IBRIMI 7:19 - Sumi Naga CL (Re-edited) Bible (BSI)

¹⁹ (kughengu Ayezah ye kiumu kupukülai tsü püamoe); ikemu ala halau ye lajupu akiviu kilethivae, tipau vecheo ningu ye Alhou kupunu wulu cheni.

BAIBEL (BSI)

¹⁹ Kughengu Ayezahno kiumu kupukulu shitsupe puamoe. Ikemu itehiye lajupu akiviu sailoghivae, tipau vechewo ninguno Alhou kupunu ighilu cheni.

Sümi Tiqhelimi Bible

¹⁹ (kughengu ayeza ye kiumu kupukülai shitsümo ke), eno lajupu akiviu lakhi kilethi tsüke, tipau vechewo ningu ye Alhou lau kupunú wu chenie.

IBRIMI 7:19 Iomraidhean Croise

LESHELE 73:28

Ikemu I ghengu ye Alhou phivilo ngolu keu pavie; ni ye Ampeu Alhou pesü Iw sükusho shivae, tishikeu lono I no O kümla ghili pini.

AKUMLO 3:57

I no O ku kelo Nono kupunu ighi no pi, ‘Msa kevilo!’

John 1:17

Kughengu Ayezah ye Moses vecheo tsüke, ikemu küpükini eno kuchou ye Jisü Khristo vecheo ighi.

John 14:6

Jisü no pa vilo pi, “Ni ye alaghi, kuchou eno aküxü ke, I veche moke loye khunomu Apu lau ighimlae.

Apostolmi 13:39

eno khikhi Moses Yezah no kuqho phemlave keno, pa vecheo pülülu kemi kümtsü tipaqo launo kuqho phevae.

Rommi 5:2

Pa vecheo ningu ye aküpülü lono Alhouw küpükini khipa shou ningu no itehi puthugho ani keno tighi ithulue, ikehu ningu ye Alhou juküvü küsajeni keu lakuju lo aloviqhiyi acheni.

Rommi 7:7

Tishi aye, ningu ye kiu pini kea? Ayezah no axine keo? Kiu gholau nomu kumoe! Ikeghi Ayezah ghenguno kumo aye ni ye axine ithimoni cheke. Kughengu Ayezah no, “Nongu ye jumine kevilo” ipimo keaye, ni ye jumine keu ye kiu keno ithimoni cheke.

Rommi 8:3

Ashi lhoaye no shikimqepe Ayezah no kiu shimlave keno Alhou no shive tsüae. Axine shipühave tsüniye Pa Nu kuchou pesü axine phimpi kimihi shi puwu keu vecheo Pa no timi lhoaye lo axine jeli kileve tsü,

Galatiami 2:16

ikeghi nino ithi akeu no timi lakhi ye Ayezah peluke lono kumono Jisü Khristo lau aküpülü akeu vecheo achipikalu cheni, ikehu Khristo lau aküpülü akeu vecheo achipikalu niye ningu no Ayezah shou kumono Khristo Jisü pülübe cheni, kughengu timi khumu Ayezah vecheo achipikalu monani.

Galatiami 3:21

Imaye Ayezah ye Alhouw pikiqhitsa bidelau keo? Khilemu kumoe! Kughengu aküxü ithulu peniye Ayezah tsü püaghi aye, Ayezah vecheo achipikaluni cheke.

Galatiami 3:24

Ikehu Khristo ighi mphi kutolo Ayezah no ningu ghaküsüu shiche, tishikeu lono ningu pelo aküpülü vecheo achipikalu peniye ke.

Ephesiami 3:12

pa laumi shikeu eno pa lau aküpülü akeu vecheo ningu ye ighümo no amlo kumtoshi Pa zülo wulu cheni.

Kolosiami 1:27

Alhou no panongu kishelu no Jewkumomi gholo ajuküvüpu kini kije pephe tsüke, ajuküvü lajupu huye Khristo nongu lolo akeu ke.

1 Tim. 1:1

Khristo Jisüw apostol Paul no, ni Xakuluu Alhou zakütsü eno niw lajupu Khristo Jisü vecheo,

IBRIMI 10:1

Ayezah ye thime kuchou akeqo kumono thime kivi ighi niye akeu julho keke, ti ampe atsütsü ishokibe aghakishi atho tsüche keu ye mlla niye kupunu ighi akemi pesü khilemu kupukülai tsümla nani.

IBRIMI 11:40

kughengu Alhou no ningu ghenguno kiukela akiviu kughupüa kehu ningu gholono panongu ghi kupukülailu peniye ke.

IBRIMI 11:6

Aküpülü küha keloye Alhou mlo kiqipu shimlae, kughengu khuu no Alhou lau ighini keno pa ye Alhou ye acheni eno Pa phu ighi kemi Pa no asaxü tsücheni kepi pülülu masae.

IBRIMI 3:6

ikemu Khristo ye Anu lakhi shi Alhou kibo shou pükhükulupu shike. Eno tsala ningu no mtotoi niw lajupu lo amlo kuloghi shi aye ningu ye Alhou kike.

IBRIMI 4:16

Tighenguno ningu amlo kumtoshi küpükini kükalakhü kupunu wuni nolo, tishianguno ningu no kimiyekini ithulu eno avehupu shive kelo küpükini phulu nani.

IBRIMI 6:18

tishianguno ala kinikujo lo Alhou ye akimkiu shivemla kehu ningu khunoqo no Pa ijeluve akeno mtotoi shi lajupu ni zülo qhitsü keu tsüqülu peniye ke.

IBRIMI 7:11

Levimi kümlapu vecheo kupukülailu cheghi aye (kughengu tipau chine qholono timiqo no Ayezah ithulu keke), kushiye Aaron gholau no ighikeu ipimo no Melchizedek gholau no itaghi achineu kütau ighikeu avehupu shive kea?

IBRIMI 7:20

Hi ye ashoqhi sümono shike kumoe. Kughengu püzüu achinemi shikelo ashoqhi lumono shiveche,

IBRIMI 7:25

Ikehu khunono pa vecheo Alhou lau ighini keno, pa ye tipaqo qhoi xakulupu shi nani, kughengu panoqo ghenguno Alhou lau qhüiniju tsünike pa ye alhokuthu xüacheni.

IBRIMI 8:6

Ikemu Khristo no lacheu shino puloshoqhi shikeu no akiviu keke pa kümlau no aqau kümlapu nguno shishe akighicheu shive, kughengu ti ye thime kivi piqhi keu shouno shike.

IBRIMI 9:9

(hi ye ishi tiqheli michipu ke). Hipau kikithi kiqilo agho ngo aghakishi ye akümllamiw kiviküsa lotsü shikütsüghüve tsümlae,

James 4:8

Alhou lau kupunu ighilo eno Pa no nongu kupunu ighi nani. Nongu axinemiqo, nongu u qhukimtheve lo, nongu amlo kini kupumiqo, nongu mlo shikütsüghüve lo.