IPEKULU 13:3 - Sumi Naga CL (Re-edited) Bible (BSI)

³ Tithiu Moses no timiqo vilo pi, “Ishi tsala lo nongu no Egypt lo aqüaxe ki lono ipeghi keu kümsülu chelo, kughengu au kumto vecheo Ampeu no hipa-a lono nongu saipeghi ke. Kholaqhi sükeu sho chumoni.

BAIBEL (BSI)

³ Muse no timiqo vilo pi, “Hipa tsala kumsu chile lulo, nonguno Ijip qhivekeu tsala, tilau nonguye aqemi shi acheke. AMPEU no pa kuka kije pesu hipa tsala lono pano nongu saipeghiluveke. Kholaqhi sukeu sho chumoni.

IPEKULU 13:3 Iomraidhean Croise

BOTHUBO 15:16

Eno panongu ye tiqheli abidiu lono hile ideighi nani, kughengu Amorimi xine ye kupu mphike.”

KUKAMI ATUGHIU 8:42

(kughengu panongu no O je kije, O küka kumto, eno O u kümgha ghili chilu nani), aki hileno O lau inikhu aye,

YEKIKITHI ATUGHIU 16:12

O Israel kughuko Alhou qemi, Jacob laghami, Paw kishekipheqo, Paw akümzapu eno mzamghalei keu kümla eno küghakütha tsa kümtsü kümsülu lo!

NEHEMIA 1:10

Panongu ye O küka kije lono xaphelu kemi O qemi eno ow timiqo ke.

NEHEMIA 9:10

Pharaoh ngo pa qemi kümsü eno paw timi kümtsü shou amchipu ngo akümzapu kümla mlae, kughengu panongu no ni puasüqo shou qheza keu Nono ithi ae. Tilauno Nono O je shikeu ishi kutolo anie.

LESHELE 105:5

Akichiqhipu kümla Pa no mla keqo, Paw akümzapu eno Pa no piqhikeu küghaküthaqo kümsülu lo.

LESHELE 114:1

Kughou Israelmi no Egypt lono ipe keno, kughou Jacob kibo no inami tsa kipimi launo ipe keno,

LESHELE 136:11

eno Israelmi sasü panoqo dolono ipeghie, kughengu Paw iqemokeu kikimiye ye alholo acheni;

LESHELE 136:12

Pa u kumto eno Pa küka kumto vecheo saipeghi, kughengu Paw iqemokeu kikimiye ye alholo acheni;

LESHELE 89:14

Achipiu mikucho eno kuchou xakütha no O kükalakhü boqha; iqemokeu kikimiye eno pükhükulu no O züu checheni.

IPEKULU 12:15

Atsala tsüni nongu no kholaqhi sümo keu sho chuni. Atsala atüghüu lono nongu ki lono kholaqhi peveni, kughengu tsala khukhumu kholaqhi sükeu chuve aye, atsala atüghüu lono akütsüniu kutolo, timi tipau ye Israelmi gholono hapheveni.

IPEKULU 12:17

Eno nongu no Kholaqhi Sümokeu Tiqhetini ikhilulo, kughengu atsala hipau lono I no Egypt yeghi lono nongu aqokitikhi saipeghi ke. Tighenguno nongu ye tiqheli kupuju lo, alholo khuaye lakhi shi hipa tsala ikhiluni.

IPEKULU 12:19

Atsala tsüni kutolo nongu kilo kholaqhi kiumu ithulupe kevilo. Kicheghüzümi na Israelmi namu, khuana no kholaqhi sükeu chuve aye, timi tipau ye Israel qoaho lono ayigheveni.

IPEKULU 12:2

“Hipa qhi no nongu ghenguno aqhi bothu shi nani. Nongu ghenguno hi no ampe lo aqhi atüghüu shi nani.

IPEKULU 12:41

Ampe 430 kishekhake tsalani, Ampeu aqokitikhi kümtsü Egypt lono ipeghive.

IPEKULU 12:42

Hi ye Ampeu no Egypt yeghi lono panoqo saipeghi niye khekuto keu ji ke; titoi Israelmi kümtsü no ighini keu tiqheli kutolo Ampeu gihu nike hipa jilo khekuto amasa keu shie.

IPEKULU 12:8

Panongu ye tipaji no ami lono ashi ghuve no kholaqhi sümokeu sho ngo khumtsai keu tsüni gholono chuni.

IPEKULU 13:14

Eno hithiu o nu no o vilo, ‘Hi ye kiu kiqi kea?’ ipi ighiju aye, no ye pa vilo pilo, ‘Aküka kumto lono Ampeu no Egypt lo aqüaxe küxü lono ningu saipeghi ke.

IPEKULU 13:9

O u lo eno o kishe lo hipau no amchipu eno kümsümamo keu shi qhilo, tishianguno o kichi lo Ampeu yezah apenie. Kughengu Ampeu no au kumto pesü no Egypt lono o saipeghi ke.

