IPEKULU 1:11 - Sumi Naga CL (Re-edited) Bible (BSI)

¹¹ Tighenguno panongu no amakho kimshi pesü panoqo ghimeni ke aqemi hekiqhimi panoqo shou qhive. Panongu no Pharaoh ghenguno pekükütsü mishighüna, Pithom ngo Raamses shiqhe pukue.

BAIBEL (BSI)

¹¹ Ikehu aghichhe kumla pesu Israilmi ghuthi kuxu puhave tsunike ghenguno Ijipmino aqemi kumla jukutsu heqhikemiqo pesu panoqo shou qhike. Israilmino Pithom ngo Ramese phughiqo shiqhike, tiye akukau kuakini pekukutsua shicheke.

IPEKULU 1:11 Iomraidhean Croise

BOTHUBO 15:13

Tileno Ampeu no Abram vilo pi, “Mtsüqheino ithilo, o tikughuko ye inaghami yeghi lo kupokichemi shiuve nani eno tilau aqemi shive nani, eno ampe 400 kutolo panongu kijipüsa ghimeqhi nani.

BOTHUBO 47:11

Tithiu Pharaoh no azah tsüke toi, Joseph no Egypt yeghi lo, ayeghi akiviu, Rameses yeghi pesü amheghi shi pa pu eno pa thiküzümi tsüe.

KUKAMI ATUGHIU 9:19

chuqu-kusho pekütsü chekeu phughi kümtsü, paw khurkulu, khurshimi ghenguno aphughiqo, eno Jerusalem ngo Lebanon lo eno pa no qhasülu keu kükaqha lo pa no mlanishi akeqo kümtsü shiqhi luve.

YEKIKITHI AKINIU 16:4

Ben-hadad no Asa tsa luve no paw ghüshimi zatsüu pelo Israel levepe, eno Ijon, Dan, Abel-maam, eno Naphtali yeghi lo kuchukini hekükütsü mishighüna kümtsü leluve tsü.

YEKIKITHI AKINIU 8:4

Pa no asayeqha lo Tadmor phughi shiqhe eno tinhemgha ngo kuchukini kikepe qhinike mishighünaqo Hamath lo shiqhe.

LESHELE 105:13

shiye lakhi lono shiye lakhiu lo, kükaqha lakhi lono kükaqha lakhiu lo itsüche keno,

LESHELE 129:1

“I lhothe lono panongu no shishe I ghime ighivae”— Israel pelo itehi pi pelo—

LESHELE 129:2

“I lhothe lono panongu no shishe I ghime ighivae, ikeghi panongu ye I theqhilu mphie.

LESHELE 68:13

Apumiqo no ambeloji dolo ikiqi ihozü anamu, miqhedu chishibo ghükayi no küzüpe akeshi, eno pa mhi no ameshoyi akiviu no küzüpe aketoi ke.

LESHELE 81:6

“Nongu bighi lono I no amakho ikhive tsüe; ashoghi kipe lono nongu u kümthü tsüke.

IPEKULU 1:14

aghani ngo pititu kümla, eno aluza lo akümla jeli kümtsü aghimeshi mlakeu vecheo panoqo küxü kukhukimji shitsü. Akümla kümtsü lo panoqo pelo aqüaxemi toi mlape ke.

IPEKULU 2:11

Kughou Moses no kichimi shi thuwuve keno, ghulo lakhi pa no paw timi lau wuno panoqo ghime ithulu, eno Egyptmi lakhi no paw timi Hebrewmi ghaqhi aghikeu pa no ithulu.

IPEKULU 3:7

Tileno Ampeu no pi, “I no mtsüqheino Iw timi khunoqo Egypt lo ani keno, pano ghime ithuluvae eno hekiqhimi ghenguno panongu no ighamku akeu chiluvae. I no panow shiluküsaqo ithivae,

IPEKULU 5:10

Ikehu hekükütsümi eno timiqo shou kughukütsümi no wuno timiqo vilo pi, “Pharaoh no ishi piani, ‘Ni ye aghijini nongu tsümo nani.

IPEKULU 5:15

Tile Israelmi kughukütsümi no ighi no Pharaoh lau ighamku, “Kushiye no ye o qemi hitoi peitha ani kea?

IPEKULU 5:8

Ikemu püzüu pititu khije panongu no mla cheni keno tijehi mla pelo, nongu ye kiu gholau nomu panoqo launo kümghü kevilo. Panongu ye akipichi ke ghenguno ishi ighamku anie, ‘Ni pelo wuno ni Lhou lau aghakishi tsülu pelo.’

AHOLE 27:4

Aloghu ye ayiküsa, eno amlo kighide ye kütsakungo keu, ikemu khuu no anhekushu zülo puthugho luni kea?

AKIKIHI 20:15

ni puasüqo ye Egypt lo wuno tilau ado kushuo ache eno Egyptmi no ni puasü eno ningu peitha püsae.

ZAKINIU 26:6

Egyptmi no ningu kijipüsa eno jukünatha no anguka shi ningu pelo mlape.