IBRIMI 9:14 - Sumi Naga CL (Re-edited) Bible (BSI)

¹⁴ Khristo, khuu no lhokta Ghungu vecheo tukutiye kühano Alhou lau pa ampi pephe tsü keno, pa ji ye tinguno alau ningu pelo aküxüpu Lhou huthu peniye akithipu kümla lono niw kiviküsa lotsü shikimthe tsülu nani.

BAIBEL (BSI)

¹⁴ Khristo jihye tinguno shishe alau shilupe puanike. Pano lhokta Ghungu vechewo tukutiye kuhamithe ghi Alhou lau pa likhi pa pephe tsuvekeu pa jih huye avehupu kuhamithe keu kumla lono ningu mlo lotsuh shikimthe pesu akuxupu Lhou qelupeniyeke.

Sümi Tiqhelimi Bible

¹⁴ Tishiaye Khristo jì khikhi lhokta Ghungu vechewo tukutiye kühamithe no pa likhi pa pesü Alhou mülá keu ye khikuto lo ningu pelo xü akeu Lhou qe penike ghenguno ningu pelo akithí lo sawuve chekeu lau no ningu lolo kighithiqo shikimthe tsülu nani kea!

IBRIMI 9:14 Iomraidhean Croise

SAMUEL AKINIU 4:11

Tishi aye tinguno alau, kughou küsaküghami no achipiu mikuchomi lakhi pa ki eno pa züabo lono heqhive keno, ni ye nokujo u lono pa ji avehupu shimoni keshea eno ayeghi lono nokujo kütsave moni keshea?”

KUKAMI AKINIU 19:16

O Ampeu, O kini kughope inilo, O Ampeu, O nhethi tsükho no julo, eno Sennacherib tsa khikhi pa no aküxüküa Lhou thaigha niye pi puwu keno initsü lo.

JOB 15:16

imaye, khuu no aphikümqhüpu eno shiküpsapu keno, azü toi amikuchokumo yeche keu ye kishita akimkheu kelae!

LESHELE 51:2

I kipimi lono I qhukimthe tsülo, eno I xine lono shikimthe tsülo!

IPEKULU 12:5

Nongu mbe ye atsü, ampe lakhi tukutiye küha keu shilo. Nongu no ambe momu ane loji lono kishelu nani,

ISAIAH 42:1

Julo, I no süqhe chekeu I qeu, I no kisheluve keu khuu shou I ngulho no alovi cheni keno, I no I ghungu pa shou shepichhivae; eno pa no ashiaye kümtsü lau achipi xakütha süghi nani.

ISAIAH 53:9

Pa no ngukangugha shimomu eno pishikiqhi tsa pimomu, panongu no küsaküghami eno kinimi gholo Pa kumo kutotsüe.

ISAIAH 57:15

Kughengu akiqheu eno süqhepe püakeu, khuu shekhaha acheni eno Pa je Akimtheu keno, Pa no ishi piani: “Ni ye akiqheu eno akimthe-a lo acheni, ikemu Ni ye mloqa kemi ngo aqhokighemi gholo ghi ani, Ni ye aqhokighemi ghüthi püxü kithetsü, eno mloqa akemi mlo püxü kithe tsüniye ke.

ISAIAH 61:1

Ampeu Alhou Ghungu no I shou ani, kughengu Ampeu no I nukishevae, I pelo kumlhomi lau sütsa kivi süghi peniye, Pa no amlo ghimeshi akemi shipivi peniye I puwue, akughumi lau kuqhokiphe sütsa sheshu peniye, eno akughumi ghenguno akughuki khaqhitsü peniye ke.

JEREMIYA 10:10

Ikemu Ampeu ye kuchou Lhou; Pa ye aküxüpu Lhou eno lhokta Kükau. Pa loghu lono ayeghi itha cheni, eno Pa no amloide kelo shiyeqo ye puqhelu chemoe.

EZEKEL 45:18

“Ampeu Alhou no ishi piani: Aqhi atüghüu, atsala atüghüu lo nongu ye amshitsü lakhi tukutiye kühakeu pesü akimthe chineki shikimthe lo.

DANIEL 6:26

I no xaküthaza lakhi mla ani, ti ye I yekipeqha lo timi kümtsü no Daniel Lhou zülo khokhoshi eno sükümsa shini, kughengu Pa ye aküxüpu Lhou, pülhapuju ache keue; Pa kükaqha ye khilemu kütsave mla nani, eno Pa yekipeqha ye ashekha kutolo anani.

ACHINE 22:20

Kiu kiumu tukutiye akeu lhoxü pesü mlla keu ye ikhilu tsümoe.

