IBRIMI 13:9 - Sumi Naga CL (Re-edited) Bible (BSI)

⁹ Akükütsü jeli paküta keqo no saküghüzüve pekevilo, chine chini chuqupu khuaye no kumono Alhouw küpükini no amlo shikumtolu keu pavi; kughengu aye tipaqo peche kemi ye kiumu ala shi chemoe.

BAIBEL (BSI)

⁹ Kutau jeli kukutsu ngo muzamughaleyi keu kukutsu pelo muzuchoikeu la lono nongu sawuvepe kevilo, kughengu achuqupu-yeh papekeu lono kumo puzu Alhouw kupukinino ningu mlo shikumtolu kepu anike; khunono ayeh tipaqo pape chenikeno panoqo kuphulu chenike kumoe.

Sümi Tiqhelimi Bible

⁹ Akümza shiküka jeliqo pelo nongu zü sawuve pe kevilo. Küpükini no shikumto keu no ningu mlo ghenguno aloke, tiye chine-chini chuqu chu keu vechewo kumoe, khunoqo ti chu cheni keno panongu ghenguno kiumu alá küha ke.

IBRIMI 13:9 Iomraidhean Croise

LESHELE 112:8

Pa no pa ghümi shou tokulu shikeu ithulu moke kutolo pa ye iqüghai cheni; pa ye msave chemoe.

MATTHEW 24:24

Kughengu kichile Messiah ngo kichile tungkupmi ipeghi no kishekiphemiu ghi saküghüzüve nike amchipu ngo akümzapu kümla kije shi nani.

MATTHEW 24:4

Jisü no panoqo khochile, “Khuu pelomu nongu saküghüzü pemoni ke jukutolo.

Luke 5:38

Ikemu atsaiji kithe pesü ahughi kithe lo sümasae.

Apostolmi 20:30

eno nongu mqo lono akhopemi züluve nike atsa tuchighi kemi ipeghi nani.

Apostolmi 20:32

Itehi ye Alhou lau eno Paw küpükini tsa lo nongu kulhuqhi tsü ani, tino nongu xaqhelu nani eno Paw shiluve kemi gholo nongu mheghi ighilu penani.

Rommi 14:17

Kughengu Alhou yekipe ye chuqu-kusho vehuke kumoe, ikemu Aghungu Kimthe no tsükeu achipiu-mikucho, külakishi eno aloviqhiyi keu ke.

Rommi 14:2

Milakhi no pa ye kiu kiumu chulu nanie pi pülü aghiluvi, ikemu lakhiu miqemlei keu ye ayetsüni likhi chucheghi luvike.

Rommi 14:6

Khuu no atsala lakhi hu pini cheni keno Ampeu gigihu lono pini cheni. Thokha chuche keu ghi Alhou lau shikimthi tsücheni keke Ampeu gigihu lono chucheni, eno chuchemo keu ghi Alhou shikimthi püzü Ampeu gigihu lono chuchemoe.

1 Kor. 6:13

“Achuqupu ye akive ghenguno eno akive ye achuqupu ghenguno ke”—ikemu Alhou no tiküma gha kütsave nani. Aphimpi ye kipti-toti dolo mithekumo ghenguno kumoe, ikemu Ampeu ghenguno, eno Ampeu ye aphimpi ghenguno ke.

1 Kor. 8:8

Achuqupu no ningu pesü Alhou kupunu lumo nani. Nino chumoke ghenguno ningu no alhoksau ke kumoe, eno chuke ghenguno akiviu ke kumoe.

2 Kor. 1:21

Alhou no ningu eno nongu pesü Khristo gholo kütshükime lupe, Pa no ningu nukishe,

Galatiami 6:1

Athiküzümiqo, khuana no axine lo ikiqive aye, nongu aghungu lomi no mtshaminhei pa sachile saghilo. Nongu jukuto lo tikumo aye nongu ghi ghukuju lo ilove nosae.

Ephesiami 4:14

tishianguno ningu ye itikütüpa ghi pishikiqhi külü, amqükini, mqümgha kukughu jeli hipaqo mülhü no ningu fusasü izüichoi azüu huju eno athiu woju monani.

Ephesiami 5:6

Khunomu abokümsa tsa pesü nongu pishiqhipe kevilo, kughengu hipaqo ghenguno hebide kemi shou Alhou loghu ikughi cheni.

Kolosiami 2:4

I no hi pi akeu ye khuu pelomu kighekithi tsa pesü nongu pishiqhive pemonie.

2 Thes. 2:17

Pa no akümla eno atsa kivi pesü nongu mlo lokughuno tsüno shikumto tsü apeniu.

2 Thes. 2:2

atsa chikulu lono pina, aghungu momu akichi lo tsa, eno niw yesü kimihi lono pinamu Ampeu tsala ighivae pino pai amlo süküthü momu thüghüive kevilo.

1 Tim. 6:20

O Timothy, o pelo jukuto peniye tsüpüa keu, khekuto lo. Alhou sümokeu tsapi eno kumomu “akighithi” ipi no kighekile chekeu launo putosülo.

1 John 4:1

Kimiye chekemiqo, aghungu jeli kümtsü pülü kevilo, ikemu tipaqo ye Alhou launo kemo keno ithini ke chhejulo, kughengu ayeghiqha lo kichile tungkupmi kutomo ipeghivae

Jude 1:12

Hipaqo no ighümo no nongu gholo kuposhu kelo nonguw kikimiye ghulhu tichetighepu shivetsü ani, ambekhemi no panongu ampi loji aketoi; tsütsüghu küha keu khüngküsü amülhü no fupe chekeshi; tixi lo axathi pithimo keu sübo, akuhu lono nhüve no thi kitheve ketoi;

Jude 1:3

Kimiye chekeqo, ninguw aqü xakulupu akeu vehu yenishi kütü akemu Alhou no aküpülü khikhi ghuthu khavino küpülümi kümtsü lau tsü keno, tiu süsho penike ni ye nongu ghutu ghi ye masave.