IPEKULU 12:27 - Sumi Naga CL (Re-edited) Bible (BSI)

²⁷ nongu no ishi pini, ‘Hi ye Ampeu lau Hechekulu ghakishi ke, kughengu Pa no kughou Egyptmi pithi ighi keno, Pa no Egypt lo Israelmi ki ye heche wuve eno ningu ki xalu tsüke.’” Tishino timiqo no akütsü pishiqho luve no Ampeu mllae.

BAIBEL (BSI)

²⁷ nonguno ishi khochilelo, ‘Hiye AMPEU gihu keu. Hechekulu lo heqhi mllakeuke, kughengu Ijip lo pano Ijipmi heqhi pithivetsu ikemu ninguye puxu tsuke.’ ” Israilmiqono khoqhunheno mllake.

IPEKULU 12:27 Iomraidhean Croise

YEKIKITHI ATUGHIU 29:20

Tishino David no aqomi azah tsü, “Ampeu nongu Lhou sheqhelo!” Eno kümtsü no pano puasü Lhou, Ampeu sheqhe, eno agigihu michishi panongu kütsü pishiqhope Ampeu ngo akükau tsü.

YEKIKITHI AKINIU 20:18

Tileno Jehoshaphat no pa gi ayeghi lo pishiqhove, eno Judah ngo Jerusalem lo küami kümtsü no Ampeu zülo itsaqi no Pa mlla.

YEKIKITHI AKINIU 29:30

Akükau Hezekiah ngo hiyampemi no Levimi vilo David ngo tungkupu Asaph pamaw Ampeu kishe le phelopi azah tsü. Panongu no alokivi lono phe eno panongu no pishiqhope Alhou mllae.

NEHEMIA 8:6

Ezra no Ampeu, akughushu Lhou sheqhe eno timi kümtsü no au peqheno khochile, “Amen, Amen.” Panongu no akütsü pishiqhope agi no ayeghi daluve no Ampeu mllae.

LESHELE 44:1

O Alhou, ni puasüqo no pikeu ni kini lono chiluvae, wovekeu ghuloki lo Nono kiu kümlaqo mla keno chiluvae.

LESHELE 78:5

Pa no Jacob lau ashepe lakhi tsü eno Israel lo Ayezah süsü tsüe, Pa no ni puasü vilo pano tianuli shika penike azah tsüe,

IPEKULU 10:2

eno nongu pelo nongu nuli eno atilimi vilo I no kishi mkamihi Egyptmi peitha eno kiu michipu panoqo lau shitsü keno pi peniye, tishianguno nongu pelo Ni ye Ampeu kepi ithi peniye ke.”

IPEKULU 12:11

Hipa gholau no nongu ye chuni: nongu pokha khapuni, apukhuqho xapuni, eno nongu u lo aküsü peni. Nongu ye mighimghai ti chuni. Hi ye Ampeu Hechekulu ghulhu ke.

IPEKULU 12:23

Kughengu Ampeu no Egyptmi heqhini ke hechewu nani, eno kughou Pa no ahukikha tsükucho kini eno ahukikha lo aji ithuluni keno, Ampeu no ahukikha tipau heche wuve nani eno hekiqhiu pelo nongu pithi nike no kilo iloghi pemo nani.

IPEKULU 12:28

Tithiu Israelmi no wuno titoi shi; Ampeu no Moses ngo Aaron azah tsüke toi panongu no tishie.

IPEKULU 13:14

Eno hithiu o nu no o vilo, ‘Hi ye kiu kiqi kea?’ ipi ighiju aye, no ye pa vilo pilo, ‘Aküka kumto lono Ampeu no Egypt lo aqüaxe küxü lono ningu saipeghi ke.

IPEKULU 13:8

Tipa tsalani nono o nu vilo pini, ‘Hi ye I no Egypt lono ipeghi kelo Ampeu no I lau kiu mlatsü keno tipau ghenguno ke.’

IPEKULU 34:25

“Nongu ye I lau aghakishi shikeu ji gholo kiu kiumu kholaqhi sükeu pesü mlla moni, momu Hechekulu Ghulhu ghakishi pesü thanau inaqhe kutolo qhimoni.

IPEKULU 34:8

Moses no mtazü ayeghi lo pa kütsü pishiqho luve no Ampeu mlla.

IPEKULU 4:31

Eno timiqo no pülüve; kughou panongu no Ampeu no Israelmi xuju ighivae eno Pa no panoqo ghime ithuluvae pi chilu keno, panongu no pano kütsü pishiqho luve no mllae.

1 Kor. 5:7

Nongu ye kuchou no kholaqhi sümokeu sho kehu kholaqhi aqau ye shikimtheve lo tishianguno asho kukunu kithe shinani. Kughengu niw Hechekulu mbe Khristo ye küghape aghashivae.

ZAKINIU 16:2

Ampeu nongu Lhou no Pa je ghenguno kishetsü ke-a lono now atsüaqu loji lono Hechekulu ghakishi tsülo.

ZAKINIU 16:5

Nongu ye Ampeu nongu Lhou no tsü akeu phughiqo lono aghashi moni,