AKIKIHI 28:11

Aqhi bothu lo Ampeu lau akipti kümllagho hitoi tsülo: tukutiye kühakeu mishitsü kini, anetsü lakhi, ampe lakhi mbetsü tsüni;

AKIKIHI 28:3

Itaghi ishi pilo, Achuqupu kümllagho ishi Ampeu lau süghini: tsalakipe kümllagho shi ampe lakhi mbetsü tukutiye kühakeu kini.

AKIKIHI 28:9

“Sabbath tsala loye ampe lakhi mbetsü tukutiye kühakeu kini, athi kümllagho shi ashomkhu ahu bidi thazü gholono kunuve keu, eno atsaizü kümllagho tsülo:

MATTHEW 12:28

Ikemu I no Alhou Ghungu pesü tüghami haphe aghi aye Alhou yekipe ye nongu lau ighivae.

MATTHEW 16:16

Simon Peter no khochile, “No ye aküxüpu Lhou nu Messiah ke.”

MATTHEW 20:28

Timi Nu thotsü huthu peniye ighike kumoe, ikemu huthu niyeke, eno timi kutomo ghenguno pa küxü pesü xakipheme shi tsüniye ighike.”

MATTHEW 7:11

Nongu alhoksami thotsü kishi thime kivi pesü nongu tianuli tsükepu keno ithi aghi aye, khuu kungugha lo ani keno, nongu Papu huye Pa vilo khukeqo lau tinguno alau tsü nani.

Luke 1:74

ni ghümi u lono xaphe luve akehu, ningu ye msaichi keu kühano Pa huthu peniye;

Luke 12:24

Aghaqo julo: tipaqo ye xusüke kumo ghile mu huchemoe, momu abiale mu kühae, ikeghi Alhou no loji cheni. Maye aghauqo nguno alau nongu ye kishita ameküapu kelae!

Luke 12:28

Alu lo atsünibo ishi xüa no thoghiu ye nhüpe ami lo vesüveni keu thotsü Alhou no tucho cheni aye, Pa ye tinguno alau khijeta nongu kuphulu nani kela, O nongu aküpülü tülalo keqo!

Luke 4:18

“Ampeu Ghungu no I shou ani, kumlhomi lau asütsa kivi sheshu penike Pa no I nukishe. Pa no I puwu keu ye akughumi lau khakiqhi sheshu; anhechemi lau ithukulu tsü; nedaqodape akemi kuqhophe;

John 3:34

Alhou no khuu puwu keno pa no Alhou tsa pesü pike, kughengu Alhou no Pa Ghungu kupukuno shi pa tsüe.

Apostolmi 1:2

pa no kishelu kemi Apostolmi lau Aghungu Kimthe vecheo azah tsüve kethiu, kungugha lo pa saikuve keu tsala kutolo.

Apostolmi 10:38

Alhou no Aghungu Kimthe eno aküka pesü Nazarethmi Jisü nukishe. Alhou no pa gholo ake ghenguno pa no aqha kümtsü lo wuno akivi kümla shi eno tüghami no qhasüpe akeqo kümtsü shipivi tsüe.

Apostolmi 14:15

“Timiqo, nongu ye kushiye hipaqo shi ani kea? Nikujo ghi nongu toi timi, eno nongu lau atsakiviu süghi ani, tishianguno nongu pelo hi adou thime lono tsüghüsü aküxüpu Lhou khuu atsütsü, ayeghi, azüghi eno tile akeu kümtsü lho keno, Pa lau ighi peniye ke.

Apostolmi 15:9

eno aküpülü vecheo pano mlo shikimthe tsüno ningu ngo panongu dolo kiumu kothakile keu shitsü moe.

Rommi 1:20

Kughengu ayeghiqha lhoke lono Alhouw ithukümla lho, ti ye Paw lhokta küka eno akimthe lhoaye, huye pulhosü keu thimeqo lono mtsümishei ithikuthulu ighivae. Ikehu panongu ye ajeku kiumu kühavae.

Rommi 1:4

kemu Pa lolo akimthe nguagha akeu kiqilou ye Pa no akithi lono xüthughive keu vecheo aküka lo akeu Alhou Nu shi penike shuphetsü keno, ni Mpeu Jisü Khristo ghili huke.

Rommi 11:12

Imaye pano kipimi no ayeghiqha kümghapu shilu, eno pano kutokumo no Jewkumomi kümghapu shilu aye, Israelmi kümtsü kihisü luveni keloye tinguno alau khije ta akümghapu shinani kelae!

Rommi 11:24

Kughengu nongu ye aghalo olive sübo lono michepe alhoaye veche ghi chiphe luve keu sübo gholo kime püaghi aye, alho lono acheghi keu loka hipaqo ye tinguno alau kishi inahuu-alo kimevetsü nani kelae!

