IPEKULU 16:3 - Sumi Naga CL (Re-edited) Bible (BSI)

³ eno Israelmi no pama vilo pi, “Egypt yeghi lo nino ashi kulholiqo phivilo iqa no aghakiqi shi achuqupu chuche kelono Ampeu u lonomu thive keu pavini cheke, kughengu nokujo no ni sasü asayeqha hipau lo ighi no Israelmi qoaho kümtsü akhüava lono pithiveni ye shi anike.”

BAIBEL (BSI)

³ eno pama vilo ishi pike, “Ijip lono AMPEU pelo ningu heqhi pithive keumu pavi nicheke. Tilauye ninguno chunishi ke thaqhu ashi chulu eno achuqupu jeli chuluni cheke. Ikemu nokujono asayeqha hipaulo ningu pelo akhuavashi puzu thive penike sa ipeghianike.”

IPEKULU 16:3 Iomraidhean Croise

SAMUEL AKINIU 18:33

Akükau ye ighono amlosave no khagho kunguu achebo lo iku qa ae. Pa no kunguu iku chekelo pi, “O I nu Absalom, I nu, I nu Absalom! O züqhushi I no thiveni keghi lae, O Absalom, I nu, I nu!”

JOB 3:1

Tithiu Job no pa kichi xükhope pa punu tsala ghusho.

JOB 3:10

Kughengu tino I za tita mu khatha luve tsümo, ti kumono I launo aghime pinamu küsüve tsümoke.

JOB 3:20

Kushiye kushuküqha ghime sholu kemi lau aküvü tsücheni, eno kukhukimji shikemi lau aküxü tsücheni kea?

LESHELE 107:5

müzüthi eno tüghüthi no, panoqo küxü ye thiveni ketoive.

LESHELE 78:19

Panongu no Alhou lachile pi, “Alhou ye asayeqha lo aghulhu lüpa qhitsü nani keshea?

LESHELE 78:25

Timi no kungumi shopa chuke; Pa no achuqupu kupukuno shi panoqo tsüe.

IPEKULU 14:11

Panongu no Moses vilo pi, “Egypt lo akumoki kühave kehu no ye ni sawo asayeqha lono pithiveni ye shi ani keshea? No ye Egypt lono ni sasü ipeghi no ni lau kiu shive akea?

IPEKULU 17:3

Ikemu tilehi timiqo ye ighono tüghüthive, eno Moses shou muchho no pi, “No ye kushiye ningu eno ni tianuli ngo atsü-aquqo atüghü lono pithiveni ye Egypt lono saipeghi kea?”

IPEKULU 2:23

Tipa ghuloki lo Egypt kükau ye thive, eno Israelmi ye pano qüaxe ghenguno amloghuju shi kuphu tsü peniye ighamku che. Aqüaxe lono xaphetsü penike ighamku chekeu iku Alhou tove.

IPEKULU 5:21

eno panongu no pama vilo pi, “Ampeu no nokujo ithulu no küghatha peniu, kughengu nokujo no ningu pesü Pharaoh ngo pa qemi zülo kumthu kümna shive tsüae, eno ni ghiqhive peniye azütakikihi panoqo u lo süve tsüae.”

JEREMIYA 2:6

Panongu ye ishi pimoe, ‘Egypt yeghi lono ningu saipeghi no yenguyi ke-a, asayeqha eno anhepho yeghi lo, züha yeghi eno aküzü kutho khunomu kathamo eno küghüna mokeu yeghi lo ni sawu keu Ampeu khile ani kea?’

JEREMIYA 42:14

eno, ‘Moe, ningu ye Egypt yeghi lo wuveni kughengu tilau ningu ye aghükishi ithumla nani, afuko ghügha chimla momu achuqupu kühano müzüthimo nani, ningu ye tilau küghüna auveni,’ ipi aye,

JEREMIYA 44:17

Ikemu ningu ye nino tushoqhive keu shi nani, atsütsü kükaliu lau akümllagho tsü nani, eno Judah ngo Jerusalem laghila lo ningu eno ni puasüqo, niw kükami ngo hiyampemi no shiche ketoi atsaiji kümllagho pesü li tsü nani. Kughengu ningu ye achuqupu no kupukuno eno kinikülü shino aküpüna kiumu ithumlano acheke.

