IBRIMI 13:17 - Sumi Naga CL (Re-edited) Bible (BSI)

¹⁷ Now sakiphemi gholulo eno panongu qhoqhülo, kughengu pano ye Alhou lau kihikülai tsü nani kehu nongu küxü jukuto khe acheni. Pano pelo amlo samono aloviqhiyi mla pelo, tishimo aye nongu vehupu kiumu shimla nani.

BAIBEL (BSI)

¹⁷ Nongu sakiphemi gholulo eno panoqono pikeu qhoqhulo. Panongu kumla Alhou lau kihikulayi tsu nani kehu panonguye tamo puzu nongu kuxu jukutotsu achenike. Ikehu panongu pelo amlo saqhiyimono aloviqhiyi pano kumla shipelo, kughengu tishimoaye nongu vehupu kiumu shimlave nani.

Sümi Tiqhelimi Bible

¹⁷ Nonguw sakiphemiqo shou pülükibe alo eno panongu kükagha ghokulu shilo, kughengu panongu ye khunoqo no panongu kümlàw kihikülai tsü moayesa cheni keno tipaqo toi nongu shou jukuto acheni ke. Panongu kümlà ye amakho kimshi toimo no alokiqishi shilu penike ghenguno hipau shilo, kughengu tiye nongu ghenguno kiumu alá küha nani ke.

IBRIMI 13:17 Iomraidhean Croise

BOTHUBO 16:9

Ampeuw kungumi no li vilo pi, “O mpeliu lau idewolo eno li qhoqhülo.”

IPEKULU 32:31

Ikehu Moses no Ampeu lau ideighi no pi, “Aha, timi hipaqo ye axine kije shivae. Panongu ye pano ghenguno ameshoyi lhouqo mlavae.

AHOLE 5:13

I no Iw shikükami tsa ini move eno I kükütsümi tsa chilu move.

ISAIAH 62:6

O Jerusalem, o liwoqo lo, I no aghukhemi qhivae; putho pucho panongu ye khilemu inaqhoive mo nani. Nongu khunoqo Ampeu pelo kümsüchile anipe keno, akulhoqhi kevilo,

JEREMIYA 13:17

Ikemu nono inimo aye, o qheküza ghenguno I ngulho no tuqhou no qa nani; I nhethi lono kukhukimji shi anhezü ipeghi qa nani, kughengu AMPEUw timi loji ye akughu lo sawuveni ake.

EZEKEL 33:2

“Timi nu, ow timiqo pütsa no panoqo vilo pilo, Tsala I no ayeghi lo azütakikihi süghi aye, eno ayeghi lo timiqo no pano gholo milakhi pesü pano ghukheu shipe aye,

Luke 16:2

Ampeu no pa ku püzü pi, ‘I no hi o ghili chilu akeu ye kiu kea? No ye hekujuu shilumo akehu ow lo yekütsü püakeu eno thime jeli qhoi süghive lo.’

Apostolmi 20:28

Nongu ampi jukütsükiyi lo eno Aghungu Kimthe no nongu pesü khunoqo shou jukükütsümi shive akeno, aloji kümtsü jukuto lo. Alhou kukuhou kheu shilo, ti ye Pa no Pa ji pesü qhüluvae.

Rommi 14:12

Tishi aye, ningu kümtsü pütüta müzülo kihikülai pe Alhou tsü masa nani.

1 Kor. 16:16

timi hitoi keqo sakiphe pape eno pano gholo mlaküqha akemi ngo akukuphumi gholulo.

Ephesiami 5:21

eno lakhino lakhi lau Khristo gihu keu michishi qhoqhü kilelo.

FILIPIAMI 1:4

I kighini kümtsü lo ni ye alhokuthu nongu ghenguno alokivishi inikhu acheni,

FILIPIAMI 2:12

Ikehu I no qhuivü chekeqo, nongu no alhokuthu agholu cheke toi, itehi ye I küalo likhino kumono I küküha lou no alau msaqhiyi eno khokhoshi pütüta xakulupu mlaphe lo,

FILIPIAMI 2:16

nongu no mtotoi aküxüpu tsa tsüqülu keu lono ishilu nani, tishikeu lono Khristo Tsala lo ni ye adou lono po püamo momu ime püamo kepi I kijivilelu nani.

FILIPIAMI 2:29

Ikehu Ampeu lau juno aloviqhiyi pa ikhilulo, eno titoi kemi timi gihulo,

FILIPIAMI 3:18

Kughengu ni ye azüu ghi anguno pivae eno itehi ghi anhezü piji ghi pi anike timi kutomo no Khristow kros ghümi shi acheni.

FILIPIAMI 4:1

Tighenguno I thiküzümi khunoqo I no kimiye eno sasü kusho lunishi cheni keno, I lopivi eno I kijivile tsü chekeqo, Ampeu lau mtotoi puthugho lo, I no qhuivü chekeqo.

2 Thes. 3:14

Khuana no niw yesü hipau lo kiu piani keno agholumo aye, timi tipau jukimchipe qhilo, pa gholo kuloji kevilo, tishino pa pelo kujove pelo.

1 Tim. 5:17

Akukuho lo kichimi, akhoto no akükütsü eno shiküka lo ichheime chekeqo, khunono akivishi ayepe cheni keno, panongu ye ajume küghüsü no ithulu küzüe.

IBRIMI 13:24

Now sakiphemi ngo küpülümi kümtsü petha tsülo. Italy lono ighi kemi no petha nongu tsüpuwu ani.

IBRIMI 13:7

Now sakiphemi khunono Alhou tsa pesü nongu vilo piche keno tipaqo kümsü lulo. Pano xüghola kümsü kutoju no pano küpülü papelo.

James 4:7

Tighenguno nongu ampi pesü Alhou qhoqhülo. Tüghami mjochile lo eno pa ye nongu lau no pove nani.

1 Peter 5:5

Tihutoi, nongu khunono alhothe keno kichimi qhoqhülo. Kümtsü no lakhino lakhi huthuni ke aqhokighe nanu pepulo, kughengu “Alhou ye aqheküzami mjochile cheni, ikemu aqhokighemi lau küpükini tsü chenie.”

SAMUEL ATUGHIU 8:19

Ikemu timiqo no Samuel tsa milive no agholu move. Panongu no pi, “Moe! Akükau lakhi ningu shou anani,