ‘No ye Ampeu O Lhou ghuju moni.’”

Apostolmi 15:10

Imaye, nongu ye kushiye Alhou peju ghi küpülümi shou ni puasü eno ningu no puqhemla keu kuokhasü betsü ani kea?

Apostolmi 5:9

Ikemu Peter no li vilo pi, “Kishino nokujo ye pulo küqhano Ampeu Ghungu peju niye shi kea? Julo, o kimi shiqho wu kemi ahukikha lo ighivae, eno panongu no nou ghi khape ipeve niae.”

1 Kor. 10:9

Ningu ye Khristo peju kepu kumoe, kughengu panongu khami no tishi kelono apighi no mighiqhive,

ZAKINIU 6:16

“Nongu no Massah lo shike toi Ampeu nongu Lhou peju kevilo.

ZAKINIU 9:22

“Taberah lo, Massah lo, eno Kibroth-hattaavah lo ghi nongu no Ampeu loghu xukutho ke.

IBRIMI 3:9

no puasüqo no ampe lhobidi kutolo tilau no I ghükeju eno I kümlaqo ithulu püani.

SAMUEL ATUGHIU 8:6

Ikemu kughou panongu no, “Ningu shou xaküthau shi penike akükau ni tsülo” ipi keno, Samuel ye amlo qimlave. Pa no Ampeu vilo inikhu.