IPEKULU 15:9 - Sumi Naga CL (Re-edited) Bible (BSI)

⁹ Aghümi no pi, ‘I no hawuni, I no züthaveni, I no hakhokulu kijeveni, I no kümsü akeqo luveni. I no I zütakikihi süjopheni; I u no panoqo kütsaveni.’

BAIBEL (BSI)

⁹ Aghumino pi, ‘Ino panoqo hawo kughaluveni; ino panoqo kinikulu kijethaluveni eno ino lunishi keu kumtsu luveni; ino izutakihi sujope panoqo ghiqhiveno panonguno akeu kutsu luveni;’

IPEKULU 15:9 Iomraidhean Croise

BOTHUBO 49:27

“Benjamin ye mihemzai keu tüngtügha, inaqhe no tsüqhi kijiliu no ti xulepuwu ke.”

SAMUEL AKINIU 22:38

I no I ghümiqo hawu no kütsave, eno panoqo pühave moke kutolo idechile ighimoe.

KUKAMI ATUGHIU 19:2

Jezebel no Elijah lau pi puwu, “Thoghiu hipa ghuloki lo I no o küxü pesü nono tungkupmi lau shike toi shimo aye, alhouqo pelo niu heqhi pithive peniu.”

KUKAMI ATUGHIU 20:10

Ben-hadad no pa vilo pi puwu, “I papemi no Samaria yeghimkhu müdüniyi pewu khamla aye, alhouqo pelo alau I ghime peniu.”

IPEKULU 14:5

Kughou Egypt kükau vilo timiqo ye povae pi keno, pa ngo pa qemi mlo ye kilive, eno panongu no pi, “Ningu ye Israelmi pelo ni qe achekeu lono wuvepe keu hi ye kiu shive akea?”

AHOLE 16:19

Qhezalaki kemi sasü hakhokulu kini küsaje akepu ye aqhokigheu shi kumlhomi gholo akeu pavie.

ISAIAH 36:20

Aghakhu hipaqo lhou dolo khuu no I u lono pano yeghi hakholu püanie pi Ampeu no I u lono Jerusalem xaphelu nanie piani kea?’”

ISAIAH 53:12

Ikehu I no kiqhe-kighemi gholo asaje kothape Pa tsü nani, eno pa ye akumtomi gholo asaje anani, ti ye pa no pa ngulho ikhiphe pesü akithi lo tsüve kehu eno axine shive kemi gholo Pa kihisüve kehue; pa no timi kutomo xine puluve tsüke, eno panoqo xine pevetsü penike inikhu ke.

JEREMIYA 46:17

Egypt kükau Pharaoh je kulo, ‘Yeyeshi igha chekeu pa dokivi ye wovae.’

HABAKUK 3:14

Tuqhouno kumlhomi pishiqhini ye alovi ake toi, khuu no I haleveni ye miyitsü toi ighi keno, Nono pa piji pesü paw ghüshimiqo kütsü lo chhesüve tsüe.

Luke 11:22

Ikemu kughou pa nguno akumtou no pa leighi no theqhiveni keno, aghünanu khikhi pa no pükhüpe ani keno akumtou huno tipaqo ngo hakholu keu thime pewuve no kijeve tsü cheni.

XAKUTHAMI 5:30

‘Panongu ye hakhokulu phulu no kije lumphi keshea? Timi lakhi ghenguno ilimi lakhi momu kini hu; Sisera ghenguno aphimini kivi, akuo ghenguno aye shisü keu jukivi phi hakholu keu ithulu mphi keshea?’

SAMUEL ATUGHIU 30:8

Eno David no Ampeu vilo ighiju, “Ni ye hipa mqo hawu nima? Ni ye panongu halu nanima?” Pa no khochile, “Hawulo, kughengu mtsüqheino nono haluve no xaphelu nani.”