IBRIMI 4:11 - Sumi Naga CL (Re-edited) Bible (BSI)

¹¹ Tighenguno ningu tipau kulhokiqhi-a lo iloni ke pükapütsani nolo, tishianguno khunomu hekibidemi toi ikiqive pemonie.

BAIBEL (BSI)

¹¹ Tighenguno ninguye pukaputsa puzu alokughuno tipaulo iloni nolo, eno ningu gholo milakhimu panongu toi agholumokeu shiveno ilomlave nosake.

Sümi Tiqhelimi Bible

¹¹ Khiu pelomu panongu ghokulu kumo kiche-kipiye pape keu vechewo pühave pemo niye ke, tishianguno ningu ye akulhokiqhi-a tipau lo ilo nike thowkha lo pükapütsa ani nolo.

IBRIMI 4:11 Iomraidhean Croise

MATTHEW 11:12

Baptiz kishiu John ghuloki lono ishi kutolo kungugha yekipe ye alhoksa küka sasü küpüghü eno ngukangughami no ayeghi lo pano kumto pesü süxa luveni ke pükapütsa ighivae.

MATTHEW 7:13

“Kibikhoi keu khagho lono ilolo. Kughengu ililai keu khagho eno mlalei keu la ye kütsakungo keu lo sawuve cheni, eno kutomo no tipa laghi lono ilo cheni.

Luke 13:24

“Müamzü no mghüghüi keu hukikha lono iloni keu shilo. Kughengu I no piani, kutomo no ilo niye pükapütsa nani kemu shimla nani.

Luke 16:16

“John ghuloki kutolo Ayezah eno Tungkupu kakuqo pekishe sheshu ighi; tinguno tilau ye Alhou yekipe lo atsakiviu ghili sheshu ighi kelo kümtsü no tile ilo niye anguka shi shoxüsü cheni.

John 6:27

Pühave kepu chuqupu ghenguno kumono lhokta küxü kutolo akepu chuqupu, khikhi Timi Nu no nongu tsü nani keno, tipau ghenguno mlalo. Kughengu pa shou Apu no amchipu chishidavae.”

Apostolmi 26:19

“Tighenguno, O Akükau Agrippa, ni ye atsütsü lo kungunhetsü hebide püamoe.

Ephesiami 2:2

Ti ye hipa yeghi lo küxü la pape, amülhü lo aghawu küka pape, itehi hekibidemi nuli lau mla akeu ghawu pape chenipi

Ephesiami 5:6

Khunomu abokümsa tsa pesü nongu pishiqhipe kevilo, kughengu hipaqo ghenguno hebide kemi shou Alhou loghu ikughi cheni.

FILIPIAMI 2:12

Ikehu I no qhuivü chekeqo, nongu no alhokuthu agholu cheke toi, itehi ye I küalo likhino kumono I küküha lou no alau msaqhiyi eno khokhoshi pütüta xakulupu mlaphe lo,

Kolosiami 3:6

Hipaqo ghenguno Alhou loghu cheni.

Titus 1:16

Panongu no Alhou ithi anie picheni, ikemu pano kümla lono Pa milive cheni. Panongu ye aphikümqhüpu, hekibidemi, akümla kivi shikulupu qhemi kühae.

Titus 3:3

Kughengu ghuthu lakhi lo ningu ampi ghi mbomzü, aghelumo kemi, pishikiqhimi, eno ashiaji lo kimne jeli qemi shiche, eno timi kiphikumo, anhekushu lono kütami kimthipu eno lakhi no lakhi mithi keu lono ningu do puwovae.

IBRIMI 3:12

Athiküzümiqo, nongu milakhi lolomu alhoksa eno pülükümla mlo xapu aghi no kutou aküxüpu Lhou launo ikiqive nosake kutokupui lo.

IBRIMI 3:18

Eno ti hebideve kemi lau kumono Pa ye khunoqo vilo Pa kulhokiqhi-a lo ilolumo nanie pi kea?

IBRIMI 4:6

Ikehu khunoqo no püzüu atsakiviu ikhilu kemu hekibide ghenguno ilomlave keno tipaqo ngo timi khami tile iloni kemi aphi keke

IBRIMI 6:11

Eno nino kümsü pulo akeu ye nongu lakhikhi no ashekha kutolo mtsüqhei keu lajupu athoshi qhilu penishi ani,

JOSHUA 7:3

Eno panongu no Joshua lau ideighi no pi, “Timi kümtsü Ai lo iqhope kevilo, ikemu 2,000 momu 3,000 likhi puwu no leve pelo. Aghüshi penike ghüshimi kümtsü puwu kevilo kughengu panongu ye aghulo likhi ani.”

2 Peter 2:6

tsala Sodom ngo Gomorrah phughiqo pesü ayevu kughulhove tsükeu lono panoqo püghavetsü, eno pano pesü Alhou kümthami lau kiu ighi nani keno kichekipiye shi püaghi aye;