IPEKULU 14:11 - Sumi Naga CL (Re-edited) Bible (BSI)

¹¹ Panongu no Moses vilo pi, “Egypt lo akumoki kühave kehu no ye ni sawo asayeqha lono pithiveni ye shi ani keshea? No ye Egypt lono ni sasü ipeghi no ni lau kiu shive akea?

BAIBEL (BSI)

¹¹ Panonguno Muse vilo pi, “Ijip lo akumoki kuhave kesheno noye hilau asayeqha lono ningu sawo pithi niye shi kya? Nono Ijip lono ningu saipeghikeu lono kiu shive ani keno julo!

IPEKULU 14:11 Iomraidhean Croise

BOTHUBO 43:6

Israel no pi, “Kushiye nongu ye timi tipau vilo athiküzüu kütau anie pikeu lono I peitha püsa ani kea?”

IPEKULU 13:17

Kughou Pharaoh no timiqo puwuve keno, Philistiami yeghi küdau no akughukhou shi akemu Alhou ye panoqo sasü tipa la wumoe. Kughengu Alhou no pi, “Kughou timiqo no aghükishi ithuluni keno, panongu ye amlo kilive no Egypt lo idewove nosae.”

IPEKULU 32:1

Kughou Moses no naghuto lono iqighini keu süpushu auve keu timiqo no ithive keno, panongu no Aaron lau hekütsü luve no pa vilo pi, “Ithulo, alhou khunono ni züu shi wunani keno, ningu ghenguno mla tsülo. Moses hipau, Egypt lono ni saipeghi keu ye pa lau kiu shive akeno ningu ye ithi movae.”

IPEKULU 5:21

eno panongu no pama vilo pi, “Ampeu no nokujo ithulu no küghatha peniu, kughengu nokujo no ningu pesü Pharaoh ngo pa qemi zülo kumthu kümna shive tsüae, eno ni ghiqhive peniye azütakikihi panoqo u lo süve tsüae.”

IPEKULU 5:22

Tileno Moses no Ampeu lau wuno pi, “O Ampeu, No ye kushiye timi hipaqo lau küsakügha shive akea? Kushiye No ye I puwu kea?

AKIKIHI 11:1

Timiqo no pano veküsa pesü Ampeu no chikulupushi muchho thuve kehu Ampeu no chilupe shishe amloideve, eno Pa miküqü no panoqo dolo iqü ipeghi püzü tino aghazü khalau a-a hami pitive tsü.

AKIKIHI 11:15

Nono hitoi I peitha kepushi aye, itehi no I pithivelo, ikemu I no O mlokiqipu shilu aye, I pelo I lhoksa ithulupe kevilo.”

AKIKIHI 14:22

Egypt lo eno asayeqha lo khunono Iw amchipu jeli eno I juküvü ithulu keghi ghuthu chighi piqi I peju eno I hebide keno, tipaqo lakhimu

AKIKIHI 16:41

Ikemu tishiwo thoghiu ye aqoaho kümtsü no Moses ngo Aaron pama shou muchho ghi pi, “Nokujo ye AMPEUw timi pithive tsüae.”