IPEKULU 14:4 - Sumi Naga CL (Re-edited) Bible (BSI)

⁴ Eno I no Pharaoh mlo shikümkave tsüno pa no panoqo hawu nani, eno Pharaoh ngo paw aqokitikhi vecheo I no ajuküvü ithuluve nani, Egyptmi no Ni ye Ampeu kepi ithi nani.” Ikehu panongu no titoi shive.

BAIBEL (BSI)

⁴ Ino pa mlo hekikeve tsu nani eno pano panongu ha nani eno ino akukau ngo pawu ghushimiqo shou toluve keu huno ije kipipu shilunike. Tileno Ijipmi no ino AMPEU kepi ithi nani,” Panongu vilo pive keu toi Israilmino tipatho lono shike.

IPEKULU 14:4 Iomraidhean Croise

NEHEMIA 9:10

Pharaoh ngo pa qemi kümsü eno paw timi kümtsü shou amchipu ngo akümzapu kümla mlae, kughengu panongu no ni puasüqo shou qheza keu Nono ithi ae. Tilauno Nono O je shikeu ishi kutolo anie.

IPEKULU 10:2

eno nongu pelo nongu nuli eno atilimi vilo I no kishi mkamihi Egyptmi peitha eno kiu michipu panoqo lau shitsü keno pi peniye, tishianguno nongu pelo Ni ye Ampeu kepi ithi peniye ke.”

IPEKULU 10:27

Ikemu Ampeu no Pharaoh mlo shikümkave tsü, eno pa no panoqo pelo wu pemove.

IPEKULU 12:28

Tithiu Israelmi no wuno titoi shi; Ampeu no Moses ngo Aaron azah tsüke toi panongu no tishie.

IPEKULU 14:23

Pharaohw khurshi, khurkulu eno khurshimi kümtsü no panoqo hasü azüghi mta lo ilove.

IPEKULU 14:25

khurkulu pukhuqo mevetsü kehu panongu ye sawu mlave. Eno Egyptmi no pi, “Ningu Israelmi zülono poveni nolo, kughengu Ampeu no panoqo züqhushi Egyptmi mjochile anie.”

IPEKULU 14:3

Kughengu Pharaoh ye Israelmi vehulo ishi pi nani, ‘Panongu ye aghakhu lo itsü chephie; asayeqha huno panoqo vekhape qhivae.’

IPEKULU 14:5

Kughou Egypt kükau vilo timiqo ye povae pi keno, pa ngo pa qemi mlo ye kilive, eno panongu no pi, “Ningu ye Israelmi pelo ni qe achekeu lono wuvepe keu hi ye kiu shive akea?”

IPEKULU 14:8

Ampeu no Egypt kükau Pharaoh mlo shikümkave tsü, eno Israelmi no akumto shi wuche kelo pa no Israelmi hasü ighi.

IPEKULU 18:11

Itehi ye I no ithive ake Ampeu ye alhouqo kümtsü nguno akijeue, kughengu hipau vehulo panongu no ngukangugha shi timiqo peitha ke.”

IPEKULU 6:7

Iw timi shinike I no nongu ikhiluve nani, eno I no nongu Lhou shive nani, eno nongu no Ni ye Ampeu nongu Lhou, Egyptmi makho kimshi lono nongu saipeghi keu kepi Ni ithi nani.

IPEKULU 7:17

Ikehu Ampeu no piani, “Hipau vecheo Ni ye Ampeu kepi nono ithi nani: julo, aküsü I u lo akeu pesü I no Nile lo azü akeu lo hesüni, eno tino aji ilhouve nani.

IPEKULU 7:3

Ikemu I no Pharaoh mlo shikümkave tsü nani, eno Egypt yeghi lo amchipu ngo akümzapuqo küghüsü mla anamu,

IPEKULU 7:5

Kughou I no Egypt shou I u süqhe no panoqo launo Israelmi saipeghini keno, Egyptmi no Ni ye Ampeu kepi ithi nani.”

IPEKULU 9:16

Ikemu I no I küka o piye, eno tishikeu lono ayeghiqha kümtsü lo I je sheshu peni keu kimji ghenguno I no o saputhu ke.

EZEKEL 20:9

Ikemu shiye jeli khunoqo gholo panongu no xüani keno pano nhethe lo I je shikitiqe moniye I no I je ghenguno Egypt yeghi lono panoqo saipeghi keu vecheo panoqo pelo Ni ithipe ke.

EZEKEL 28:22

Ampeu Alhou no ishi piani: “Ni ye o lachile ani, O Sidon, I no o lau I juküvü pephe nani. Kughou I no li shou küghathani, eno li lau I kimthe pepheni keno panongu no Ni ye Ampeu kepi ithi nani;

EZEKEL 32:15

Kughou I no Egypt yeghi pighive eno ayeghi tile akeqo kümtsü kütsaveni keno, kughou I no tile akeqo kümtsü pithiveni keno tileno panongu no Ni ye Ampeu kepi ithi nani.

EZEKEL 38:16

Khüngküsü kije no ayeghi küzüpe aketoi nono Iw timi Israelmi leighi nani. O Gog, hithiu tsala lo I no o sawo I yeghi lepe nani, tishikeu lono shiyeqo nhethe lo o vecheo I no I kimthe chipiu phuphe kelono panongu no Ni ithi nani.

EZEKEL 38:23

Ikehu I no I kughushu eno I kimthe piye nani eno shiye kutomo pelo Ni ithipe nani. Tileno panongu no Ni ye Ampeu kepi ithi nani.

EZEKEL 39:13

I no I juküvü pepheke tsalani I no aghakhu lo timi kümtsü no panoqo shiqho nani, eno tino panoqo jekipipu shitsü nani, ipi Ampeu Alhou no asheshu.

ACHINE 10:3

Moses no Aaron vilo pi, “Ampeu no pikeu ye hike: ‘Khunono I zülo ighini keno, Ni ye akimthe kepi ithi masae, eno timi kümtsü zülo I juküvü piye masae.’” Aaron ye inaqhoi ngove.

Rommi 11:8

ti ye ishi yepüake toive, “Alhou no mamaike ghungu pesü panoqo tsüve kehu ishi kutolo panongu ye ithukulupu nhethi eno chikulupu kini puchemoe.”

Rommi 9:17

Kughengu Kuchoyesü lo Pharaoh vilo ishi pi püani, “I no o süqhe puku keu ye o launo I küka pephe eno ayeghiqha kümtsü lo I je sheshu peni keu kimji lono ke.”

Rommi 9:18

Hi ghenguno Alhou ye khukhumu Pa no pulo keu lau küpükini tsü cheni, eno khukhumu Pa no pulo keu lono shikümkave cheni.

JOSHUA 11:20

Kughengu ti ye Ampeu no kughu keu kiqi lono Pa no tipaqo mlo shikümkave tsüno panongu pelo Israelmi sasü aghüshi peniye ke, tishianguno Ampeu no Moses azah tsüke toi panoqo kipimi qhitsü mono kütsave peniye ke.

XAKUTHAMI 4:7

I no Jabin ghüshimi shou zatsüu Sisera pelo o sasü Kishon ghoki lono küpüghü peni. Pa ye paw khurkulu eno ghüshimi ani, ikemu I no pa pesü o u lo süvetsü nani.’”