AKUMLO 4:9

Ghüyi lono wove kemiu no aluza lo axathi küküha vecheo akhüava no chuxuqhi thive kemi nguno angukiviue.

AKIKIHI 11:15

Nono hitoi I peitha kepushi aye, itehi no I pithivelo, ikemu I no O mlokiqipu shilu aye, I pelo I lhoksa ithulupe kevilo.”

AKIKIHI 11:20

ikemu aqhi kupuju nongu nigipe lono ipeghiuve no alole moke kutolo chuniae, kughengu nongu no Ampeu Khuu nongu gholo ani keno Pa milive no Pa zülono, “Kushiye ningu ye Egypt lono ipeghive kea?” ipi ighamku auveke.’”

AKIKIHI 14:2

Eno Israelmi kümtsü no Moses ngo Aaron shou muchho eno pi, “Ningu ye Egypt lou no thiveke pavini chekeghi lae! Momu hipau sayeqha lono thiveke pavini chekeghi lae!

AKIKIHI 14:3

Ghüyi lono woveni keghi kushiye Ampeu ye hipau yeghi lo ningu saighi ani kea? Ningu nipu anuliqo ye küghape wuve niae. Ningu ye Egypt lo idewove keu pavi moni keshea?”

AKIKIHI 16:13

Nono akichhizü ngo akhingozü qowu akeu yeghi lono ningu sasü ipeghi püzü asayeqha lono ni pithive niye akeu likhi kumono ni shou sakipheu shiniye ani keshea?

AKIKIHI 16:41

Ikemu tishiwo thoghiu ye aqoaho kümtsü no Moses ngo Aaron pama shou muchho ghi pi, “Nokujo ye AMPEUw timi pithive tsüae.”

AKIKIHI 21:5

Eno Alhou ngo Moses pama lachile pi, “Nokujo ye kushiye Egypt lono ningu saipe hi asayeqha lono pithive niye ani kea? Kughengu hilau ye achuqupu momu azü mu küha eno ningu ye achuqupu lhoksa hipau chumlae.”

Apostolmi 26:29

Paul no pi, “Ado ikhonhei shiaghi na kushuo namu, I no Alhou vilo khu akeu ye, o likhi kumono khunoqo ishi I tsa ini ani keno, ayikichhe no kumo aye kümtsü I toi luve penishi ani.”

1 Kor. 4:8

Nongu ye nongu no lunishi keu kümtsü auvae! Nongu ye kinimi shivae! Ningu sümono nongu ye kükami shivae! Nongu no kaluke aye ningu ghi no gholo aküka küsajeni cheke!

2 Kor. 11:1

Ni ye kitila aghüzü anikha shinia kemu nongu pelo kutuutsü penishi ani. I gholo kutuu tsülo!

ZAKINIU 28:67

Nongu mlo lo msaichi keu no chhitoive kehu, eno nongu nhethi no ithulu akeu jupe nongu no inaqhe atsütsü ishi pi nani, ‘Avelau shi aghike aye!’ eno kijili atsütsü ishi pi nani, ‘Inaqhe shi aghike aye!’

ZAKINIU 8:3

Pa no nongu kuchuni no müzüthive pe, eno manna pesü lojie. Nongu eno no puasüqo mu ti ye kiu keno mthae, ikemu nongu pelo timi ye achuqupu vecheo likhino xülu chemo ikemu Ampeu tsa vecheo xülu nani kepi ithi peniye Pa no hi shike.

JOSHUA 7:7

Tishino Joshua no pi, “Aha, O Ampeu Alhou, No ye kushiye Amorimi u lono timi hipaqo kütsaveni keghi sasü Jordan katha ighipe kea? Ningu ye Jordan kukuu mu küghüna aniche keghi lae.