IBRIMI 6:2 - Sumi Naga CL (Re-edited) Bible (BSI)

² baptizkishi ghili, au kibe, kithimi xüchilekulu, eno lhokta küghakütha pesü itaghi aboqha qhakithe moni.

BAIBEL (BSI)

² baptiz shilu keu, a-u kukumgha betsukeu, kithimi xuputhukeu eno lhokta kutolo kughatha bevekeu vehu ishi pesu itaghi aboqha qhakithe akepu kumoe.

IBRIMI 6:2 Iomraidhean Croise

YETSAPIU 12:14

Kughengu akivi na aküsa namu timi kümla kümtsü, tuqhou no mla püakeqo ghi, Alhou no küghakütha lo süghi nani.

ISAIAH 26:19

Ow timi thive keqo ye pano phimpi no xüthughive nani. Nongu ayeghimkhu lo akeqo, ithu alokivishi ale phelo! Kughengu O tsüzü ye inaqhe tsüzü, tino ayeghi vepüxüpe kithimi lau aküxüpu tsünanie.

DANIEL 12:2

Eno ayeghimkhu lo zü akemi kutomo ithughive nani, khami ye lhokta küxü lo eno khami ye akukujo ngo shekhaha küthakügha lo auve nani.

MATTHEW 28:19

Tighenguno wulo eno shiye kümtsü pesü I khopemi shitsülo, Apu jeku, Anu jeku, eno Aghungu Kimthe jeku panongu baptiz shitsülo,

MATTHEW 3:14

John no pa lakha ghi pi, “Nou no ni baptiz shitsü kelau thono no ye I lau ighi ani keshea?”

Mark 16:16

Khunono pülü no baptiz shiluni keno xaluve nani, ikemu pülümo keu ye kileqhive nani.

Mark 7:4

kughou panongu no alhikishia lono ideighini keno, panongu ye mitheve paghimo kelo chuchemoe. Hinguno alau ghi kütau ajukhu, ana-kulholi, azübohu, eno aghulhu lakhüqo qhukimthe keu khuaye, kutomo panoqo no pape chekeu ani.)

Mark 7:8

Nongu no Alhou zakütsü pheve no timi khuaye akhoto shi pape cheni.”

Luke 11:38

Pharisee huye Jisü no aghulhu shimphi lono atüghüshi azü lumo keu ithulupe ighono akümzave.

Luke 12:50

Ni ye baptiz lakhi shilu masa ani, eno ti kupuve moke kutolo I mlo no thoghü-thoghü a-a shimla no auvae!

Luke 14:14

tishikeu lono nou no akümghau shilu nani, kughengu panongu ye o tsüchile mla nani. Kughengu amikuchomi xüchilekulu tsala lono o tsüchile nani.”

Luke 3:16

John no kümtsü khochile pi, “I no azü pesü nongu baptiz shitsü ani, ikemu I nguno akumtou lakhi cheni, khuu pukhukuqho kighi mu ni ye kuqho küzüpu kumo keno, pa no Aghungu Kimthe eno ami pesü nongu baptiz shitsü nani.

John 1:33

Ni ampi ye Pa mtha ikemu khuu no I pelo azü pesü baptiz shipeniye puwu keno, Pa no I vilo pi, ‘Aghungu Kimthe no khuu shou iqighi no ngokeu nono ithulu keno, Pa no Aghungu Kimthe pesü baptiz shitsü nani.’

John 5:29

ipeghi nani, khunono akivi mla püaghini keno aküxüpu lo xüputhu nani, eno alhoksa mla püakeqo no küghakütha lo xüputhu nani.

Apostolmi 10:47

“Ningu shou ighike toi timi hipaqo shou ghi Aghungu Kimthe ighivae, panongu pesü azü lono baptiz shinike khuana no lakha lunani keshea?”

Apostolmi 13:3

Panongu no kümvü akighini shino pama shou au betsü no puwuve.

Apostolmi 16:15

Kughou li no abolomi sasü baptiz shiluve keno, li no ningu kusü no pi, “Nongu no ni ye Ampeu pükhükulupu shivae pi xathalu aghi aye, ighi no I kilo ngolo.” Li no ningu pütsaqhi luve.

Apostolmi 16:33

Eno tipaji atüqhüdo tipau lono pa no pama sawo pama philo azaku qhuve tsü, pa eno pa kibolomi kümtsü baptiz shiluve.

