IPEKULU 12:23 - Sumi Naga CL (Re-edited) Bible (BSI)

²³ Kughengu Ampeu no Egyptmi heqhini ke hechewu nani, eno kughou Pa no ahukikha tsükucho kini eno ahukikha lo aji ithuluni keno, Ampeu no ahukikha tipau heche wuve nani eno hekiqhiu pelo nongu pithi nike no kilo iloghi pemo nani.

BAIBEL (BSI)

²³ Kughou AMPEU no Ijipmi heqhinike Ijip qha kumtsu wuchekelo pano ahukikha kuchosu ngo piphisulo ahji aghi keu ithulu nani eno Akithipu Kungumi pelo nongu kilo ilo pemo eno nongu nu heqhi pemo nanike.

IPEKULU 12:23 Iomraidhean Croise

SAMUEL AKINIU 24:16

Kughou kungumi no Jerusalem küdau pa u süqhepe ti kütsave niye shikeno, Ampeu no küsakusho lono süchileve no timi kütsakungo akeu kungumi vilo pi, “Kughomae; o u süchile luvelo.” Ampeuw kungumi huye Jebusimi Araunah niqa lo ake.

JOB 14:13

O Nono I küghape Kithigha lo küsüve keaye, O loghu kishekha moke kutolo I küghütshüve keaye, eno I ghenguno ado kihitha tsüno I kümsülu tsü keaye lae!

IPEKULU 11:4

Tighenguno Moses no pi, “Ampeu no ishi piani: ‘Zübumta lono I no Egypt qha kümtsü wuni,

IPEKULU 12:7

“Tishino aji kitila pesü aki khile panongu no ti chuniye ani keno tipau hukikha tsükucho kini lo nudani.

ISAIAH 26:20

Ighilo, Iw timiqo, nongu chebo lo ilove no ahukikha khavelo; Aloghu no hechesü wuve moke kutolo ado hami itshü aghilo.

ISAIAH 37:36

Tishino Ampeuw kungumi no Assyriami ghazü lo wuno pano lakh lakhi qhethonhe lhotache pungu ghiqhivetsü. Kughou timiqo no thanau itheno ithughi keno julo, asükumo likhi aghive.

EZEKEL 9:4

Ampeu no Pa vilo pi, “Jerusalem mishighüna qha kuchopu wulo, eno khunoqo no tile aphikümqhüpu shikeu ghenguno akümza eno amloghuju shi ani keno panoqo kishe lo amchipu lakhi shipuku lo.”

EZEKEL 9:6

Kitemiqo vejoi pithive lo, lhothemi eno ilimi, itimi eno topumi pithive lo, ikemu khunoqo shou amchipu ani keno tipaqo lakhimu bukevilo. Eno I chineki lono huthulo.” Tighenguno panongu no achineki lo akemi layemiqo launo huthu ke.

1 Kor. 10:10

momu muchho kepu kumoe, kughengu panongu khami ye tishi kelono Akithi Ghawu no panongu pithive ke.

IBRIMI 11:28

Aküpülü lono pa no Hechekulu Ghulhu huthu tsüno aji pesü küzüte tsüe, tishianguno anu anoghiu Ghikiqhiu pelo panongu bupe moniye ke.

IBRIMI 12:24

Nongu ye puloshoqhi akitheu lacheu Jisü lau, eno Abel ji nguno akiviu tsape pikeu shikimthekütsü ji lau ighi ani.

Piyeküsü 7:3

pi, “Nino ni Lhou qemiqo kishe lo amichi shikhamla aphilo ayeghi momu azüghi eno asüboqo kütsa kevilo.”

Piyeküsü 9:4

Khunono akishe lo Alhouw michida küha keno tipaqo kumo aye ayeghi lo atsüni küxü momu asübo jeli kiumu shipüsa pemoni ke azah panoqo tsüpüa.