IPEKULU 11:10 - Sumi Naga CL (Re-edited) Bible (BSI)

¹⁰ Moses ngo Aaron pama no Pharaoh zülo akümzapu hipaqo shie, eno Ampeu no Pharaoh mlo shikümkave tsü, eno pa no pa yeghi lono Israelmi puwumoe.

BAIBEL (BSI)

¹⁰ Muse ngo Aron pamano akukau zulo akumzapu michi hipaqo kumtsu shike, ikemu AMPEU no pamlo hekike vetsuke eno pano Israilmi pelo pano ghakhu lono chevepemoke.

IPEKULU 11:10 Iomraidhean Croise

JOB 9:4

Pa ye alokütsü eno aküka kughushu ke khuu no Pa mjochile no toluve akea?

IPEKULU 10:20

Ikemu Ampeu no Pharaoh mlo shikümkave tsü, eno pa no Israelmi pelo wu pemoe.

IPEKULU 10:27

Ikemu Ampeu no Pharaoh mlo shikümkave tsü, eno pa no panoqo pelo wu pemove.

IPEKULU 12:1

Egypt lo Ampeu no Moses ngo Aaron vilo pi,

IPEKULU 3:19

Ikemu I no ithi anike akughushu u no tsüikhomo pa kite moke kutolo Egypt kükau ye nongu puwumo nanie.

IPEKULU 4:21

Ampeu no Moses vilo pi, “Kughou nono Egypt lo idewo keno, amchipu kümla I no o u lo sütsü keu kümtsü Pharaoh zülo shikepu shi jukuto lo. Ikemu I no pa mlo shikümka tsü nani, tishikeu lono pa no timiqo puwumo nani.

IPEKULU 7:3

Ikemu I no Pharaoh mlo shikümkave tsü nani, eno Egypt yeghi lo amchipu ngo akümzapuqo küghüsü mla anamu,

IPEKULU 9:12

Ikemu Ampeu no Pharaoh mlo kuthovive tsü, eno Ampeu no Moses vilo pi ketoi, pa ye pama tsa initsü move.

ISAIAH 63:17

O Ampeu, No ye kushiye ni pelo O laghi vezüvepe ani, eno kushiye ni mlo shikümkave tsü ani kea? Eno kushiye tishikeu lono ni pelo O sümsa movepe kea? O qemi, O mheghi shiye ghengu likhi nomu ideighi tsülo.

John 12:40

“Pa no panoqo nhethi kighicheve tsü eno pano mlo shikümkave tsü, tikumo ye pano nhethi no ithulu, pano mlo no vethalu no xaide kelo I no pano shipivilu nosae.”

Rommi 9:18

Hi ghenguno Alhou ye khukhumu Pa no pulo keu lau küpükini tsü cheni, eno khukhumu Pa no pulo keu lono shikümkave cheni.

Rommi 9:22

Tsala Alhou no Pa loghu eno Pa küka ithi peniye kütsaveni keu shi kuto püakeu, aloghu liqo, lau alaushi ado kushuo kheakulu eno kutuukulu shipüaghi aye kiu pini kea?

ZAKINIU 2:30

Ikemu Heshbon kükau Sihon no ningu pelo pa ghakhu katha pemoe, kughengu Ampeu nongu Lhou no pa pelo kuthovi eno hebideve pe, tishikeu lono Pa no ishi kutolo tishi acheke toi panoqo pesü nongu u lo süvetsü niye ke.

JOSHUA 11:20

Kughengu ti ye Ampeu no kughu keu kiqi lono Pa no tipaqo mlo shikümkave tsüno panongu pelo Israelmi sasü aghüshi peniye ke, tishianguno Ampeu no Moses azah tsüke toi panoqo kipimi qhitsü mono kütsave peniye ke.

SAMUEL ATUGHIU 6:6

Kushiye nongu ye Egyptmi eno Pharaoh no kuthovi ketoi amlo kuthovini kea? Pa no panoqo shishe ghimeve kethiu no panongu no timiqo puwuke kumo keshea?