IBRIMI 2:17 - Sumi Naga CL (Re-edited) Bible (BSI)

¹⁷ Tighenguno pa ye thokha jeli lono pa thiküzümiqo kimihi shi masave, tishianguno Alhou kümlapu lo pa ye kimiyeqhiyi keu eno pükhükulupu chinetou lakhi shi püzü timiqo xine ghenguno alashitsü peniye ke.

BAIBEL (BSI)

¹⁷ Tighenguno paye thwokha jeli lono pa thikuzumiqo kimihi shimasaveke, tishianguno panoqo wu pukhubekulupu eno amlo ighiqhiyi keu achinetou lakhi shipuzu Alhou huthupeniyeke, tishilukeuno timiqo xine pevetsukulupu shiniyeke.

Sümi Tiqhelimi Bible

¹⁷ Hi ghenguno Jisü ye panongu toi shi moayesave eno thowkha jeli kümtsü lono timi hutoi moayesave ke, tishianguno pa ye Alhou qe akeu lo kimiyeqhiyi keu eno pükhükuluu achinetomiqo shou atou shilu peniye ke. Tisheno pa vechewo timi xinéqo ghenguno aghakishi shipe niye ke.

IBRIMI 2:17 Iomraidhean Croise

YEKIKITHI AKINIU 29:24

eno achinemi no tipaqo heqhi no aji pesü akümlla-khache lono axine kümllagho shi Israel ghenguno lokichile shi. Kughengu akükau no Israelmi kümtsü ghenguno akipti kümllagho ngo axine kümllagho shilopi azah tsüke.

ISAIAH 11:5

Achipiu-mikucho no pa pokha shino pükhükulu no paw chighichepu shinani.

EZEKEL 45:15

Axine peve tsünike ghenguno athi kümllagho, akipti kümllagho, külakishi kümllagho gholo Israel yeghi lo azü akeu-a lo atsüni mzachu chekeu ambe loji aqhe kini akelo lakhi pesü tsülo ipi Ampeu Alhou no asheshu.

EZEKEL 45:17

Israel laghamiw tiqhetini ghulhu kümtsü lo Sabbath, aqhi kithe eno aghulhu lo akipti kümllagho, athi kümllagho, atsaizü kümllagho kutope qhitsüni keu ye kükapuu kümlapu ke. Pa no axine kümllagho, athi kümllagho, akipti kümllagho, külakishi kümllagho, eno Israel laghami kümtsü züqhushi axine pevetsü penike akümllagho tsü chekeu ye pa no ikhiphetsü masae.

EZEKEL 45:20

Atsala akütsüniu lo khuana no shikipimi momu akümtha lono axine shive aye nongu no hitoi shino achineki ghenguno shikimthe keu shini.

DANIEL 9:24

“Ow timi eno ow akimthe mishighüna ghenguno hekibide tave, axine kishekhave, küsakügha ghenguno aghashilu, pülhapuju achipiu mikucho süghilu, kungunhetsü ngo tungkuptsa mekhave, eno shishe akimthe-a nukishelu peniye apinedo lhotsüni za tsüvae.

ACHINE 14:18

Pa umza lo thazü achili pesü timi hu kütsü lo sütsüni. Tishino achineu no pa ghenguno Ampeu zülo lochile tsüni.

ACHINE 16:16

Hitoi pa no Israelmi kimthe kumo eno pano xine kümtsü ghenguno Akimthe-a shikimtheni. Kuposhukulu phiki khikhi panow mithekumo gholo ani keno tipau ghengu ghi hitoi shini.

ACHINE 6:30

Ikemu axine kümllagho ji kitilamu pesü lokichile shinike kuposhukulu phiki alou akimthe-a lo iloghi keu shi ye chumono ami lono pitiveni.

ACHINE 8:15

Pa no amishi heqhipe aji pesü akiptia kiboqo lo lesü no akiptia shikimthe, eno aji achili ye akiptia bophi lo leqhive no kishekimthe tsü.

AKIKIHI 15:25

Achineu no Israelmi qoaho kümtsü ghenguno lokichile ghakishi shini eno tithiu no panongu kipimi qhive tsüni, kughengu ti ye pimive keu kehu panongu no pano kipimi ghenguno achuqupu kümllagho ngo axine kümllagho pesü Ampeu lau süghive ake.

Rommi 15:17

Tishino Khristo Jisü gholono ni ye Alhou ghenguno I kümlapu lo akijivile lukepu ani.

