IPEKULU 13:5 - Sumi Naga CL (Re-edited) Bible (BSI)

⁵ Ampeu no nongu sasü Canaanmi, Hittimi, Amorimi, Hivimi, eno Jebusimi yeghi, akichhizü ngo akhingozü no qowu akeu yeghi, khikhi Pa no nongu puasüqo tsünie pi tushoqhi püa keno, tile ighive kethiu, nongu ye hipa qhi lono tiqhetini hipau ikhiluni.

BAIBEL (BSI)

⁵ AMPEU no nopuasuqo vilo tsaquino tushoqhive ake, pano Kananmi, Hatimi, Amarimi eno Jebusimi yeghi nongu tsunikeu shivae. Kughou pano aghuma eno kinikulu yeghi tipaulo nongu sasu ighinikeno nonguye ampe atsutsu aqhi atughiulo hipau pinye ikhilu masake.

IPEKULU 13:5 Iomraidhean Croise

BOTHUBO 26:3

Hipa yeghi lo ado hami ngolo, eno I no o gholo anani eno o kümghatsü nani, kughengu o lau eno o tikughukomi lau I no ayeghi hi kümtsü tsü nani, eno o pu Abraham lau ashoqhi khikhi I no tushoqhi keno tipau shikupu tsü nani.

BOTHUBO 50:24

Joseph no pa mu noqo vilo pi, “Ni ye thive niye shivae, ikemu Alhou no nongu xuju ighi nani eno ayeghi hipau lono nongu sasü Pa no Abraham, Isaac eno Jacob vilo ashoqhi shikeu yeghi lo ipeve nani.”

YEKIKITHI ATUGHIU 1:15

Hivimi, Arkhimi, Sinimi,

IPEKULU 12:24

Nongu no akhuaye lakhi shi hipau chine nongu eno no nuliqo ghenguno alholo ikhiluni.

IPEKULU 13:10

Tighenguno ampe atsütsü hipa tüqhüdo ighi kelo no ye akhuaye hipau peni.

IPEKULU 13:11

“Kughou Ampeu no o lau eno o puasüqo lau tushoqhi ketoi Canaanmi yeghi lo o saighi no ayeghi o tsüni keno,

IPEKULU 3:17

eno I no tushoqhi shi anike Egyptmi no ghimeqhi akeu lono I no nongu saipe Canaanmi, Hittimi, Amorimi, Perizimi, Hivimi, eno Jebusimi yeghi, akichhizü ngo akhingozü qowu akeu lo qhinani.”’

IPEKULU 3:8

eno Egyptmi u lono panoqo xaphelu no tipau yeghi lono panongu saipe akivi eno ililaike yeghi, akhingozü ngo akichhizü qowu akeu yeghi, Canaanmi, Hittimi, Amorimi, Perizimi, Hivimi eno Jebusimiqo-a lo qhiniye iqighivae.

IPEKULU 32:13

Abraham, Isaac, eno Jacob, O qemi khunoqo lau O kutoshino tushoqhi no panoqo vilo, ‘I no atsütsü lo ayepuqo toi o ti kughuko tsüni, eno I no tushoqhive ketoi ayeghi hi kümtsü o tikughukomi tsüni eno panongu no alholo ti ighi luve nani’ ipi püakeu kümsülu lo.”

IPEKULU 33:1

Ampeu no Moses vilo pi, “No eno timi khunoqo nono Egypt yeghi lono saipeghi keno, hileno chevelo, eno I no Abraham, Isaac, ngo Jacob vilo, ‘O tikughukomi lau I no tsüni,’ ipi püakeu yeghi lo iqhove lo.

IPEKULU 34:11

“I no ishi azah nongu tsükeu pape lulo. Julo, I no nongu zülono Amorimi, Canaanmi, Hittimi, Perizimi, Hivimi eno Jebusimi hapheve nani.

IPEKULU 6:4

Canaan yeghi khipau lo panongu no kachenami shi ache keno tipau panoqo tsünie pi I no panongu sasü ghi Iw puloshoqhi shike.

