IBRIMI 7:28 - Sumi Naga CL (Re-edited) Bible (BSI)

²⁸ Ayezah no miqemlei kemi pesü achinetomi shi penike süsü cheni, ikemu Alhou shoqhi tsa, khikhi Ayezah thiuno ighi keno, tino alholo ghenguno Anu kupukülai keu süsüke.

BAIBEL (BSI)

²⁸ Muse yezah no miqemileyikemi pelo achinetomi shipenikeu susu cheni; ikemu Alhou shoqhitsa, ti ayezah thiuno ighikeu huno kupukulu Anu hu alhokupuju ghenguno susulue.

Sümi Tiqhelimi Bible

²⁸ Kughengu ayeza ye miqemilei kemi timiqo kümtsü pelo achinetomiqo shou atou shipe nike süküsü shi cheni; ikemu ashoqhi khikhi ayeza thiu no ighi keno, tino Anu khuu alhokupuju ghenguno kupukülai shipe qhivea keno pa süküsü shike.

IBRIMI 7:28 Iomraidhean Croise

LESHELE 110:4

Ampeu no tushoqhivae Pa kükümsü kilivemo nani, “No ye Melchizedek kikithi lono alhokupuju achineu ke.”

ACHINE 4:3

momu nukisheve keu chineu no axine shive no timi mlo lo akipimi süghi aghi aye, pa ye pa kipimi ghenguno amshitsü lhothe tukutiye kühakeu pesü Ampeu lau axine kümllagho tsüni.

Luke 13:32

Pa no panoqo vilo pi, “Wuno ti anengu vilo pilo, ‘Julo, ni ye ishi ngo thoghiu tüghami haphe eno timiqo shipivi ani cheni, eno aküthüni ye I kümla ashehove nani.

John 19:30

Jisü no akiqhi ji mqaluve no pi, “Hi no kishekhavae.” Eno pa kütsü ihoiqive no thive.

IBRIMI 1:2

ikemu hi ashekha ghuloki loye Pa no khuu vecheo ayeghiqha pulhosü no thime kümtsü shou amheghi kiyighiu shi peniye kishephe keno, Pa Nu vecheo ningu pütsae.

IBRIMI 2:10

Kughengu pa ghime vecheo anuli kutomo ajuküvüpu lo süghilu keu lo Alhou khuu vecheo thime kümtsü acheni keno Pa no Jisü pelo xakulupu la lo amiheu shilupe keu ye achipilo ke.

IBRIMI 2:17

Tighenguno pa ye thokha jeli lono pa thiküzümiqo kimihi shi masave, tishianguno Alhou kümlapu lo pa ye kimiyeqhiyi keu eno pükhükulupu chinetou lakhi shi püzü timiqo xine ghenguno alashitsü peniye ke.

IBRIMI 3:1

Tighenguno, küpülümi athiküzümiqo, nongu khunono kungugha saje kulumi shive akeno, apostol eno achinetou Jisü, niw pikiphe küpülü lau jupukulo,

IBRIMI 3:6

ikemu Khristo ye Anu lakhi shi Alhou kibo shou pükhükulupu shike. Eno tsala ningu no mtotoi niw lajupu lo amlo kuloghi shi aye ningu ye Alhou kike.

IBRIMI 4:14

Tishi aye ningu ye achinetou akijeu, khuu kungugha lo ani keno, Alhou Nu Jisü hu ani keke ningu niw pikiphe küpülü mtotoi tsüqü peni nolo.

IBRIMI 5:5

Tihutoi Khristo ghi achinetou shi penike pa ampi süqheke kumoe, ikemu Alhou khuu no hipa tsa pi keno, Pa no Khristo kishelu ke, “No ye I Nu, ishi tsala lono I no o Pu shiluvae.”

IBRIMI 7:21

ikemu Jisü ye Alhou no pa vilo ishi pikeu vecheo ashoqhi shino achineu shilu, “Ampeu no tushoqhivae, Pa ye Pa kükümsü kilivemo nani, ‘No ye alholo achineue.’”

IBRIMI 7:24

ikemu Jisü ye alholo acheni kehu paw achine kümla ye ishokibe acheni.

IBRIMI 7:3

Pa ye apuaza küha, alagha kughuko küha, pa küxü bothu eno ashekha küha, ikemu Alhou Nu kimihi shi pa ye alholo achineu ke.