Rommi 5:10

Kughengu nino Alhou ghümi shi ache kelo thotsü Pa Nu kithi vecheo ni pelo Alhou lau külashilu püaghipe aye, itehi ye nino külashi luve akeke itaghi alaushi Pa küxü vecheo ni xalu nani.

Ephesiami 2:16

eno kros vecheo ningu amqo kinikujo peküqhape aphimpi lakhi lono Alhou lau alupekili luve peniye, eno kimthikile chekeu kishekhave tsüniye ke.

Kolosiami 1:21

Nongu khunoqo ghuthu lakhi lo Alhou launo tüsümi shi aghümi shino alhoksa kümla shiche keno,

IBRIMI 10:21

eno ningu ye Alhou ki shou achineu akijeu ani kehu,

IBRIMI 2:11

Kughengu khuu no axine shikimthe cheni eno khunoqo no mithe luve cheni keno kümtsü akuhu aghü lakhi lono ke. Tighenguno pa ye panoqo vilo athiküzümie pini keu kujo chemoe,

IBRIMI 2:14

Ikehu atianuliqo no ashi eno aji xapu aketoi, pa ampi ghi panoqo kimihi shi thokha küsaje ke, tishianguno pa kithi vecheo tüghami khuu no akithi küka ache keno kütsave niye ke,

IBRIMI 2:16

Kughengu mtsüqheino pa ye kungumi kuphu chenike kumoe, ikemu Abraham polo kughukomi kuphu cheni.

IBRIMI 3:1

Tighenguno, küpülümi athiküzümiqo, nongu khunono kungugha saje kulumi shive akeno, apostol eno achinetou Jisü, niw pikiphe küpülü lau jupukulo,

IBRIMI 3:2

Moses no Alhou kibo lo pükhükulupu shike toi Jisü ghi pa süsü keu Lhou lau pükhükulupu shike.

IBRIMI 3:5

Moses ye aqemi lakhi shi hithiu piniye akeu tsalo thopi shi penike Alhou kibo lo pükhükulupu shike,

IBRIMI 4:14

Tishi aye ningu ye achinetou akijeu, khuu kungugha lo ani keno, Alhou Nu Jisü hu ani keke ningu niw pikiphe küpülü mtotoi tsüqü peni nolo.

IBRIMI 4:15

Kughengu ningu ye ni kutokumo vetha tsümlani keu chinetou anike kumoe, ikemu alaghi kümtsü lono ningu toi ghükeju kemu axine shipüamo keu chinetou anie.

IBRIMI 5:1

Kughengu timi no achinetou kishe keu thaqhü ye axine ghenguno timiqo züqhushi Alhou lau akümllagho ngo aghakishi tsü penike süsü cheni.

IBRIMI 5:10

ti ye Melchizedek ghola lono achinetou shi penike Alhou no aje kuvetsü.

IBRIMI 5:2

Achinetou ghi kupukümla kehu pa ye khunono aye kümthami eno ala ghüzümi keno tipaqo mtshaminhei tuchomjo cheni.

IBRIMI 5:5

Tihutoi Khristo ghi achinetou shi penike pa ampi süqheke kumoe, ikemu Alhou khuu no hipa tsa pi keno, Pa no Khristo kishelu ke, “No ye I Nu, ishi tsala lono I no o Pu shiluvae.”

IBRIMI 6:20

ti ye Melchizedek ghola lono alholo ghenguno achinetou shive keu Jisü huno ningu züqhushi azüuno ilove keu-a loke.

IBRIMI 7:26

Ningu no akimthe, tichetighe küha, tukutiye küha, axinemi launo kütüta shipe atsütsü nguno kunguu süqheve keu chinetou hitoike aghikeu ye achipie.

IBRIMI 7:28

Ayezah no miqemlei kemi pesü achinetomi shi penike süsü cheni, ikemu Alhou shoqhi tsa, khikhi Ayezah thiuno ighi keno, tino alholo ghenguno Anu kupukülai keu süsüke.

IBRIMI 8:1

Ningu no pi akeu tsa akhotou ye hike: ningu ye kungugha lo Kükanguagha lakhü ajeu iqa akeu chinetou hitoike ani,

IBRIMI 8:3

Achinetomi lakhikhi no akümllagho ngo aghakishi pesü mlla penike süsü püani; ikehu ni chinetou ghi kiuala pesü mlla kepu shive.

IBRIMI 9:11

Ikemu kughou Khristo no thime kivi akeqo ghenguno achinetou shi keno, pa no (au no shimo keu, ti ye pulhoküsü gholo kumokeu) phiki akijeu eno kupukülai keu lo iloe.