IPEKULU 1:14 - Sumi Naga CL (Re-edited) Bible (BSI)

¹⁴ aghani ngo pititu kümla, eno aluza lo akümla jeli kümtsü aghimeshi mlakeu vecheo panoqo küxü kukhukimji shitsü. Akümla kümtsü lo panoqo pelo aqüaxemi toi mlape ke.

BAIBEL (BSI)

¹⁴ eno panoqo kuxu kijiksa shipeke. Panonguno akikishilo ngo alu kumlalo eno akumla jeli kumtsulo Israilimi pelo mlapeke eno panoqo shou amlo kimiyekeu kuhake.

IPEKULU 1:14 Iomraidhean Croise

BOTHUBO 15:13

Tileno Ampeu no Abram vilo pi, “Mtsüqheino ithilo, o tikughuko ye inaghami yeghi lo kupokichemi shiuve nani eno tilau aqemi shive nani, eno ampe 400 kutolo panongu kijipüsa ghimeqhi nani.

KUKAMI ATUGHIU 12:14

lhothemiqo no pa vilo pikeu kiqi lono pa no pi, “I pu no ape kimshi nongu xapipe keu gholo I no küpha tsüni. I pu no akighi kipili pesü nongu sakiyi püaghi aye, I no khurshi kihe küsü no nongu heqhini.”

LESHELE 129:1

“I lhothe lono panongu no shishe I ghime ighivae”— Israel pelo itehi pi pelo—

LESHELE 68:13

Apumiqo no ambeloji dolo ikiqi ihozü anamu, miqhedu chishibo ghükayi no küzüpe akeshi, eno pa mhi no ameshoyi akiviu no küzüpe aketoi ke.

LESHELE 81:6

“Nongu bighi lono I no amakho ikhive tsüe; ashoghi kipe lono nongu u kümthü tsüke.

IPEKULU 1:11

Tighenguno panongu no amakho kimshi pesü panoqo ghimeni ke aqemi hekiqhimi panoqo shou qhive. Panongu no Pharaoh ghenguno pekükütsü mishighüna, Pithom ngo Raamses shiqhe pukue.

IPEKULU 1:13

Ikehu panongu no mkamihi Israelmi pelo aqüaxemi toi mla pe

IPEKULU 1:15

Tithiu Egypt kükau no Hebrewmi anga jukupunumi, lakhi no Shiphrah eno lakhiu no Puah, pama vilo pi,

IPEKULU 2:23

Tipa ghuloki lo Egypt kükau ye thive, eno Israelmi ye pano qüaxe ghenguno amloghuju shi kuphu tsü peniye ighamku che. Aqüaxe lono xaphetsü penike ighamku chekeu iku Alhou tove.

IPEKULU 20:2

“Ni ye Ampeu, khuu Egypt yeghi lo aqüaxe kibo lono nongu saipeghi keno, nongu Lhou huke.

IPEKULU 6:9

Ikehu Moses no Israelmi pütsa, ikemu panongu no Moses tsa ini tsümoe, ti ye pano ghungu ghüthiküsü eno ayikushu qüaxe lo ake ghenguno ke.

AHOLE 28:15

Abongshuu yiküsa no igha momu ava no hache ketoi kixikila yepemi no kumlhomi shou qhasüpe cheni.

ISAIAH 10:24

Tighenguno Alhou, aqokitikhi MPEU no pi ani: “O Zion lo Iw timi akeqo, Egyptmi no shike toi Assyriami no asüthalu eno aqheküsü pesü nongu heqhi kelo msa kevilo.

ISAIAH 14:6

tino tamomithe axukighide lono ashiayeqo ghaqhi, eno shiyeqo kijipüsaqhi pano qhasü cheke.

ISAIAH 51:23

Nongu nedaqoda chekemi eno Nongu vilo, ‘Ihozü lo, ningu no chesü wuni’ ipi chekeqo; eno nongu mqa no ayeghi ghüza momu alaghi toi shino panongu no chewu chekeqo lau I no izüvuive chekeu jukhu eno I loghu chithakhu tsüve nani.”

ISAIAH 52:5

Tighenguno itehi Ni ye hilau kiu ani kea?” ipi Ampeu no sheshu ani. “Hi Iw timiqo ame tsümono sawuve kelaye panongu shou yepemi ye mloqa ani.” Eno “Tino ishokibe I je thaigha ani.

ISAIAH 58:6

“Ikemu kümvü keu lono kixikila küxü kütsügha lono kuqhophe luve aye, eno kütami shou kuokhasü kuqhovetsü aye, eno nedaqodave kemi khaqhi pheve aye, eno ayikichhe jeli kümtsü ikhivetsü aye, hitoi kümvü keu no I pulou ke kumo keshea?

ACHINE 25:43

Ayiküsa shi panoqo peitha moni ikemu nongu Lhou sümsalo.

ACHINE 25:46

Nongu no tipaqo pesü amheghi shi alholo no tianuli lau qhitsülu nani. Nongu no panoqo pesü aqüaxe shilu nani, ikemu no thiküzümi Israelmi shou ye ayiküsa shi peitha moni.

ACHINE 25:53

Ampe ampe kiqi lono aqe kiqemi peitha cheke toi pa peithani. Pa mpeu ye ayiküsa shi pa peitha moni.

MICAH 3:3

Iw timi phiashi chuve tsüno pano philono ayiko lhavetsü, eno aliqu lo ashi süpüa keshi pano saghi kubopinyipe ali lo ghekucho süve tsüe.

NAHUM 3:14

Lenike ghenguno azü shophe lo; o liwoqo shikumto lo; aghani-a lo wulo; achepo qodalo; pititu mla chekeu bohu kuto lo!

AKIKIHI 20:15

ni puasüqo ye Egypt lo wuno tilau ado kushuo ache eno Egyptmi no ni puasü eno ningu peitha püsae.

Apostolmi 7:19

Pa no mkamihi ni timi peitha no anguka lono ni sünoqo pelo pano tianuli püxülu pemoni ye peve peke.

Apostolmi 7:34

Iw timi Egypt lo akeqo ghime I no mtsüqheino ithuluvae, eno panongu no igha kukuno akeu chiluvae. Ni ye panongu xaphe nike iqighivae. Itehi ighilo, I no Egypt lo o puwuni.’

ZAKINIU 26:6

Egyptmi no ningu kijipüsa eno jukünatha no anguka shi ningu pelo mlape.

ZAKINIU 4:20

Ikemu Ampeu no Pa mheghi shiniye Egypt lo ayi miphoki lono nongu saipeghi no ishi ye nongu ye Paw timi shi anie.

RUTH 1:20

Li no panoqo vilo pi, “Naomi ipi I ku kevilo; Mara ipi kulo, kughengu Akughushuu no kukhukimji shi I peitha ke.