IBRIMI 6:10 - Sumi Naga CL (Re-edited) Bible (BSI)

¹⁰ Alhou ye achipiu kehu nongu no akümla eno kikimiye, Pa je lono küpülümi lau pephe püakeu eno itehi kutolo mu tishi akeu juzüvetsü nanike kumoe.

BAIBEL (BSI)

¹⁰ Alhou ye amikuchoke ghenguno nonguno mla akeu pa jelono pawu timiqo lau kikimiye pephepiye puakeu eno itehi kutolo titoi shiakeu paye kumsumavemo nani.

Sümi Tiqhelimi Bible

¹⁰ Alhou ye achipiu kumo shichemo ke; pa ye nongu kümlàqo eno nongu no paw timiqo kuphu keu eno tamo no kuphu akeu vechewo kikimiye pa pìyeve keu khilemu kümsümamo nani.

IBRIMI 6:10 Iomraidhean Croise

NEHEMIA 13:22

Tishino Sabbath tsala akimthe shi pini nike I no Levimi vilo pano shikimtheve eno wuno khaghoqo kheluve lo pi azah tsü. O Alhou hi ghengu ghi I kümsülu tsülo eno Ow iqemokeu kikimiye vecheo I pükhape qhitsülo.

NEHEMIA 13:31

I no asü kümllagho ngo amsüu xathi küma ghenguno kishekulu shi kutove tsü. O Alhou, akivi ghenguno I kümsülu tsülo.

NEHEMIA 5:19

O I Lhou, I no timi hipaqo ghenguno mla tsükeu I kivi kümsülu tsülo.

LESHELE 20:3

O kümllagho kümtsü Pa no kümsülu eno agigihu lono o kipti kümllagho ikhilutsü peniu!

IPEKULU 1:20

Ikehu Alhou no akivishi jukupunumi pama lau mlatsü, eno timiqo ye kughuko wove no ighono akumto shi thuwuve.

AHOLE 14:31

Kumlhomi nedaqoda kemi ye pa Lhoküsüu thogha ani, ikemu aveküsami tsü-jelu keu ye Ampeu gihu ani.

AHOLE 19:17

Ililai kumlhomi tsü-je kemi ye Ampeu püna ani, Pa no tipau ghenguno lochile nani.

YETSAPIU 11:1

O sho pesü azü lo vesüve lo, nono atsala kutomo thiuno ala pekütsülu nani.

JEREMIYA 18:20

Alhoksa pesü akivi lochile kepu keshea? Tishimu panongu ye I küxü ghenguno aqo chhuvae. I no panongu kivipu ghenguno, panongu launo O loghu tuchileve penike, O zülo puthugho no pi chekeu kümsülu tsülo.

JEREMIYA 31:16

Ampeu no ishi piani: “O küqa ghügha tavelo, eno o nhezü kipiji tavelo, kughengu o kümla jume ani, ipi Ampeu no sheshu, eno panongu ye aghümi yeghi lono ideighi nani.

MATTHEW 10:42

Khuu no I khopemie pikeu je lono azü kumko ajukhu lakhi pesü hipaqo gholo aghulou piyeni keno, kuchou no I no nongu vilo piani, pa ye kiu gholau nomu asaxü pühave monani.

MATTHEW 20:7

Panoqo no pa khochile, ‘Khunomu ajume ningu piqe nike ghaighi moe.’ Ikehu pa no pi, ‘Tishiaye nongu ghi atsailu lo hulo.’

MATTHEW 25:17

Titoi ghüka 2,000 ithulu keu ghi tipaqo pesü ghüka 2,000 ala kimje luve.

Mark 9:41

Kuchou no I no nongu vilo piani, nongu no Khristo laumike ghenguno khuu no azü ajukhu lakhimu nongu piyeni keno, pa saxü ye kiu gholau nomu pühave monani.

John 13:20

Kuchou no I no nongu vilo piani, khunono I no puwu keu ikhiluni keno ni ikhilu ani, eno khunono ni ikhiluni keno, I puwu keu ikhilu ani.”

Apostolmi 10:31

eno pi, ‘Cornelius, o kighini eno nono kumlhomi kuphu chekeu hu Alhou no ikhiluve tsüae.

Apostolmi 10:4

Pa no thüghüi kungumi juno pi, “Ampeu, kiu kea?” Kungumi huno pi, “O kighini eno nono kumlhomi kuphu chekeu ye kümsükulu kümllagho shi Alhou tovae.

Apostolmi 11:29

Ikehu akhopemi no pütüta no toluke qhemi Judea lo athiküzümi lau akukuphu tsünie pi xathalu.

Rommi 12:13

Küpülümi vehupu lo qhasü tsülo eno pütüta ki lo shoinami sasükinimi shilo.

2 Kor. 9:1

Ni ye küpülümi lau mla kepu vehu pesü nongu lau yekepu kühae,

Galatiami 5:13

Kughengu athiküzümiqo, nongu ye kuqhopheve keu küxü lo kuluvae. Ikemu nongu no ililaive keu dokivi pesü ashi pulou shi kevilo, ikemu kikimiye lono lakhino lakhi huthu kilelo.

Galatiami 5:6

Kughengu Khristo Jisü küdau ye aphighüyiko ghakeu na ghamo keu namu kihi amoe, ikemu kikimiye vecheo aküpülü lono mlakeu likhino ke.

Galatiami 6:10

Tishiaye ningu no ado kivi ithuluke kümtsü lo timi kümtsü lau akivi kümla shini, eno akhotoshi khunoqo aküpülü lo kibolomi shive akeno panongu lau mlani nolo.

ZAKINIU 32:4

“Pa ye Atuqu, Pa kümla ye kupukülai, Pa kümla kümtsü achipiu ke. Pükhübekulu eno akipimi kühakeu Lhou ke, achipiu eno amikucho ye Pa ke.

Kolosiami 3:17

Nongu no kiukiu mla namu, atsapi eno akümla lo Ampeu Jisü je lono Apu Alhou shikimthi ghi thokha shilo.

1 Thes. 1:3

ningu Papu Alhou zülo nongu küpülü kümla, kikimiye ghime, eno ni Mpeu Jisü Khristo lau iqemokeu lajupu akeu nino kümsülu cheni.

1 Tim. 6:18

Panongu ye akivi mla masae, akivi kümla lo nibonilei masa, tsükinimi shimasa eno küsajeni keu lo kutope khemasae.

2 Tim. 4:8

Hinguno hilau ye I ghenguno tokulu saxü amikucho kütsükuqho ani, ti ye achipiu xaküthau Ampeu no tipa Tsala lono I tsü nani, eno I likhi kumono pa ikighi kimiye chekemi kümtsü tsü nani.

IBRIMI 10:32

Ikemu wovekeu ghuloki lo nongu no aküvü ithuluve kethiu kishi kutuokutuu aghime kitikhi puqhe keno kümsü julo,

IBRIMI 13:16

Akivi mlani keu kughucho kevilo eno nongu no akeu pesü küsaje kilelo, kughengu titoike ghakishi no Alhou lopuke.

1 John 1:9

Ikemu ningu no ni xine pipheve aye, Pa ye pükhükulupu eno achipiu kehu ni xineqo qhivetsü no alhoksa kümla kümtsü launo ningu shikimthelu nani.