IPEKULU 13:14 - Sumi Naga CL (Re-edited) Bible (BSI)

¹⁴ Eno hithiu o nu no o vilo, ‘Hi ye kiu kiqi kea?’ ipi ighiju aye, no ye pa vilo pilo, ‘Aküka kumto lono Ampeu no Egypt lo aqüaxe küxü lono ningu saipeghi ke.

BAIBEL (BSI)

¹⁴ Ighinikeu ghulokilo nongu nuliqono hipau chinye kiqi ye kiu kelapi iniju aye, nonguno ishi pa khochilelo,’ AMPEU no akuka kije peitha no Ijip lono ningu saipeghike, ninguye tilau aqemi shi acheke.

IPEKULU 13:14 Iomraidhean Croise

BOTHUBO 30:33

Ikehu hithiu kughou nono I jume juniye ighini keno, I mikucho huno I ghenguno khochile nani. Ane asüphakive kumo keu momu yetamüghüi mokeu eno ambeqo dolo tsübuimo keu, I tsü-aqu gholo ithulu aye, tipaqo ye aküpka kepi kihini.”

YEKIKITHI ATUGHIU 16:12

O Israel kughuko Alhou qemi, Jacob laghami, Paw kishekipheqo, Paw akümzapu eno mzamghalei keu kümla eno küghakütha tsa kümtsü kümsülu lo!

NEHEMIA 1:10

Panongu ye O küka kije lono xaphelu kemi O qemi eno ow timiqo ke.

LESHELE 136:11

eno Israelmi sasü panoqo dolono ipeghie, kughengu Paw iqemokeu kikimiye ye alholo acheni;

LESHELE 145:4

Tiqheli lakhi lono lakhiu kutolo O kümla pikibe nani, eno O kughushu kümla shuphe nani.

LESHELE 78:4

Pano tianuli launo ningu ye tipaqo küsüve moni, ikemu Ampeu juküvüpu kümla ngo Pa kughushu, eno akümzapu kümlaqo khikhi Pa no mla keno tipaqo pesü ighini keu tiqhelimi vilo pini.

IPEKULU 10:2

eno nongu pelo nongu nuli eno atilimi vilo I no kishi mkamihi Egyptmi peitha eno kiu michipu panoqo lau shitsü keno pi peniye, tishianguno nongu pelo Ni ye Ampeu kepi ithi peniye ke.”

IPEKULU 12:41

Ampe 430 kishekhake tsalani, Ampeu aqokitikhi kümtsü Egypt lono ipeghive.

IPEKULU 13:3

Tithiu Moses no timiqo vilo pi, “Ishi tsala lo nongu no Egypt lo aqüaxe ki lono ipeghi keu kümsülu chelo, kughengu au kumto vecheo Ampeu no hipa-a lono nongu saipeghi ke. Kholaqhi sükeu sho chumoni.

IPEKULU 13:8

Tipa tsalani nono o nu vilo pini, ‘Hi ye I no Egypt lono ipeghi kelo Ampeu no I lau kiu mlatsü keno tipau ghenguno ke.’

IPEKULU 13:9

O u lo eno o kishe lo hipau no amchipu eno kümsümamo keu shi qhilo, tishianguno o kichi lo Ampeu yezah apenie. Kughengu Ampeu no au kumto pesü no Egypt lono o saipeghi ke.

IPEKULU 20:2

“Ni ye Ampeu, khuu Egypt yeghi lo aqüaxe kibo lono nongu saipeghi keno, nongu Lhou huke.

IPEKULU 6:1

Ikemu Ampeu no Moses vilo pi, “Itehi I no Pharaoh lau kiu shiniye ani keno nono ithulu nani; kughengu au kumto vecheo pa no panoqo puwuve nani, eno au kumto vecheo pa yeghi lono panoqo hapheve nani.”

IPEKULU 6:6

Tighenguno Israelmi vilo pilo, ‘Ni ye Ampeu, eno I no Egyptmi makho kimshi lono nongu saipeghive nani, eno I no panoqo qüaxe lono nongu xaphe luve nani, I no I u kumto ngo küghakütha kümla kije vecheo nongu qhüchile luve nani.

IPEKULU 6:7

Iw timi shinike I no nongu ikhiluve nani, eno I no nongu Lhou shive nani, eno nongu no Ni ye Ampeu nongu Lhou, Egyptmi makho kimshi lono nongu saipeghi keu kepi Ni ithi nani.

JEREMIYA 34:13

“Israel Lhou, Ampeu no ishi piani: Ni ampi no Egypt kughuki lono no puasüqo saipeghi kelono panongu sasü puloshoqhi shino pi,

DANIEL 9:15

Itehi, O Ampeu ni Lhou, Egypt yeghi lono Ow timi saipeghi keu, eno au kughushu pesü No ampi jekipipu shikeu, ishi tsala kutolo nino axine shivae, ningu no küsakügha kümla shivae.

Apostolmi 13:17

Israelmi hipaqo Lhou no ni puasüqo kishelu no Egypt yeghi lo ache kelono panongu pesü kije shitsü, eno Pa u kumto lono panongu sasü Egypt lono ipeghi.

ZAKINIU 5:15

Nongu ye Egypt lo aqüaxemi shi ache kepi kümsü luni, eno Ampeu no Lhou no Pa küka kumto lono nongu saipeghi ke. Tighenguno Ampeu nongu Lhou no Sabbath tsala pelu lopi azah nongu tsü ani.

ZAKINIU 5:6

“‘Ni ye Ampeu, khuu Egypt lo aqüaxe kibo lono nongu saipeghi keno, nongu Lhou huke.

ZAKINIU 6:12

nongu ye Ampeu khuu Egypt lo aqüaxe lono nongu saipeghi keno, Pa kümsümave nosake tsükhüi lo.

JOSHUA 22:24

Ikemu ti kumoe, nino hi mla keu ye ghulo kütau no tianuli no ni tianuliqo vilo hitoi pini keu msake ghenguno ke, ‘Nongu ye Israel Lhou lau kiu shikepu ani kea?

JOSHUA 24:17

kughengu Ampeu no Egypt lo aqü-axe lono ni puasüqo eno ningu saipeghi eno Pa no akümzapu kümla ni nhethe lono piyeke. Nino khile wu keno momu khuno timi katha keno, ti kümtsü lo ni süshope qhie.

JOSHUA 4:6

eno hi no nongu gholo amchipu shipenie. Hithiu nongu tianuliqo no ‘Hi atuqo ye kiu kiqi kea?’ ipi nongu vilo ighiju aye,

XAKUTHAMI 2:12

Panongu no Ampeu pano puasü Lhou, khuu no Egypt lono panongu saipeghi keno, Pa pheve. Panongu ye alhou kütauqo phuwuve, eno timi kütami khunoqo pano sümxape ache keno, tipaqo lhou mllauve. Tishikeu lono panongu no Ampeu mlo shikighide tsüe.

XAKUTHAMI 6:8

Ampeu no tungkupu lakhi panongu lau puwu. Tungkupu huno pi, “Ampeu Israel Lhou no ishi piani: I no Egypt lono nongu saipeghi eno aqüaxe lono nongu kuqhophe ke.