Rommi 6:13

Nongu phiau pesü axine lo tsüve ghi amikuchokumo ghenguno peitha kevilo, ikemu akithi lono aküxü lo süghive kemi toi Alhou lau nongu küxü ikhiphe tsülo, eno nongu phiau pesü amikucho ghenguno peitha penike tsülo.

Rommi 6:22

Ikemu itehi nongu ye axine lono kuqhophe pe Alhou qüaxemi shive akehu nongu küxü ikhiphe pe akimthepu lo tsülu keu huno nongu la ke, eno tipau shekuho ye lhokta küxü.

1 Kor. 15:45

Ishi yepüake toi: “Timi atüghüu Adam ye aküxüküa shi lhoke”; ikemu ashekhau Adam ye aküxüküa Ghungu ilhouve.

2 Kor. 5:21

Khristo ye axine kühae, ikemu ni ghenguno Pa pesü axine kughulhove tsü, tishianguno Pa küdau no ningu pelo Alhou chipiu mikuchomi shilu peniye ke.

2 Kor. 6:16

Alhou chineki ye ajulho sasü kiu lono pulokilelu kepu ani kea? Kughengu ningu ye aküxüpu Lhou chineki ke, ti ye Alhou no ishi pi ketoi, “I no panoqo gholo I kungoa shino pano gholo anani, I no panoqo Lhou shi nani, eno panongu no Iw timi shinani.

Galatiami 2:19

Kughengu Ayezah vehulo ni ye Ayezah vecheo thivae, tishianguno Alhou lau xülu niye ke.

Ephesiami 2:5

nino ni xine lo thi akeghi Khristo gholono aküxüpu kughulhove tsü—nongu ye küpükini lono xaluvae—

Ephesiami 5:2

Khristo no ningu kimiye no Pa ampi pesü Alhou lau axokütsüngü eno aghakishi kümllagho shi tsüve ketoi kikimiye lono xülo.

ZAKINIU 15:21

Ikemu lhoxü tino tukutiye aghi, apukhu kinita, anhethi iche, momu kiukiu tukutiye mu aghi aye, ti ye Ampeu nongu Lhou lau aghashi moni.

ZAKINIU 17:1

“Amshitsü ngo ambe tukutiye akeu pesü Ampeu nongu Lhou lau aghashi moni, kughengu ti ye Ampeu nongu Lhou zülo aphikümqhüpu ke.

ZAKINIU 31:27

Kughengu panongu ye kishi kuthovi eno hekibidemi keno, I no ithi ani. I no xüaphi lo thotsü nongu ye Ampeu hebide chenike I no thive kethiu ye kishita hebide nani kelae!

ZAKINIU 33:27

Lhokta Lhou no o kungo-a ke, Paw pülhapuju u no o puqhe acheni. Pa no o zülono o ghümi haphe no picheni, ‘Kütsave lo.’

ZAKINIU 5:26

Kughengu aküxüpu Lhou no ami lono pütsa keu chilu kelo, timi khuana xülu püani keshea?

1 Thes. 1:9

Kughengu nino nongu lau ighi kelo kishi nongu no ningu ikhilu, ajulho launo tsüghüsü aküxüpu eno kuchou Lhou qenike ighi,

1 Tim. 1:17

Lhokta Kükau, thimoniküau, ithukümla, Alhou Pa likhi akeu, Pa lau agigihu eno ajuküvü alhokuthu apelo! Amen.

1 Tim. 3:15

I no munuve kepu shinamu, nongu pelo Alhou kibo lo kishi mlaitha kepu keno ithi peniye ke; hi no aküxüpu Lhou kukuhou, kuchou tsükucho eno aboqha ke.

Titus 2:14

Khristo no kixikila kümla kümtsü lono ningu qhüchile lunike Pa küxü tsüve, eno akivi kümla shinike khelho chekemi pesü Pa mheghi shi shikimthe luve.

IBRIMI 1:3

Pa ye Alhouw phuphushi keu küvü yekibide ke, eno Alhou lhoaye aphiphishi xapu ani, Pa küka lono Atsa huno atsütsü ayeghi kümtsü puqhepe acheni. Axine shikimtheve tsü kethiu Pa ye akiqhe-a lo Akughushuu u ajeu iqave,

IBRIMI 10:10

Eno Jisü Khristo phimpi no ghuthu khavino akümllagho shive tsükeu vecheo Alhou pulou lono ningu shikimthe luvae.

IBRIMI 10:12

Ikemu kughou Khristo no axine ghenguno alhokuthu ghenguno pephe tsüve keno, pa no Alhou u ajeu iqave,

IBRIMI 10:2

Akümllami xine ghuthu khavino shikimtheve tsüke aye, panongu ye axine shipüa keu kümsüpu move no aghakishi kümtsü qhiveni cheke kumo?

