IBRIMI 2:4 - Sumi Naga CL (Re-edited) Bible (BSI)

⁴ Alhou ghi amchipu eno akümzapu, mzamghalei keu jeli eno Pa pulou kiqi lono küsaje tsükeu Aghungu Kimthe gho vecheo ashepe shiküqha tsüke.

BAIBEL (BSI)

⁴ Tipamtsa Alhou ghi amchipu ngo akumzapu eno akichiqhipu jeli shikeu vechewo panoqo gholo ashepe shi kuqhatsuke. Pano Aghungu Kimthe launo tsukeugho ghi pa pulou kiqi lono kusajetsuke.

Sümi Tiqhelimi Bible

⁴ Alhou ghí xakulu hu ye amichipu, akichiqhipu, eno akümzapu kümlà jeliqo eno pa pulou kiqi lono kijé tsü keu Aghungu Kimthe ghòqo vechewo thopi shitsü ke.

IBRIMI 2:4 Iomraidhean Croise

DANIEL 4:35

ayeghi lo küxümi ye kiumu kumo keu shi kihi acheni, Pa no Pa pulou kiqi lono kungugha lo aqokitikhi gholo eno ayeghi lo küxümi gholo mla cheni; eno khumu Pa u lakhave mla momu Pa vilo, “No ye kiu shive akea? ipive mlae.”

Mark 16:20

Tithiu akhopemi no ashou akuaqha kümtsü lo sheshu wu, eno Ampeu no panoqo gholo mla eno amchipuqo vecheo atsape ye kuchoue pi alau iqhikumto tsüe.]]

Mark 6:14

Tipa ghuloki lo Jisü je ye aqha no ithi khave kehu akükau Herod ghi chiluve. Ikemu khami no pa ghili ishi pi, “Baptiz kishiu John ye akithi lono xüputhuvae, tighenguno akümzapu küka hipaqo no pa lolo mla ani.”

John 15:26

“Ikemu kughou I no Apu launo puwu keu Akukuphuu ighini keno, Kuchou Ghungu, Apu launo ipeghi keu, huno I shepe shitsü nani.

John 4:48

Jisü no pa vilo pi, “Nongu no amchipu eno akümzapu ithumla ke kutolo nongu ye pülümo nanie.”

Apostolmi 14:3

Ikehu pama no tile ado kushuo ngono Ampeu ghenguno mtotoi paw küpükini tsa pesü thopi shi, eno amchipu ngo akümzapu kümlaqo shie.

Apostolmi 4:10

Nazarethmi Jisü Khristo, khuu nongu no yedave kemu Alhou no akithi lono xüputhuve keno, pa je vecheo timi hipau ye vithai nongu zülo puthugho ani kepi nongu eno Israelmi kümtsü no ithilo.

Apostolmi 5:32

Ningu ye thime hipaqo thopimi ke, eno Alhou no Pa gholu kemi lau tsükeu Aghungu Kimthe ghi thopimi ke.”

Ephesiami 1:5

Pa no ningu pesü anuli shi saluve niye Pa kupulo kimji kiqi lono azünatha Jisü Khristo vecheo ningu kishelu,

Ephesiami 1:9

Paw tuqhou kukughu khikhi Khristo vecheo kimshitsü keno Pa no ningu lau kilethi tsüke.

Ephesiami 4:7

Ikemu Khristow kümsagho qhemi lono Alhouw küpükini ningu lakhikhi lau tsüpüani.

IBRIMI 6:4

Kughengu kushokütsüpu lakhi akeu ye, khunono ghuthu lakhi lo Alhou küvü lo ache, kungugha gho michelu, Aghungu Kimthe gho küsajelu,