IBRIMI 2:3 - Sumi Naga CL (Re-edited) Bible (BSI)

³ xakulupu kije hikithipu kughuchove aye, kishino ningu ye poluni kea? Ampeu no atüghüshi hi sheshue, eno tithiu khunoqo no chilu keno panongu no ni vilo mtsüqhei shitsüe.

BAIBEL (BSI)

³ Tishiaye, ninguno xakulupu kije hikithipu kughuchove aye ninguye kishipuzu polu nani kya? Ampeu pa ampino atughushi xakulupu hipau pesu asheshuke eno tipashelo khunoqono pa launo chilukeno tipaqono nivilo tipau huye kuchou kepi mutsu qheyi shive tsuae.

Sümi Tiqhelimi Bible

³ tsalá ningu no xakulu kijè hikithipu phimo aye ningu ye kíshi no pokajolu nani kea? Xakulu hipau khikhi Ampeu no atüghishi shuphe keno tiye timi khunoqo pa tsa chilu keno panongu no ningu lau ithitoi shitsü ke.

IBRIMI 2:3 Iomraidhean Croise

ISAIAH 12:2

“Alhou ye I xakuluu; I no msa mono Pa pükhüni; kughengu Ampeu Alhou ye I kumtou eno I le ke, eno Pa no I xakuluu shivae.”

ISAIAH 20:6

Tipa tsalani azüghimkü lo küami no ishi pi nani, ‘Nino khuno pükhüpe Assyria kükau launo xaphe peniye akukuphu khuwu chekeno, tipaqo lau kiu shive akeno julo! Imaye, ninguu ye kishino poluni kea?’”

ISAIAH 51:5

Iw achipiu-mikucho ye kupunu ighi nani, eno I launo xakulupu ipevae, Ni ampi no timiqo shou xathabe nani; azüghimkü lo akeqo no Ni ighini keu khe ani; eno panoqo xalu penike panongu ye lajuqhiyi I khe ani.

ISAIAH 51:8

Kughengu apila no aphimini toi panongu tsave nani, eno aninga no asüpha chukeshi panongu chuve nani, ikemu Iw achipiu-mikucho ye alholo ache nani, eno Iw xakulupu ye tiqheli kupuju lo ache nani.”

ISAIAH 62:11

Julo, Ampeu no ayeghi shekha kuto sheshuvae, Zion ngaqo vilo pilo, “Julo nonguw xakuluu ye cheni, julo, Pa no asaxü pecheni, eno Pa no xaphe luve kemi no Pa züu shino cheni.”

EZEKEL 17:15

Ikemu pa no hebide no paw lashikami Egypt lo puwu, tishino panongu pelo khurshi ngo ghüshimi kutomo pa tsü peniye shike. Pa ye tolu nani keshea? Thime hitoi keu shiche kemi ye pokalu nani keshea? Pa ye visho kubove no pokalu nani keshea?

EZEKEL 17:18

Pa no visho kubove keu lono ashoqhi thoghave kehu julo, pa no pa u pesü thime hi kümtsü shivae; pa ye poka lumo nani.

MATTHEW 23:33

Nongu apighiqo, eno apighitiqo, Ami lo iloni keu ghime lono nongu ye kishi poluni kea?

MATTHEW 4:17

Hipa ghuloki lono huthusü Jisü no ishi kütsü thuve, “Xaidelo, kughengu kungugha yekipe ye kunupu khoivae.”

Mark 1:14

John kügha luve kethiu Jisü no Alhou tsakiviu pesü Galilee lo asheshu ighi,

Luke 1:2

ti ye hukuthu lono thopimi eno Atsa sheshumi no ningu lau pikiye süghitsü keu pasü lono ke.

Luke 1:69

Pa no ni ghenguno Pa qeu David lagha lono timiqo xaluni keu kibo süqheve tsüae,

Luke 24:19

Pa no pi, “Kiu kea?” Pama no khochile, “Nazarethmi lakhi khuu tungkupmi shi ache keno Alhou eno timiqo zülo akümla atsapi lo aküka kumto pephe chekeu Jisü vehu pi anike.

John 15:27

Eno nongu ghi thopi shitsü nani, kughengu nongu ye abothu lono I gholo acheae.”