IPEKULU 6:8

I no Abraham, Isaac, eno Jacob noqo lau tsünie pi tushoqhi püakeu yeghi lo nongu saghi nani. I no tipau amheghi shi nongu tsü nani. Ni ye Ampeu ke.’”

JEREMIYA 11:5

tishikeu lono ishi nongu no akichhizü ngo akhingozü qowu akeu yeghi lo xüakeu ye, I no nongu puasüqo lau tushoqhi keu shoqhi shikupu tsüniye ke.” Tile I no khochile, “Ampeu, tishilo.”

JEREMIYA 32:22

Nono pano puasüqo tsünike tushoqhi keu, akichhizü eno akhingozü qowu akeu yeghi panongu tsüe.

EZEKEL 20:6

Tipa tsalani I no panoqo vilo, I no Egypt yeghi lono panoqo saipeghi no ayeghi panoqo ghenguno phu püakeu, akichhizü ngo akhingozü no qowu akeu yeghi, ayeghi kümtsü nguno ajuküvü yeghi lo sawuni kepi ashoqhi shike.

ACHINE 20:24

Ikemu I no nongu vilo pivae, ‘I no nongu mheghi shi akichhizü ngo akhingozü qowu akeu yeghi hipau pesü nongu tsüni.’ Ni ye Ampeu khuu ashiayeqo launo nongu kishe kütüta shitsü keno, nongu Lhou huke.

AKIKIHI 11:12

Timi hipaqo ye I no mishipu no punu kesheno kushiye I vilo anga küsami no anga kughunu xapu keshi panongu xapusü Nono pano puasü tsünie pi tushoqhi keu yeghi lo wulo pi kea?

AKIKIHI 13:27

Eno Moses vilo pi, “Nono ayeghi khile ningu puwu keno nino wujuke. Tile ye akichhizü ngo akhingozü no qowu ani, eno tilau xathi hi anie.

AKIKIHI 14:16

‘Ampeu ye timi hipaqo sasü Pa no tsünie pi tushoqhi keu yeghi lo ilomlave kehu asayeqha lono pithivae.’

AKIKIHI 14:30

I no nongu pelo khile küghüna penike tushoqhi keno, tipau yeghi lo Jephunneh nu Caleb ngo Nun nu Joshua pama kumo aye khunomu ilolu moae.

AKIKIHI 32:11

‘Jualo, kiptimi ampe muku nguno kunguu khije Egypt lono ipeghi keno milakhi mu I no Abraham, Isaac, eno Jacob lau piqhi püakeu yeghi lo ilo pemoae, kughengu panongu no amlo kuchopu pesü I papemoe,

ZAKINIU 12:29

“Kughou Ampeu nongu Lhou no nongu zülono shiyeqo kütsave no nongu no ilo tipaqo yeghi lo ngoluni keno,

ZAKINIU 19:1

“Ampeu nongu Lhou no shiye khunoqo yeghi pesü nongu tsü ani keno tipaqo kütsave no nongu no panow mishighüna ngo akiqo lo ngoluve kethiu,

ZAKINIU 26:1

“Ampeu nongu Lhou no nongu mheghi shitsü akeu yeghi lo ngoluve eno tsaqüi xüsüve kethiu,

ZAKINIU 7:1

“Kughou nongu no pükha niye akeu yeghi lo Ampeu nongu Lhou no nongu sailoghi nike nongu nguno akumtou eno timi kütsasa akemi shiye tsüni, Hittimi, Girgashimi, Amorimi, Canaanmi, Perizimi, Hivimi eno Jebusimi hapheni keno,

JOSHUA 24:11

Tishino nongu no Jordan kathasü Jericho lo ighi, eno Jericho lo sakiphemi no nongu sasü aghüshi, tihutoi Amorimi, Perizimi, Canaanmi, Hittimi, Girgashimi, Hivimi eno Jebusimi ghi nongu sasü aghüshi. Ikemu I no panongu kümtsü nongu u lo süvetsü.