IPEKULU 10:9 - Sumi Naga CL (Re-edited) Bible (BSI)

⁹ Moses no pi, “Ningu ye kichi-iti kümtsü sawu nani, ni tianuli, eno ni mbeloji ngo amishi loji kümtsü sawu nani, kughengu ningu ye Ampeu lau aghulhu shimasa nani ke.”

BAIBEL (BSI)

⁹ Muse no pi, “ningu ititunu eno kitemi kumtsu wunanike. Ninguye ninunoqo eno ningaqo, niwu bheriqo ngo aneqo eno amshiqo kumtsu sasu wuni kughengu ninguye AMPEU gihunikeu shi aghulhu pinye lakhi shi masake.”

IPEKULU 10:9 Iomraidhean Croise

BOTHUBO 50:8

eno Joseph kibolomi, pa thiküzümi eno pa pu kibolomi kümtsü iqhoe. Panongu tianuli, atsü-aqu eno lhoxü jeliqo likhino Goshen yeghi lo qhive.

IPEKULU 10:10

Ikemu pa no pi, “Tsala I no nongu eno nonga kughunuqo puwuve aye, Ampeu no nongu gholo apeniu! Kughengu julo, nongu ye küsakügha kimji hami amlo lo anie.

IPEKULU 10:26

Ni tsü-aqu ghi ni gholono wu masae; apukhumtsü kupu lhoxü lakhimu qhimo nani, kughengu ni MPEU Alhou mllani ke ningu ye tipaqo ghi sawu nani, wo tomphi loye kiu lhoxü pesü Pa mlla nani keno ningu ye ithini chemoe.”

IPEKULU 12:32

Nongu no pi aketoi, no mbeloji ngo amishi loji sasü chevelo, eno ningu ghi kümgha tsülo!”

IPEKULU 12:37

Israelmi no Rameses lono Succoth kutolo chewuve, totimi ngo itimi kihisü mono timi lakh tsügho apukhu lono wue.

IPEKULU 12:38

Panoqo gholo aqokitikhi xukütshü kungope wu, eno atsü-aqu ighono kutomo, ambe loji ngo amishi loji ishi sawu.

IPEKULU 13:6

Atsala tsüni nongu ye kholaqhi sümokeu sho chuni, eno atsala akütsüniu lono Ampeu lau aghulhu shini.

IPEKULU 3:18

Panongu no o tsa ini nani, no eno Israel lo layemi no Egypt kükau lau wuno pa vilo pilo, ‘Ampeu, Hebrewmi Lhou no ningu sasü kusho luvae; itehi ye kimiyeno ningu pelo yenguyike-a lo atsala küthü ghüzü shiwu pelo, tishino ningu pelo Ampeu ni Lhou lau aghakishi tsülu pelo.’

IPEKULU 5:1

Ado hami thiu Moses ngo Aaron pama no wuno Pharaoh vilo pi, “Ampeu, Israel Lhou no ishi piani, ‘Iw timiqo puwuvelo, tishianguno panongu pelo yenguyike-a lono I lau tiqhetini shi penie.’”

IPEKULU 5:3

Tileno pama no pi, “Hebrewmi Lhou no nikujo sasü kusholue. Kimiyeno ni pelo yenguyike-a lo atsala küthü ghüzüla lo wulu pelo, tishianguno nino Ampeu ni Lhou lau aghakishi shini, tikumo aye Pa no ni shou püsa momu azütakikihi pukutsü nosake.”

AHOLE 3:9

O küakini eno o u ghülo pekighi amsüu pesü Ampeu gihulo;

YETSAPIU 12:1

Nono lhothemi shiaphi lono, aküzü tsalaqo sholu mphi lono, eno nono, “Ni ye aküxü azüzüvae,” ipiuve kepu ghuloki ighi mphi lono o Lhoküsüu ghi kümsülu lo,

AKIKIHI 29:12

“Aqhi akütsüniu atsala chighiapunguu lo nongu ye akimtheshi kuho kumqo lo. Nongu ye kiu kümla mu shimoni ikemu Ampeu lau atsala tsüni tiqhetini pinilo.

Ephesiami 6:4

Apunoqo, nongu tianuli mlo shikighide tsü kevilo, ikemu Ampeu no kütsü shika eno qophe chekeu ghola lono panongu saputhu lo.

JOSHUA 24:15

Ampeu qekeu no o ghenguno axine shive aghi aye, nono khuu qeni keno ishi tsala lono kishelu lo, nongu puasüqo no Aghoki kukuu qe chekeu lhouqo qeni keo, Amorimi khuno yeghi lo itehi nongu no küghüna ani keno pano lhouqo qeni kea? Ikemu ni eno I kibo ye Ampeu qeni.”