IBRIMI 8:11 - Sumi Naga CL (Re-edited) Bible (BSI)

¹¹ Panongu khumu pano küsau momu pano thiküzümi vilo, ‘Ampeu ithilo’ ipimo nani, kughengu panongu gholo akitilau lono akijeu kutolo kümtsü no Ni ithi nani.

BAIBEL (BSI)

¹¹ Eno panongu lakhi nomu pano kusau vilo, momu pano likhi pano timi vilo, ‘Ampeu ithilo’ ipi shikakilemo nani. Kughengu panongu gholo akuamighiu lono iku akijeu akushuu kutolo kumtsuno ni ithi nani.

Sümi Tiqhelimi Bible

¹¹ Panongu ye panongu kisüghümi shikamove nani momu panongu lakhi no lakhi vilo, ‘Ampeu ithilo,’ ipi pimove nani, kughengu panongu kümtsü no ni ithive nani, tiye panongu dolo akuchunumi lono akuchuqumi kutólo ni ithive nani.

IBRIMI 8:11 Iomraidhean Croise

YEKIKITHI ATUGHIU 28:9

“I nu Solomon, amlo kümtsü süno puloniqhiyi keu kükümsü xapu o pu Lhou ithilo, kughengu Ampeu no timi mlo lheju no alolo kughu eno kümsüpu akeu kümtsü ithi achenie. Nono Pa phuju aye phulu nani, ikemu nono Pa qhive aye Pa ghi alhokupuju ghenguno o qhive nani.

YEKIKITHI AKINIU 30:22

Levimi no shitsa shi Ampeu huthuke ghenguno Hezekiah no panoqo shikumto tsü. Panongu no atsala tsüni aghulhu shi, külakishi kümllagho tsü eno Ampeu pano puasü Lhou shikimthi tsüe.

EZRA 7:25

“Eno no, Ezra ye o Lhou lokütsü o lolo akeu kiqi lono yepemi eno xaküthami süküsü shino panoqo pelo Aghoki Kukuu phughi lo timiqow xaküthami shipelo, ti ye o Lhou yezah ithi akemi. Eno panongu no ithi aghimo aye nono shikani.

ISAIAH 2:3

ashiaye jelino ighi no pi nani: “Ighilo, ningu Ampeuw naghuto lo iqhoni, Israel Lhou kilo wuni, tileno Pa no Pa laghiqo ni shika peni, tishianguno nino tipau lo checheni.” Kughengu Ayezah ye Zion lono ipeghi nani, eno Jerusalem lono Ampeu tsa ipeghi nani.

ISAIAH 54:13

O tianuli kümtsü Ampeu no shika nani, eno o tianuli lau alakishi shishe kije tsü nani.

JEREMIYA 24:7

I no panoqo pelo Ni ye Ampeu kepi ithi kepu mlo panongu tsünani, tishino panongu no Iw timi shi eno I no panongu Lhou shi nani, kughengu panongu ye amlo kuchopu no I lau xaide ighi nanie.

JEREMIYA 31:34

Khunomu pa kisüghüu vilo eno pa thiküzüu vilo, ‘Ampeu ithilo,’ ipi moae, kughengu panongu dolo akitilau lono akijeu kutolo kümtsü no Ni ithi nani, ipi Ampeu no sheshu. I no panoqo kipimi qhivetsü nani, eno Ni ye panongu xine kümsüchilelu tsümo nani.”

JEREMIYA 42:1

Tileno ghüshimi shou zatsümi, Kareah nu Johanan ngo Hoshaiah nu Jezaniah, eno timi kijemi kitilami kümtsü no hekütsüpe ighi no,

JEREMIYA 42:8

Ikehu pa no Johanan ngo ghüshimi sakiphemi eno kijemi kitilami kümtsü kukumqo,

JEREMIYA 44:12

Judah lo ghükulumi khunoqo Egypt lo wuno tilau xüuveni shi ani keno, kümtsü kütsave nani. Egypt yeghi lono panongu ye azütakikihi ngo püqümiye lono ikiqive nani. Kijemi kitilami kümtsü azütakikihi momu püqümiye lono thive nani, eno panongu je pesü akumou shoqhi lo peitha nani, pano jukichi nani, eno müsüini cheqhi nani.

JEREMIYA 6:13

“Aghulou lono akijeu kutolo achipi kumo lono ala shicheni, tungkupu lono achineu kutolo, kümtsü no pishiqhi cheni.

EZEKEL 34:30

Panongu no Ni ye Ampeu panoqo Lhou kepi ithi nani eno Israel kibolomi ye Iw timi kepi ithi nani, Ampeu Alhou no asheshu.

HABAKUK 2:14

Kughengu azü no azüghi pichhi püake toi Ampeu juküvüpu kighithi no ayeghi shepichhi nani.

John 6:45

Tungkupmi kaku lo ishi yepüani, ‘Panongu kümtsü Alhou no shika nani.’ Apu tsa chilu no Pa launo shikalu keqo kümtsü I lau ighi cheni.

Apostolmi 8:10

Aghulou lono akiqheu kutolo pa ikhilu no piche, “Timi hipau ye Alhou küka Kije ipi chekeu ani.”

1 John 2:27

Ikemu Khristo launo Aghungu Kimthew nukikishe ithulu keu huno nongu lolo ani kehu nongu ye khuana pelo shikape kepu vehu kiumu kühae. Ikehu azüu no nongu shikave ketoi Pa Ghungu Kimthe no thokha pesü nongu shika kelo ti ye kuchou kethono kichileu kumo ke—Pa lau kimepe achelo.

1 John 5:20

Ningu no ithi akeu ye Alhou Nu no ighi püzü vethakulu pesü ningu tsü püani, tishianguno Khuu no kuchou keno ningu no ithi peniye ke, eno ningu ye Khuu no kuchou keno Pa lau, Pa Nu Jisü Khristo lau kimepe anie. Pa ye kuchou Lhou eno lhokta küxüe.