IPEKULU 16:7 - Sumi Naga CL (Re-edited) Bible (BSI)

⁷ eno inaqhe no nongu no Ampeu juküvü ithulu nani, kughengu nongu no Ampeu shou muchho keu Pa no chiluvae. Kughengu nikujo ye kiue pi nongu ye nikujo shou muchho ani kea?”

BAIBEL (BSI)

⁷ Inaqheno AMPEU gholo saghu saghuiakeu kuvu nonguno ithulu nani. Nonguno pa shou muchhokeu eno pipukukeu pano chiluvae kughengu ningu vilo shilopikeu likhi shitsu ani kethono.”

IPEKULU 16:7 Iomraidhean Croise

IPEKULU 16:10

Aaron no Israelmi qoaho kümtsü pütsa khavi, panongu no asayeqha küdau jupuwu, eno julo, khüngküsü lono Ampeu juküvü ipeghi.

IPEKULU 16:12

“Israelmi kumchho I no chiluvae. Panongu vilo pilo, ‘Tsüküzü lo nongu ye ashi chu nani, eno inaqhe no nongu ye asho pesü aghapiqilu nani. Tileno Ni ye Ampeu nongu Lhou kepi nongu no ithi nani.’”

IPEKULU 16:8

Moses no pi, “Ampeu no nongu pelo chu penike avelau no ashi tsü nani eno inaqhe no asho pesü nongu ghapiqi tsü nani, kughengu nongu no muchho akeu ye Ampeu shou muchho ani kepi Pa no nongu kumchho chiluvae—nikujo ye kiu kea? Nongu kumchho ye nikujo shou kumoe, ikemu Ampeu shou ke.”

IPEKULU 24:10

eno panongu no Israel Lhou ithulu. Pa pukhu philo sapphire tu qha püake toi, tsüghükhüi keu no atsütsü hutoie.

IPEKULU 24:16

Ampeu juküvü no Sinai Naghuto lo ngove, eno khüngküsü no atsala tsügho ti küzüluve. Eno atsala akütsüniu lo Pa no khüngküsü lono Moses kue.

IPEKULU 40:34

Tithiu khüngküsü no kuposhukulu phiki küzüluve, eno Ampeu juküvü no Ampeu kungo phiki chhitoive.

ISAIAH 35:2

asayeqha no amlokiqi shi ale phe eno axamunu kupu toi juvi nani. Tino Lebanon eno Carmel ngo Sharon nguno alau juvive nani. Timiqo no Ampeu juküvü eno ni Lhou kükanguagha ithulu nani.

ISAIAH 40:5

Tileno Ampeu juküvü piye nani, eno timi kümtsü no tipau ithulu nani, kughengu Ampeu kichi no pivae.”

ACHINE 9:6

Moses no pi, “Hi ye Ampeu no nongu vilo shilo pikeu ke, tishianguno Ampeu juküvü nongu lau ipeghi peniye ke.”

AKIKIHI 14:10

Ikelaye aqoaho kümtsü no atu pesü panoqo veqhi niye shiuve, ikemu Ampeu juküvü no Aphiki lo timi kümtsü zülo ipeghive.

AKIKIHI 14:27

“I no hi kixikila qoaho kumchho chiluve ake panongu ye khitohi I shou muchho anani kea?

AKIKIHI 16:11

Tighenguno nongu eno nongu papemi no kumqo akeu ye Ampeu shou hebidevae. Aaron ye khu keno pa lau muchho ani kea?”

AKIKIHI 16:42

Kughou panongu no Moses ngo Aaron pama ghechile ghi kumqo luve keno, panongu no kuposhukulu phiki küdau ighi kelo khüngküsü no tipau küzüpho luve eno Ampeu juküvü no panongu lau ipeghi.

AKIKIHI 17:5

Tileno I no khuu kisheni keno, pa küsü huno mini ipeghive nani. Tishikeu lono Israelmi no o shou muchho chekeu I no lakhave tsüni.”

John 11:4

Ikemu ti chilu kelo Jisü no pi, “Aküsü hi ye akithipu kumoe. Hi ye Alhou jekipipu ghenguno ke, eno hipau vecheo Alhou Nu jekipipu shiniye ke.”

John 11:40

Jisü no li vilo pi, “Nono pülü aye Alhou juküvü ithulu nanie pi ni ye o vilo pike kumo?”