IPEKULU 12:15 - Sumi Naga CL (Re-edited) Bible (BSI)

¹⁵ Atsala tsüni nongu no kholaqhi sümo keu sho chuni. Atsala atüghüu lono nongu ki lono kholaqhi peveni, kughengu tsala khukhumu kholaqhi sükeu chuve aye, atsala atüghüu lono akütsüniu kutolo, timi tipau ye Israelmi gholono hapheveni.

BAIBEL (BSI)

¹⁵ AMPEU no pi, “Atsala tsuni ghenguno nonguye kholaqhi sukeu sho kiumu chukevilo; aqhi sumokeu sho likhi chulo. Atsala atughiulo nongu kilono kholaqhi kumtsu pevelo kughengu nongu gholo khuuno ti atsala tsuni dolo kholaqhi sukeu sho chuni keno paye iwu timiqo gholo kihisu move nani.

IPEKULU 12:15 Iomraidhean Croise

BOTHUBO 17:14

Kiptimi khukhumu aphighüyiko ghamo keu ye paw timi launo kütüta shiveni; pa ye Iw puloshoqhi hephovae.”

YEKIKITHI AKINIU 30:21

Atsala tsüni kutolo Jerusalem lo timi akeqo no Kholaqhi Sümokeu Ghulhu alokivi kije lono ikhilu eno ghulo atsütsü Levimi ngo achinemi no pano küka kumto lono Ampeu sheqhe.

EZRA 6:22

Eno panongu no alokivi shi atsala tsüni kutolo Kholaqhi sümokeu Sho Pine ikhilu, kughengu Ampeu no panoqo pelo alovilupe eno Assyria kükau mlo tsüghü sawo panongu gholo alupe, tishikeu lono pa no Israel Lhou, Alhou ki kümla lo panoqo kuphutsü.

IPEKULU 12:8

Panongu ye tipaji no ami lono ashi ghuve no kholaqhi sümokeu sho ngo khumtsai keu tsüni gholono chuni.

IPEKULU 13:3

Tithiu Moses no timiqo vilo pi, “Ishi tsala lo nongu no Egypt lo aqüaxe ki lono ipeghi keu kümsülu chelo, kughengu au kumto vecheo Ampeu no hipa-a lono nongu saipeghi ke. Kholaqhi sükeu sho chumoni.

IPEKULU 23:15

Kholaqhi sümokeu ghulhu ikhiluni. I no azah tsüke toi, kihitha tsükeu do, Abib qhi lono, no ye kholaqhi sümokeu sho atsala tsüni chuni, kughengu tipau qhi lono no ye Egypt lono ipeghi ke. Khumu au kümsashi I zülo ighi moni.

IPEKULU 30:33

Khukhumu hitoi keu thazü kimihi shi mlakeu momu hipau pesü ashoumi shou lepuku keu ye paw timi gholono hapheveni.’”

IPEKULU 30:38

Khukhumu axokütsüngü titoi peithani ye tihutoi mlakeu ye paw timi gholono hapheveni.”

IPEKULU 31:14

Nongu ye Sabbath ikhilu lo, kughengu ti ye nongu ghenguno akimthe ke. Khukhumu ti shikitiqeve keu ye pithiveni. Khukhumu tipani no mlakeu ye paw timiqo gholono hapheveni.

IPEKULU 34:18

“Nongu ye Kholaqhi sümokeu Sho Ghulhu pinilo. I no azah nongu tsüve ketoi nongu ye kihitha püakeu tüqhüdo Abib qhilo atsala tsüni kholaqhi sümo keu sho chuni, kughengu nongu ye Abib qhi lono Egypt lono ipeghi ke.

IPEKULU 34:25

“Nongu ye I lau aghakishi shikeu ji gholo kiu kiumu kholaqhi sükeu pesü mlla moni, momu Hechekulu Ghulhu ghakishi pesü thanau inaqhe kutolo qhimoni.

ACHINE 17:10

“Israelmi na inaghami pano gholo akemi khukhumu lhoxü ji chukeu ye I no pa launo I gi kughove nani eno paw timiqo gholono hapheve nani.

ACHINE 17:14

Kughengu lhoxü kümtsü ghenguno aküxü ye aji lo ani, aji huno aküxü ke. Tighenguno I no Israelmi vilo pivae, Nongu ye kiu lhoxü ji mu chumoni, kughengu tipaqo küxü ye aji lo ani, khukhumu ti chukeu ye hapheveni.

MALAKI 2:12

Alaghami dolo khukhumu hipa gholau no akümllagho pesü aqokitikhi Mpeu tsükeu ye Ampeu pelo Jacob phiki lono ikhive peni!

AKIKIHI 28:17

eno chighiapunguu no aghulhu tsala ke. Kholaqhi sümokeu sho atsala tsüni chuni.

AKIKIHI 9:13

Ikemu khuu no kicheghüzü lo wumo eno achinepu lo mithe apülaghi Hechekulu pini moni keno, pa ye azah shipüakeu tsala lo Ampeu kümllagho süghimo kehu paw timiqo gholono hapheveni; pa xine ye pa no xapuni.

MATTHEW 16:12

Tileno pa ye kholaqhi asho lo peitha chekeu kumono Phariseemi ngo Sadduceemi kükütsü jukuto luvelo pi akenapi panoqo no vethalu.

Luke 12:1

Tishi akelo, kughou timi qhethonhe piqi kumqove keu lono khami no khami nedauve keno, Jisü no atüghüshi pa khopemi vilo pi, “Phariseemiw kholaqhi, ti ye keghilishi keu, jukuto lo.

Luke 2:43

Aghulhu tsala kishekhave kethiu panongu no idewo chekelo Jisü ye Jerusalem lo ngo chileve, ikemu pama ye ithi move.

Apostolmi 12:3

Hi no Jewmi lopu shikeu pa no ithulu no Peter ghi küghaluve nike phuwu. Hi ye Kholaqhi sümokeu Sho pine ghuloki lonoe.

Galatiami 5:12

Khunono nongu pünaqhi ani keno ni ye panongu phighü pichive penishi ani!

ZAKINIU 16:3

Tipau ghulhu lo kholaqhi sükeu sho chumoni. Atsala tsüni dolo nongu ye kholaqhi sümokeu, aghime kitikhi sho chuni, kughengu nongu ye mighimghai Egypt lono ipeghi ke, tishikeu lono nongu no aküxü tivilo Egypt lono ipeghi keu tsala kümsülu chenani.

ZAKINIU 16:5

Nongu ye Ampeu nongu Lhou no tsü akeu phughiqo lono aghashi moni,

ZAKINIU 16:8

Tsala tsügho dolo nongu ye kholaqhi sümokeu sho chuni, eno atsala akütsüniu loye Ampeu nongu Lhou mlla nike aqoaho kumqoni. Tipani ye akümla shimoni.