IPEKULU 20:2

“Ni ye Ampeu, khuu Egypt yeghi lo aqüaxe kibo lono nongu saipeghi keno, nongu Lhou huke.

IPEKULU 20:8

“Sabbath tsala kümsülu lo eno tipau akimthe shi qhilo.

IPEKULU 23:15

Kholaqhi sümokeu ghulhu ikhiluni. I no azah tsüke toi, kihitha tsükeu do, Abib qhi lono, no ye kholaqhi sümokeu sho atsala tsüni chuni, kughengu tipau qhi lono no ye Egypt lono ipeghi ke. Khumu au kümsashi I zülo ighi moni.

IPEKULU 3:20

Ikehu I no I u sükho no akümzapu kümla kümtsü shipe Egypt ghadaqhi nani; tithiu no pa no nongu puwu nani.

IPEKULU 34:18

“Nongu ye Kholaqhi sümokeu Sho Ghulhu pinilo. I no azah nongu tsüve ketoi nongu ye kihitha püakeu tüqhüdo Abib qhilo atsala tsüni kholaqhi sümo keu sho chuni, kughengu nongu ye Abib qhi lono Egypt lono ipeghi ke.

IPEKULU 6:1

Ikemu Ampeu no Moses vilo pi, “Itehi I no Pharaoh lau kiu shiniye ani keno nono ithulu nani; kughengu au kumto vecheo pa no panoqo puwuve nani, eno au kumto vecheo pa yeghi lono panoqo hapheve nani.”

IPEKULU 6:6

Tighenguno Israelmi vilo pilo, ‘Ni ye Ampeu, eno I no Egyptmi makho kimshi lono nongu saipeghive nani, eno I no panoqo qüaxe lono nongu xaphe luve nani, I no I u kumto ngo küghakütha kümla kije vecheo nongu qhüchile luve nani.

IPEKULU 6:7

Iw timi shinike I no nongu ikhiluve nani, eno I no nongu Lhou shive nani, eno nongu no Ni ye Ampeu nongu Lhou, Egyptmi makho kimshi lono nongu saipeghi keu kepi Ni ithi nani.

IPEKULU 7:4

Pharaoh ye o tsa ini tsümo nani. Tileno I no Egypt shou I u benani eno Iw timi aqokitikhi, Israel nuliqo, amchipu kümla kije vecheo Egypt yeghi lono saipeghive nani.

JEREMIYA 34:13

“Israel Lhou, Ampeu no ishi piani: Ni ampi no Egypt kughuki lono no puasüqo saipeghi kelono panongu sasü puloshoqhi shino pi,

DANIEL 9:15

Itehi, O Ampeu ni Lhou, Egypt yeghi lono Ow timi saipeghi keu, eno au kughushu pesü No ampi jekipipu shikeu, ishi tsala kutolo nino axine shivae, ningu no küsakügha kümla shivae.

MATTHEW 10:12

Nongu no aki lo ilo kelo, alovi petha shilo.

Luke 22:19

Tithiu pa no asho ikhilu, eno shikimthi tsüno pa no ti süphope panongu tsüno pi, “Hi ye khikhi nongu ghenguno tsüve keno I phimpi huke. I kümsülu ghi hi shilo.”

1 Kor. 11:24

eno kughou Alhou shikimthi tsü keno Pa no ti süpho eno pi, “Hi ye I phimpi, nongu ghenguno tsüve keu ke. I kümsüchilelu ghi hi shichelo.”

1 Kor. 5:8

Tighenguno ningu kholaqhi aqau, ti ye kimthikile keu eno küsakügha kholaqhi, kumono kholaqhi sümokeu sho, ti ye tsaqütsalei keu eno kuchou, pesü tiqhetini pinini nolo.

Ephesiami 1:19

eno Pa kumto kije peitha no ningu küpülümi lau Paw kimghi kümlapu küka kuloghi tsü püakeu ye kiu keno,

ZAKINIU 13:10

Atu pesü pa veqhive lo, kughengu pa no Ampeu khuu Egypt lo aqüaxe küxü lono nongu saipeghi keno, Pa launo nongu müsü sawuve niye shike.

ZAKINIU 13:11

Tileno Israelmi kümtsü no chilu eno msave no nongu gholo kixikila hitoike khilemu shimove nani.

ZAKINIU 13:5

Ikemu tungkupu momu asamo pumo kicheu ye pithive lo, kughengu Ampeu khuu Egypt lo aqüaxe lono nongu xaphelu keno, Pa launo tsüghüve penike pa no nongu pelo Ampeu no azah tsükeu hebide peniye shi ani. Ikehu alhoksa ye nongu dolono ikhive lo.