IBRIMI 10:22

ningu kuchou mlo xapu tsaqüi keu küpülü qhini, alhoksa lotsü lono ningu mlo shikimtheve no azü kütsüghü pesü ni phimpi qhuve püzü Alhou kupunu wuni nolo.

IBRIMI 11:21

Aküpülü lono Jacob no thiuche kelo pa küsü kuchope Alhou mlla ghi Joseph nuli pama kümghatsü.

IBRIMI 13:12

Titoi Jisü ghi pa likhi pa ji vecheo timiqo shikimthe tsüniye khagho nguno khalau no pithive.

IBRIMI 3:12

Athiküzümiqo, nongu milakhi lolomu alhoksa eno pülükümla mlo xapu aghi no kutou aküxüpu Lhou launo ikiqive nosake kutokupui lo.

IBRIMI 6:1

Tighenguno ningu abothu lo Khristo ghili pekishe chekeqo nguno alau tekhoike küdau wuni nolo, akithi kümla lono xaidelu keu eno Alhou lau aküpülü belu keu boqha qhakithe moni,

IBRIMI 7:16

pa ye ayezah bekütha kiqi lono ajilo kiyighi chineu kumoe, ikemu kütsave mlakeu küxü küka vecheo achineu shilue.

IBRIMI 7:27

Pa no ghuthu khavino kümtsü ghenguno pa ampi ikhiphe tsüve keke pa ye achinemi kütami toi atüghüshi pa xine ghenguno eno tithiu no timiqo ghenguno tsalakipe ghakishi shi akepu kühae.

IBRIMI 9:12

Pa ye anetsü ngo aneti ji pesü ilomoe, ikemu pa ampi ji pesü ghuthu khavino kümtsü ghenguno Shishe Akimthe-a lo ilo no lhokta xachile kulupu pesü ni tsüke.

IBRIMI 9:26

tishike aye ayeghi lhopheke pa ye ghuthu kutomo imeve aghini cheke. Ikemu tiqheli shekuho lono pa no ghuthu khavino kümtsü ghenguno pa ampi pesü aghashive keu vecheo axine peve tsüniye ipeghike.

IBRIMI 9:7

ikemu akiniu bocho loye achinetou likhino ampe lo ghuthu lakhi likhi iloche, tighi pa ampi ghenguno eno timiqo kümtha xine ghenguno aji pemo keloye ilo chemoe.

IBRIMI 9:9

(hi ye ishi tiqheli michipu ke). Hipau kikithi kiqilo agho ngo aghakishi ye akümllamiw kiviküsa lotsü shikütsüghüve tsümlae,

1 Peter 1:19

ikemu ambe tukutiye momu akuaye küha keu kimihi shi Khristo ji amekusho huno ke.

1 Peter 2:22

Pa ye axine kiumu shipüamoe, ti ke kumono akimki tsa mu Pa kichi lo shesülu püamoe.

1 Peter 2:24

Pa phimpi lono Pa ampi no ni xine xapu kros lo ikuve, tishianguno ningu pelo axine küdau ye thive no amikucho lono xülu peniye ke. Pa ghüzaku vecheo nongu shipivi luvae.

1 Peter 3:18

Kughengu Khristo ghi ni xine ghenguno ghuthu lakhi imeve, ningu sasü Alhou lau ighi niye amikuchou no amikucho kumomi ghenguno imeve, ashi küdau ye pithive kemu aghungu lono xüputhuve,

1 Peter 4:2

tishianguno ashi phimpi xapu xüake tivilo pitipüza keu xine lono kumono Alhou pulou lono xüniye ke.

1 John 1:7

Ikemu Pa no aküvü lo ache ketoi ningu ghi aküvü lo cheche aye, ningu ye lakhino lakhi sasü kuposhulu ani eno Pa Nu Jisü ji no axine kümtsü launo ningu shikimthe tsülu ani.

1 John 3:5

Nongu no ithi anike Jisü ye axine süwuve tsüniye ighi ke, eno Pa küdau ye axine kiumu kühae.

Piyeküsü 1:5

eno pükhükulupu thopiu, akithi lono xüputhu tüghüu, ayeghi lo kükami shou Yepeu, Jisü Khristo launo ighikeu pesü nongu tsü ani. Khuu no ningu kimiye cheni, eno Pa ji vecheo axine lono ningu kuqhophepe

SAMUEL ATUGHIU 17:26

David no pa phivilo akemi vilo pi, “Philistiami hipau pithive no Israelmi launo thokügha ikhive tsükeu lau kiu shitsü nani pi kea? Kughengu aphighü ghamo kemi Philistiami hipau ye khuue pi aküxüpu Lhou ghüshimi khüni kea?”