IBRIMI 9:24 - Sumi Naga CL (Re-edited) Bible (BSI)

²⁴ Kughengu Khristo ye au no shikeu, kuchou kimihi, akimthe-a lo iloke kumoe, ikemu itehi Alhou zülo ni züqhushi ipeghini ye kungugha lo iloke.

BAIBEL (BSI)

²⁴ Kughengu Khristo ye timino shipeqhikeu Kimthe-alo iloke kumoe, Akimthe-A tiye kuchou kimihi shianamu, ikemu paye kungugha-alo iloke, itehi paye tilehi Alhou zulo ningu zuqhushi ngotsuani.

Sümi Tiqhelimi Bible

²⁴ Kughengu Khristo ye timi u no kuchou kishishi mülà keu akimthe-a lo ilomo ke; pa ye ningu ghenguno Alhou gizülo ipeghi niye kungugha ampiu lo ilo ke.

IBRIMI 9:24 Iomraidhean Croise

LESHELE 68:18

Nono qhemghai ke-a lo iku, akughumi aqokitikhi sasü O gholo shekujo sawu eno timiqo launo agho ikhilu, hekibidemi lau ghi, tishino No Ampeu Alhou no ngoniye shike.

IPEKULU 28:12

Eno Israel nuliqo kümsükulu shi atu tiküma pesü abighi lo xipu keu ephod phi shou qhilo. Aaron no Ampeu zülo panoqo je kümsükulu shi pa bighi hula hila xapuni.

IPEKULU 28:29

Ikehu kughou Aaron no Akimthe-a lo iloni keno, pa ye Ampeu zülo kümsükulu apenike pa mlo phivilo küghakütha mlaküxa xapu akeu lo Israel nuliqo je yepüakeu xapuni.

ZEKHARIA 3:1

Tithiu pa no achinetou Joshua no Ampeuw kungumi zülo puthugho aghi keu, eno Satan no pa u ajeu puthugho no pa nguku aghi keu I piye.

MATTHEW 18:10

“Mthamini nongu ye hi kititiqo gholo lakhi mu jukünathalu nosake tsükhüi lo, kughengu I no nongu vilo piani, panoqo kheu kungumi ye pülhapuju I Pu kungugha lo akeu zülo acheni.

Mark 14:58

“Pa no ishi pikeu nino chilue, ‘Au no mlakeu chineki hipau I no kütsave tsü nani, eno kütau au no shimo keu I no atsala küthü dolono shiqheve nani.’”

Mark 16:19

Ikehu Ampeu Jisü no akhopemi pütsave kethiu, pa ye kungugha lo saikuve no Alhou u ajeu küghüqave.

Luke 24:51

Panongu kümghatsü ghi pa ye panoqo launo kütüta shisü kungugha lo saikuve.

John 16:28

Ni ye Apu launo ighi eno ayeghi lo ighivae; eno itehi ni ye ayeghi qhive no Apu lau wucheae.”

John 6:62

Imaye Timi Nu no Pa no püzüu acheke-a lo iku chekeu nongu no ithulu aye kishi nani kea?

Apostolmi 3:21

Alhou no kushuo lono Pa kimthe tungkupmi vecheo pipüa ketoi, thokha athoputho moke kutolo, kungugha no pa saluve masae.

Rommi 8:33

Khuu no Alhouw kishekiphemi shou akipimi tsüluni kea? Khumu kühae, achipikalupe chekeu ye Alhou noe.

2 Kor. 5:1

Kughengu nino ithi akeu no tsala ayeghi lo ni kungo phiki huno shipüsave namu ningu ye au no shimokeu, lhokta atsütsü lo achekeu ki Alhou lau ani.

Kolosiami 3:2

Ayeghi lo thimeqo shou kumono kunguu thimeqo shou kümsü pukulo.

IBRIMI 1:3

Pa ye Alhouw phuphushi keu küvü yekibide ke, eno Alhou lhoaye aphiphishi xapu ani, Pa küka lono Atsa huno atsütsü ayeghi kümtsü puqhepe acheni. Axine shikimtheve tsü kethiu Pa ye akiqhe-a lo Akughushuu u ajeu iqave,

IBRIMI 12:2

Ni küpülü hukuthuu eno kupukülai kütsüu Jisü lau juni. Pa zülo alokivipu qhitsü keu jupe pa ye kros lo thinikeu kujomza moe, eno itehi ye Alhou kükalakhü ajeu iqa ani.

IBRIMI 4:14

Tishi aye ningu ye achinetou akijeu, khuu kungugha lo ani keno, Alhou Nu Jisü hu ani keke ningu niw pikiphe küpülü mtotoi tsüqü peni nolo.

IBRIMI 6:20

ti ye Melchizedek ghola lono alholo ghenguno achinetou shive keu Jisü huno ningu züqhushi azüuno ilove keu-a loke.

IBRIMI 8:2

pa ye timi no shikeu kumono Ampeu no shikeu phiki kuchou, akimthe-a lo hukuthuu ke.

IBRIMI 8:5

Panongu ye kungugha lo akimthe-a akeu julho kimihi lono shicheni. Kughengu Moses no aphiki shiniye akelo, Alhou no ishi pa mijetsü, “Naghuto lo o piye keu ghola lono thokha kümtsü shilo.”

IBRIMI 9:1

Puloshoqhi atüghüu ghi akümlla khuaye eno ayeghilo kimthe-a acheke.

IBRIMI 9:23

Kungughalo thime kimihi ye hitoike khuaye pesü shikimthe che, ikemu kungughalo thimeqo ye hinguno akiviu ghakishi pesü shiche.

IBRIMI 9:9

(hi ye ishi tiqheli michipu ke). Hipau kikithi kiqilo agho ngo aghakishi ye akümllamiw kiviküsa lotsü shikütsüghüve tsümlae,

1 Peter 3:22

Pa ye kungugha lo wuvae eno kungumi, yepemi, eno aküka jeli kümtsü Pa qholo shino Alhou u ajeu ani.

Piyeküsü 8:3

Kungumi kütau lakhi no ameshoyi kiptibo peighi no akiptia lo puthughove, pa pelo kükalakhü zülo ameshoyi kiptia lono küpülümi kümtsü kighini süküqha no mlla penike müsüghüta kutomo pesü pa tsüpüa,