IPEKULU 16:8 - Sumi Naga CL (Re-edited) Bible (BSI)

⁸ Moses no pi, “Ampeu no nongu pelo chu penike avelau no ashi tsü nani eno inaqhe no asho pesü nongu ghapiqi tsü nani, kughengu nongu no muchho akeu ye Ampeu shou muchho ani kepi Pa no nongu kumchho chiluvae—nikujo ye kiu kea? Nongu kumchho ye nikujo shou kumoe, ikemu Ampeu shou ke.”

BAIBEL (BSI)

⁸ Muse no ishi pi, “AMPEU no avelauno nongu pelo chupeniye ashi tsu nani eno inaqhe no nonguno lunishi ake thaqu asho nongu tsu nanike, kughengu nonguno kishi pa shou muchho cheni keno pano chiluvae. Kughou nonguno nishou muchho keno nonguye kuchouno AMPEU shou muchho anike.”

IPEKULU 16:8 Iomraidhean Croise

IPEKULU 16:12

“Israelmi kumchho I no chiluvae. Panongu vilo pilo, ‘Tsüküzü lo nongu ye ashi chu nani, eno inaqhe no nongu ye asho pesü aghapiqilu nani. Tileno Ni ye Ampeu nongu Lhou kepi nongu no ithi nani.’”

IPEKULU 16:9

Tithiu Moses no Aaron vilo pi, “Israelmi qoaho kümtsü vilo pilo, ‘Ampeu zülo kupunu ighilo, kughengu Pa no nongu kumchho chiluvae.’”

IPEKULU 17:2

Tighenguno timiqo no Moses sasü mtouve no pi, “Azü yekepu ni tsülo.” Moses no panoqo vilo pi, “Nongu ye kushiye I sasü muto ani kea? Nongu ye kushiye Ampeu peju ani kea?”

ISAIAH 32:6

Kughengu mbomzümi ye anikha tsa picheni, pa ye Ampeu shou akumou pi-shiniye eno chuqu-kusho pesü müzü tüghü akemi ghapiqi tsümo niye pa mlo no akimighi shi axine kuchughu acheni.

ISAIAH 37:29

Nono axuide eno akuchhoma shikeu I kini lo iloghive akehu I no akuhoyi no o nigipe lo fuve tsüni, ayi pesü o kichi pütape nono khilano ighi keno tipa la no o sawoveni.”

AKIKIHI 11:18

Itehi timiqo vilo pilo, ‘Thoghiu ghenguno nongu ampi shikimthe lulo, nongu ye ashi chuniae, kughengu Ampeu no chikulupushi nongu no ishi muchho auve, “Khuu no ashi chukepu ni tsüni kea? Kughengu ningu ye Egypt lo akeu pavi ake.” Ikehu nongu ye Ampeu no ashi tsükeu chuniae.

AKIKIHI 14:27

“I no hi kixikila qoaho kumchho chiluve ake panongu ye khitohi I shou muchho anani kea?

AKIKIHI 21:7

Ikehu timiqo no Moses lau ighi no pi, “Ningu no Ampeu shou eno o shou axine shivae. Itehi ye Ampeu vilo inikhu tsüno apighi hipaqo süwuve tsüpelo.” Ikehu Moses no timiqo ghenguno inikhu.

MATTHEW 10:40

“Khukhumu nongu ikhilu keu ye ni ikhilu ani, eno ni ikhilu keu ye I puwu keu ghi ikhilu ani.

MATTHEW 9:4

Ikemu Jisü no panoqo kükümsü vethalu akehu pi, “Kushiye nongu mlo lo alhoksa likhi kümsüpu acheni kea?

Luke 10:16

“Khuu no nongu tsa chiluni keno, I tsa chilu ani, eno khuu no nongu kileveni keno, ni eno I puwu keu kileve ani.”

John 13:20

Kuchou no I no nongu vilo piani, khunono I no puwu keu ikhiluni keno ni ikhilu ani, eno khunono ni ikhiluni keno, I puwu keu ikhilu ani.”

Rommi 13:2

Tighenguno khuu no yepemi mjochileni keno Alhou no kiu puthu phetsü keno mjochile ani, eno ti ye Alhouw küghakütha pa shou ikughi kepu mla ayae.

1 Kor. 10:10

momu muchho kepu kumoe, kughengu panongu khami ye tishi kelono Akithi Ghawu no panongu pithive ke.

1 Thes. 4:8

Tighenguno khuu no hi ikhilu moni keno, pa ye timi kumono Aghungu Kimthe nongu tsükeu Lhou ikhilu amoe.

SAMUEL ATUGHIU 8:7

Ampeu no Samuel vilo pi, “Panongu no o vilo pi akeqo tsa kümtsü inilo, kughengu panongu ye o milive amoe, ikemu I no pano shou akükau shi akeu milive ani.