IPEKULU 14:22 - Sumi Naga CL (Re-edited) Bible (BSI)

²² Israelmi no azüghi mta lo qhaive keu yeghi lono wuve, panongu ghenguno azü huno au ajeu ngo piyiu aliwo kuptu shi ngove tsüe.

BAIBEL (BSI)

²² eno Israilmiye azuno hula hilau puwu pesu akeu qhaikeu yeqhi mta lono chesu wuluve.

IPEKULU 14:22 Iomraidhean Croise

KUKAMI AKINIU 2:14

Pa no Elijahw hebephi pesü liküzü no azü lo hesü eno pi, “Elijah Lhou, Ampeu khile ani kea?” Kughou pa no azü lo hesü keno, azü no hula hila kikije kini shive eno Elisha no katha ikuve.

KUKAMI AKINIU 2:8

Tile Elijah no paw hebephi xaqhive eno liküzüpe azü lo hesü; ikelaye azü no kikije kini shi kophave eno pama no katha kulupu qhemi ayeghi qhaive.

NEHEMIA 9:11

Nono panongu zülono Azüghi kijeve tsü, eno ayeghi qhaikeu lo nepuku ghi Azüghi mta lono Nono panoqo sawue. Eno atu pesü azü kutho lo vesü ketoi, panongu haighi keqo ye Azü kutho lo vesüve.

LESHELE 106:9

Pa no Akuhu Züghi lomipi, eno tino thoqhaive, eno asayeli lo cheche ketoi Pa no panoqo sasü azüghi kathawu ke.

LESHELE 136:13

Pa no Akuhu Züghi pesü kijethave tsüe, kughengu Paw iqemokeu kikimiye ye alholo acheni;

LESHELE 136:14

eno Israelmi pelo tipau mta lono kathawu peke, kughengu Paw iqemokeu kikimiye ye alholo acheni;

LESHELE 66:6

Pa no azüghi pesü qhaike yeghi kughulhove tsü: panongu no apukhu lono azüghi kathawu ke. Tile ningu no Pa gholono alovie,

LESHELE 74:15

Nono azüpuki eno aghokitiqo vephetsü; Nono qotamo keu ghoki pelo qhaivepe.

LESHELE 78:13

Pa no azüghi kijethave no panoqo pelo kathape, eno azü pesü amoqhe püake toi puthugho peke.

IPEKULU 14:29

Ikemu Israelmi ye azüghi mta lo qhaike yeghi lono chesü wuve, azü huno pano u ajeu ngo piyiu aliwo kuptu shivetsü.

IPEKULU 15:19

Kughou Pharaohw khurshi ngo khurkulu eno khurshimi no azüghi lo ilo keno, Ampeu no panoqo shou azüghizü qochile ighivepe, ikemu Israelmi ye azüghi mta lo ayeghi qhai keu lono ala chesü wuve.

IPEKULU 15:8

O nigi lo tuthu huno azüghi khepucho luve; züqozü no yimi ikughive; azüghi polalo azü no chethove.

ISAIAH 11:15

Ampeu no Egypt züghi lo azücheku qhoi puthovetsü nani, eno Pa tuthu shukuthui keu pesü Pa u no Euphrates ghoki shou kihi puku kelo aghokiti tsüni shive nani, eno timiqo no apukhuqho xapusü katha luve nani.

ISAIAH 11:16

Israelmi no Egypt yeghi lono ipe kelo pano ghenguno alaghila aghike toi, Paw timi ghüpüaghi kemi ghenguno itaghi Assyria lono alaghila kije lakhi anani.

ISAIAH 43:16

Azüghi lo alaghi mlakeu, azü kutho lo alaghi mlakeu Mpeu no ishi piani,

ISAIAH 51:10

Azüghi kutho chethove pekeu, tishikeu lono Nono xachile luve kemi pelo katha ikulu pekeu ye Noke kumo keshea?

ISAIAH 63:12

Pa no Moses u ajeu Pa kükakumto tsüve, Pa likhi Pa je shekhaha ghenguno ache penike panongu zülono azüghi kijethave tsüke.

ISAIAH 63:13

Pa no azükutho kachesü panongu sawue, khurshi no asayeqha lo cheke toi, panongu ye kiumu küpxamoe.

ZEKHARIA 2:5

Eno I no li bothape ami liwo lakhi shive nani, Ampeu no asheshu, I no li gholo ajuküvü shi nani.’”

AKIKIHI 33:8

Panongu no Hahiroth lono chesü azüghi mta kathasü asayeqha lo ilove no atsala küthü kutolo chesü Etham qhalo wuno Marah lo aghazü shilu.

1 Kor. 10:1

Athiküzümiqo, ni ye nongu pelo ithi penishi ani, ni puasüqo kümtsü no khüngküsü qholono cheche eno kümtsü no azüghi kathasü wue,

IBRIMI 11:29

Aküpülü lono Israelmi no ayeghi lo chekeshi Akuhu Züghi katha, ikemu Egyptmi no titoi shiniye kelo azü no pano pütsü qhive.

JOSHUA 3:16

azü lashou no qoiqighi akeqo no qomono kuchove. Zarethan phivilo Adam mishighüna kutolo azü choluve eno Arabah Züghi ngo Amti Züghi lo qowu akeu ghi lakhave tsüe. Tishino timiqo no kathasü Jericho ghüngü lo ikuve.

JOSHUA 3:17

Israelmi kümtsü no aghoki katha iku moke kutolo, eno shiye kümtsü no Jordan kathalu moke kutolo achinemi no Ampeuw Puloshoqhi Bohu pesü Jordan mta lo qhaike yeghi lo puthughoe.

JOSHUA 4:22

nongu no nongu tianuliqo vilo, ‘Israelmi no ayeghi qhai keu lono Jordan kathae’ ipi ithi pelo.

SAMUEL ATUGHIU 25:16

Nino panongu gholo ngono ambe khe akelo putho pucho panongu no atupikiye toi ni süshoe.