ZAKINIU 13:6

“Tsala o thiküzüu, o pu-anga, nono kimiye chekeu o nipu, momu o poshuu no tuqhouno o vilo no eno o puasüqo no mthakeu lhou vehulo, ‘Nikujo kütau lhouqo mllani ke shilo,’ ipi aye,

ZAKINIU 15:15

No ye Egypt lo aqemi shiche kelono Ampeu no xachilelu kepi kümsülu lo, tighenguno ishi tsala lono I no azah hipau tsü anike.

ZAKINIU 16:1

“Abib qhi lo Ampeu nongu Lhou lau Hechekulu ghulhu shilo, kughengu tipa qhi putho lono Ampeu no Egypt lono nongu saipeghi ke.

ZAKINIU 16:12

Nongu ye Egypt lo aqüaxemi shiche kepi kümsülu lo; eno tsaqüi akhuaye hipau pepimhe lo.

ZAKINIU 16:3

Tipau ghulhu lo kholaqhi sükeu sho chumoni. Atsala tsüni dolo nongu ye kholaqhi sümokeu, aghime kitikhi sho chuni, kughengu nongu ye mighimghai Egypt lono ipeghi ke, tishikeu lono nongu no aküxü tivilo Egypt lono ipeghi keu tsala kümsülu chenani.

ZAKINIU 24:18

ikemu nongu ye Egypt lo aqüaxemi shi ache eno Ampeu nongu Lhou no nongu xaphelu kepi kümsülu lo; tighenguno hitoi shilopi I no nongu azah tsü ani.

ZAKINIU 24:22

Nongu ye Egypt lo aqüaxemi shi ache eno Ampeu nongu Lhou no nongu xaphelu kepi kümsülu lo; tighenguno hitoi shilopi I no azah nongu tsü ani.

ZAKINIU 26:8

Ampeu no Pa küka kumto u sükhope amchipu ngo akümzapu eno kümsapu kümla pephe no Egypt lono ni xaphelue.

ZAKINIU 4:34

Momu khuno lhou no pekuju, amchipu, akümzapu kümla eno aghüshi vecheo Pa u kumto pesü kümsapu kümla pephe, eno Paw shiniye shiye dolono shiye kishephe kea? Hi kümtsü Ampeu nongu Lhou no Egypt lo nongu nhethe lono shike kumo?

ZAKINIU 5:15

Nongu ye Egypt lo aqüaxemi shi ache kepi kümsü luni, eno Ampeu no Lhou no Pa küka kumto lono nongu saipeghi ke. Tighenguno Ampeu nongu Lhou no Sabbath tsala pelu lopi azah nongu tsü ani.

ZAKINIU 5:6

“‘Ni ye Ampeu, khuu Egypt lo aqüaxe kibo lono nongu saipeghi keno, nongu Lhou huke.

ZAKINIU 6:12

nongu ye Ampeu khuu Egypt lo aqüaxe lono nongu saipeghi keno, Pa kümsümave nosake tsükhüi lo.

ZAKINIU 6:21

nongu nuli vilo pilo, ‘Ningu ye Egypt lo Pharaoh qüaxemi shi ache kelo Ampeu no Pa küka kumto lono ningu xaphelue.

ZAKINIU 7:8

Ikemu Ampeu no nongu kimiye eno no puasüqo lau tushoqhi keu shikupu niye akumto kije lono eno Egypt kükau Pharaoh qüaxe lono nongu xachile luke.

ZAKINIU 8:14

tileno nongu lolo aqheküza ikughive no nongu no Egypt lo aqüaxe lo akelono xaphelu keu Ampeu nongu Lhou kümsümave nosake.

ZAKINIU 9:12

Tile Ampeu no I vilo pi, ‘Ithu no mtazü iqilo, kughengu ow timi, nono Egypt lono saipeghi keqo ye küsakügha kümla shivae. Panongu ye I no azah tsükeu lono tsüghüve no pano sala ayi julho mla luvae.’

JOSHUA 24:17

kughengu Ampeu no Egypt lo aqü-axe lono ni puasüqo eno ningu saipeghi eno Pa no akümzapu kümla ni nhethe lono piyeke. Nino khile wu keno momu khuno timi katha keno, ti kümtsü lo ni süshope qhie.

XAKUTHAMI 2:12

Panongu no Ampeu pano puasü Lhou, khuu no Egypt lono panongu saipeghi keno, Pa pheve. Panongu ye alhou kütauqo phuwuve, eno timi kütami khunoqo pano sümxape ache keno, tipaqo lhou mllauve. Tishikeu lono panongu no Ampeu mlo shikighide tsüe.

XAKUTHAMI 6:8

Ampeu no tungkupu lakhi panongu lau puwu. Tungkupu huno pi, “Ampeu Israel Lhou no ishi piani: I no Egypt lono nongu saipeghi eno aqüaxe lono nongu kuqhophe ke.