IPEKULU 15:26 - Sumi Naga CL (Re-edited) Bible (BSI)

²⁶ ghi pi, “Tsala nongu no amlo tsüqhiyi Ampeu nongu Lhou tsa ini eno Pa nhethe lo kiu no achipi keno tipau shi aye, eno Pa yezah lo nongu mlo tsü eno tipaqo kümtsü pelu aye, I no Egyptmi lau aküsü puwu keqo kiumu nongu lau süghimo nani, kughengu Ni ye Ampeu, nongu shikipiviu ke.”

BAIBEL (BSI)

²⁶ Pano ishi pi,”Ino khipaqo pesu achipiu kepi chenikeno tipau shikeu eno ino ahza tsukeu pelu aye ino Ijipmi shou akusu jeli sughikeu lakhimu pesu nongu ghimeqhimo nanike. Niye AMPEU nongu shipivi chekeuke.”

IPEKULU 15:26 Iomraidhean Croise

KUKAMI ATUGHIU 11:33

kughengu panongu no I pheve no Sidonmi lholiu Ashtoreth, Moab lhou Chemosh, Ammonmi lhou Milcom mllauve, eno David toi mono panongu no I laghi lo chemove, achipiu shimove, eno I yezahqo pemove ke.

KUKAMI ATUGHIU 11:38

Tsala I qeu David toi I no azah tsükeu chilu no I laghi lo cheche aye, eno I zülo kiu no achipi keno tishi aye, I no O gholo anani eno David kümghatsü ketoi I no O lagha shikumto no Israel pesü o tsünani.

KUKAMI AKINIU 2:21

Tishino pa no azüpuki lo wuno amti pesü azü lo vesü no pi, “Ampeu no ishi piani, I no azü hipau shipivive tsüae; itehi ye kithiküha eno anuqive keu shimoae.”

KUKAMI AKINIU 20:5

“Ideilo lo eno Iw timiqo sakipheu Hezekiah vilo pilo, Ampeu O sü David Lhou no ishi piani: I no o kighini chiluvae; I no o nhezü kipiji ithuluvae. Julo, I no o shipivi tsüni. Atsala aküthüu lo no ye Ampeu kilo wu nani,

KUKAMI AKINIU 22:2

Pa ye Ampeu zülo kiu no achipi keno shino pasü David no shikeu thokha shi, eno pa ye piyiumu ajeumu tsüghüve moe.

JOB 5:18

Kughengu Pa no ghüzave namu itaghi khavetsü cheni, Pa u pesü heqhi cheni, ikemu Pa u no shipivitsü cheni.

LESHELE 103:3

Pa no o xine kümtsü pevetsü eno o küsü kümtsü shipivi tsü,

LESHELE 147:3

Pa no amlo ipopinyi kemi shipivi eno pano zaku khatsü cheni.

LESHELE 81:9

Nongu gholo khilemu inaghami lhou ape kevilo; nongu ye inaghami lhou lau pishiqho kevilo.

IPEKULU 12:29

Zübumta lo Ampeu no Egypt yeghi lo anu anoghiu kümtsü pithive tsü, Pharaoh khuu pa kükalakhü lo iqa akeno pa nu anoghiu lono akughumi khakütha lo akeqo nu anoghiu, eno atsü-aqu piti tüghüu kümtsü pithive tsü.

IPEKULU 19:5

Tighenguno itehi, nongu no mtsüqheino I tsa gholu eno Iw puloshoqhi pape aye, nongu ye ayeghi lo timiqo kümtsü dolo Iw akughupu mheghi shi nani, kughengu ayeghiqha kümtsü Iw ke;

IPEKULU 19:6

eno I ghenguno nongu ye achinemi kükaqha lakhi eno akimthe shiye shi nani.’ Nono Israelmi vilo pini keu tsa ye hipaqo ke.”

IPEKULU 20:2

“Ni ye Ampeu, khuu Egypt yeghi lo aqüaxe kibo lono nongu saipeghi keno, nongu Lhou huke.

IPEKULU 23:25

Nongu ye Ampeu nongu Lhou qeni, eno Pa no chuqu-kusho pesü nongu kümghatsü nani, eno I no küsükini nongu gholono ikhivetsü nani.

ISAIAH 55:3

O kini kughopuwo lo eno I lau ighilo; Inilo tishianguno o ngulho ye xülu nani; eno I no nongu sasü shekhaha puloshoqhi shini, eno Iw iqemokeu kikimiye David shou akeu nongu tsüni.