Apostolmi 17:18

Epicurus eno Stoic kükütsü papemi khami ghi pa sasü küptsae. Khami no pi, “Tsathipa hipau ye kiu pinishi ani kea?” Khamiu ye ishi pi, “Pa ye inami lhou ghili pianie mthae” —kughengu pa ye Jisü eno xüchilekulu ghili kütsü ae.

Apostolmi 2:38

Peter no panongu vilo pi, “Nongu xine qhivetsü kepushi xaideghi no Jisü Khristo je lono baptiz shilulo, eno nongu no Aghungu Kimthe gho ithulu nani.

Apostolmi 2:41

Ikehu khunoqo pa tsa ikhilu keno tipaqo baptiz shivetsü, eno tipani timi 3,000 kutolo panongu gholo kihisü luve.

Apostolmi 23:6

Kughou tile khami no Sadduceemi eno khami no Phariseemi shi akeu Paul no vethalu keno, pa no hoho lo sheshu, “Athiküzümiqo, ni ye Phariseemi, Phariseemi nuke. I no kithimi xüchilekulu shou lajupu akeu ghenguno atsa kükügha zülo puthugho ani.”

Apostolmi 24:15

Alhou khuu timi hipaqo no ikhilu cheni keno, Pa shou Iw lajupu achekeu ye amikuchomi ngo kixikilami kinikujo xüchilekulu anani.

Apostolmi 24:21

I no panongu zülo puthugho akelono ishi ighamku pikeu nguno kütau ye kiumu kühae: ‘Ishi tsala lo nongu zülo I tsa kügha akeu ye kithimi xüchilekulu vehu ghenguno ke.’”

Apostolmi 24:25

Pa no amikucho, alikhi aghasükulu, eno küghakütha chekeu vehu apasü shi lhewo kelo, Felix ye thüghüive no pi, “Hi no tave aghilo, kughou adokivi ithuluni keno I no o ku puwuni.”

Apostolmi 26:8

Alhou no kithimi xüputhu chekeu lo kushiye nongu khami ye mzaqhiyi kümsü ani kea?

Apostolmi 4:2

Panongu ye shishe amloide ae kughengu pama no Jisü vecheo kithimi xüchilekulu pesü timiqo shika eno sheshu ake.

Apostolmi 6:6

Timi hipaqo apostolmi zülo saghi, eno panongu no panoqo shou au beno inikhu tsü.

Rommi 2:16

I no atsakiviu pikülha chekeu kiqilo, kughou Alhou no Khristo Jisü vecheo timiw tuqhou jeli shou küghathabeni keno, tipa tsala lo hitoi shi nani.

1 Kor. 10:2

kümtsü no Moses pape khüngküsü ngo azüghi lono baptiz shi,

1 Kor. 12:13

Kughengu Aghungu lakhi lono ningu kümtsü aphimpi lakhi lo baptiz shisüe—Jewmi momu Greekmi na, aqüaxemi momu ghoshixümi namu—eno kümtsü pelo tipau Ghungu yelu peke.

2 Kor. 5:10

Kughengu ningu kümtsü Khristow küghakütha zülo puthugho masa nani, eno akivi na alhoksa namu pütüta no kiu mla püani keno tipau kiqi lono asaje ithulu nani.

FILIPIAMI 3:21

thokha kümtsü Pa qholo süghi lupe keu küka pesü pa no ni phimpi pesü pa juküvü phimpi toi kilive tsü nani.

Kolosiami 2:12

nongu ye baptiz shikeu lono pa gholo qhove, eno Alhou khuu akithi lono pa xüputhu keno, Pa küka kumto kümla lono nongu ghi aküpülü vecheo pa gholono xüputhuvae.

2 Tim. 2:18

Pama no xüchilekulu ye hechevae pi püzü kuchou laghi lono tsüghüsü wuvae. Tino timi khami küpülü shipüsa tsü ani.

IBRIMI 11:35

Totimiqo no pano bolomi akithi lono xüputhuve kemi ikhilue. Khami ye aküxü akiviu lo xüputhu peniye kuqhokiphe ghi milive no kijipüsa peke.

IBRIMI 9:10

ikemu kuchu-kusho eno qhukimthe keu khuaye likhie. Hipaqo ye akikili kithe ighi moke dolo aphimpi ghenguno bekütha yeqoke.

2 Peter 3:7

Ikemu Alhou tsa atho hipau no itehi akeu tsütsü yeghi ami lono pitiveni ke ghüpe püani, ti ye küghakütha tsala eno Alhou kümthami kütsani ke ghenguno qhipüani.