Apostolmi 1:22

John no baptiz shitsü kelono ningu launo pa saikuve ke kutolo ni gholo chekeno, tipaqo dolo lakhi pesü ni gholo paw xüchilekulu thopimi shi masave.”

Apostolmi 2:22

“Israelmiqo, atsa hipaqo inilo, Alhou no Nazarethmi Jisü nongu lau kophe tsüno pa vecheo aküka kumto, akümzapu eno amchipu kümla shikeu nongu ampi no ithi ani.

Apostolmi 4:12

Xakulupu ye khuu lau nomu ithumla nani, kughengu ningu xaluni ke atsütsü qholo aje hinguno kütau timiqo lau tsü püamoe.”

Rommi 11:14

tishianguno kishikela shimu niw timi Jewmi nhekushupu shino tipau lono khami likhimu xalu niye ke.

Rommi 2:3

Imaye, no khuu hikithipu shiche pülaghi kütami shou küghathabe acheni keno, no ye Alhouw küghakütha lono pokalu nani küghashi anio?

1 Kor. 1:21

Kughengu Alhou lokütsü kiqilo ayeghilomi no Alhou ithimo keke niw mbomzü kükütsü vecheo khunono pülülu keno tipaqo xalu keu no Alhou lopu shilue.

1 Thes. 5:3

Timiqo no, “Iqüghai eno sükusho ani,” ipi ake lono totimi no apunu küsü ighive ketoi züleno pano shou kütsakungo ighi nani, eno panongu ye poka mlave nani.

1 Tim. 1:15

Hi ye pükhübekulupu eno ikhikulupu tsae: Khristo Jisü no axinemi xalu nike ayeghi lo ighikeu gholo ni ye axinemi kümtsü nguno alhoksau ke.

Titus 2:11

Kughengu Alhouw küpükini ye timi kümtsü xakulupu ghenguno ipeghivae,

IBRIMI 1:1

Khaghi ghuloki lo Alhou no tungkupmi vecheo ala jeli kütüta lono ghuthu kutomo ni puasüqo pütsache,

IBRIMI 1:14

Panongu ye kümtsü aghinimi shi xakulupu ithulu niye akemi huthu peniye puwu püanike kumo keshea?

IBRIMI 1:2

ikemu hi ashekha ghuloki loye Pa no khuu vecheo ayeghiqha pulhosü no thime kümtsü shou amheghi kiyighiu shi peniye kishephe keno, Pa Nu vecheo ningu pütsae.

IBRIMI 12:25

Khuu no pi ani keno pa tsa milive kevilo. Kughengu ayeghi lono kütüghü keu panongu no ini move kelo panongu ye pomlave aye, kungugha lono kütüghü keu ningu no milive aye ningu ye kitilamu pokulupu kühae.

IBRIMI 4:1

Tighenguno Alhou kulhokiqhi-a lo iloni ke piqhi püakeu tüqhüdo lo ningu msaighüni nolo, tikumo aye kutou milakhi nomu ti tomlave nosae.

IBRIMI 4:11

Tighenguno ningu tipau kulhokiqhi-a lo iloni ke pükapütsani nolo, tishianguno khunomu hekibidemi toi ikiqive pemonie.

IBRIMI 5:9

Pa pesü kupukülai shitsü kelo pa no pa gholu kemi kümtsü ghenguno lhokta xakulupu puki shive,

IBRIMI 9:28

Khristo ghi timi kutomo xine puluve tsünike ghuthu lakhi pa ampi pephe tsüve kethiu ghuthu akiniu ipeghi nani. Ti ye axine peve tsüniye kumono pa khekulho shi akeqo xalu nani.

1 John 1:1

Aküxüpu tsa khikhi abothu lono acheghi keu ningu no chilu, ni nhethi no ithulu, nino jupukulu eno ni u no buluve akeno, tipau vehu sheshu ani,

Jude 1:17

Ikemu kimiye chekeqo, nongu ye ni Mpeu Jisü Khristow apostolmi no pichhotsü keqo kümsüchile lulo.

Piyeküsü 7:10

eno asütsa vekipighi igha, “Xakulupu ye Khuu kükalakhü lo iqa ani keno, Pa eno Ambeti u lo anie!”