ISAIAH 57:18

I no pa no kishi xü ani keno ithuluvae ikemu I no pa shipivi nani; I no pa saphe sawu nani eno pa eno pa gholo mloqa akemi lokughunotsü nani,

JEREMIYA 11:7

Kughengu I no Egypt yeghi lono no puasüqo saipeghi kelono tamo mithe ishi tsala kutolo, I tsa inilo, ipi kütüghü ighike.

JEREMIYA 17:24

“‘Ikemu, Ampeu no asheshu, nongu no I tsa ini, Sabbath tsalani nongu kho xapusü mishighüna khagho veche wumo, eno Sabbath tsala akimthe shi qhino tipa tsalani akümla shimo aye,

JEREMIYA 30:17

I no o shiaji puthotsü nani, eno o ghüzaku shipivi tsünani, ipi Ampeu no sheshu, kughengu panongu no no ye hapheve kemi ipi ku: ‘Hi ye khunomu tucho chemo keu Zion ke!’

JEREMIYA 33:6

Julo, I no ashiaji kivi eno shikipivi süghi nani, eno I no panongu shipivi no kupukuno küakini eno sükusho pephe piye nani.

JEREMIYA 7:23

Ikemu azakütsü hipau I no panongu tsüe: ‘I sütsa gholulo, tishiaye I no nongu Lhou shinani, eno nongu no Iw timi shinani. I no nongu azah tsükeu la lo chechelo, tishiaye nongu kivipu shinani.’

JEREMIYA 8:22

Gilead lo nukümtshau küha keshea? Tile shikipivimi küha keo? Tishiaye kushiye Iw timi ngaqo shiaji ye athoputho mla kea?

EZEKEL 18:5

“Tsala milakhi no amikucho eno kiu no achipi eno kuchou keno shi cheghi aye,

HOSIYA 11:3

Ikeghi Ephraim alache shika piye keu ye I noke. I no I u pesü panoqo khape, ikemu panongu ye I no panoqo shipivi kepi ithimoe.

HOSIYA 6:1

“Ighilo, ningu Ampeu lau idewoni; Pa no ningu ghüzave kehu Pa no shipivi tsü penie; Pa no ni hekuluqhi ke ningu zaku khavetsü nani.

ACHINE 26:13

Ni ye Ampeu khuu nongu pelo aqüaxemi shipe moniye Egypt lono saipeghi keno, nongu Lhou huke. I no now kuokhasü kuboleve tsüno nongu pelo akütsü peqhepe chewulu peke.”

ACHINE 26:3

“Nongu no Iw pimheye pape eno I zakütsü gholu no tipaqo pelu aye,

AKIKIHI 12:13

Ikehu Moses no Ampeu lau ighamku pi, “O Alhou, kimiyeno li shipivi tsülo, kimiye tsülo.”

ZAKINIU 12:25

Nongu ye ti chumoni, kughengu nongu no Ampeu zülo kiu no achipi keno ti shiaye, nongu eno no tianuli ghenguno akivipu shinani.

ZAKINIU 12:28

I no azah nongu tsükeu thokha pekupu nike pükapütsa lo, tishianguno nongu eno no tianuli ghenguno alholo akivipu shinani, kughengu kiu no akivi eno achipi keno tishi aye akivipu ke.

ZAKINIU 13:18

nongu no Ampeu nongu Lhou zakütsü khikhi ishi tsala lo I no nongu tsü ani keno, tipaqo pelu no Ampeu zülo kiu no achipi keno ti shilu aye tishitsü nani.

ZAKINIU 28:27

Ampeu no Egyptmi shou shi ketoi nongu phimpi lo amishe pukutsü nani, no phimpi lo apiyi, ayiko küsü, eno akumtho ipeghi no shipivi mlape nani.

ZAKINIU 28:58

“Kaku hipau lo Ayezah yepüakeu kümtsü nongu no amikucho shi papemo, eno Ampeu nongu Lhouw akichiqhipu eno akümzapu je sümsamo aye,

ZAKINIU 28:60

Egypt lo küsü nongu no msa chekeu kümtsü Pa no nongu shou süghi kithe nani.

ZAKINIU 32:39

“‘Itehimu Ni ye Pa huke julo, I nguno alau kütau lhou kühae; I no pithive eno püxüve cheni; I no ghüzave no shipivi cheni; khunomu I u lono xaphe mlae.

ZAKINIU 5:1

Moses no Israelmi kümtsü kukumqo no pi, “O Israel, ishi tsala lo I no akhuaye ngo pimheye nongu vilo pikeqo inilo, tipaqo shikalu no kutokughoi pelulo.

ZAKINIU 7:15

Ampeu no nongu launo küsükini kümtsü süwuve tsü nani, eno nongu no Egypt lo ithulu keu küsü lhoksa lakhimu nongu shou pukutsü mono ti kümtsü no mithi kemi shou pukuve tsü nani.