IBRIMI 12:9 - Sumi Naga CL (Re-edited) Bible (BSI)

⁹ Itaghi, ayeghilo ningu papuqo no ni sakiyi qoputhu no nino panoqo qhoqhü cheni. Tishiaye, ningu ye tinguno alau anguaghalo Papu qhoqhü moni keshea?

BAIBEL (BSI)

⁹ Ike itaghi, ayeghilo nipunoqono nisakiyi qoputhu kelo ninguye panoqo qhoqhu acheni. Tishiaye, ninguye tinguno alaushi angu aghakupu Apu qhoqhu ghi xukepue.

Sümi Tiqhelimi Bible

⁹ Tinguno alau, ningu kümtsü ghasü chekeu ayeghi lo apù acheni, eno ghaküsü ghenguno ningu no panongu gihu cheni. Tishiaye ningu ye hinguno alau khijehi ninguw aghungu lo Apù lau aghokulu shi xü moayesa kea!

IBRIMI 12:9 Iomraidhean Croise

JOB 12:10

Aküxüküa thime kümtsü eno timi kümtsü tuthu ye Pa u lo ani.

IPEKULU 20:12

“O puaza gihulo, tishianguno Ampeu o Lhou no tsü akeu yeghi lo o tsala ye kushuo shilu nani.

AHOLE 30:17

Apu jukünatha eno aza thaigha chekeu nhethi ye akhila lo aghaqo no mighijo pewuve tsünani eno küzüva lhuquqo no chuve nani.

YETSAPIU 12:7

Ayeghimkhu no atüghü lo toi ayeghi lo idewove nani, eno aghungu no Alhou lau idewove nani.

ISAIAH 38:16

O Ampeu, timi ye O tsa eno O kümla vecheo xülu cheni, eno I küxü ghi hipau lo anie; I shiaji putho tsüno I püxü tsülo!

ISAIAH 42:5

Ampeu Alhou, atsütsü lhophe eno tipau sükhope qhikeu, ayeghi xakhope qhino tile aküxü kümtsü tsükeu; timi kümtsü atuthu tsü, eno aghungu pesü xüküami tsükeu huno ishi pi ani:

ISAIAH 45:10

Timi khuu no papu vilo, ‘No ye kushiye ishi I lho kea?’ momu aza vilo, ‘No ye kiu ghenguno ime ani kea?’ ipini keno pa ye müsüinivae.”

ISAIAH 57:16

Ni ye alhokupuju panoqo nguku auvemo nani, momu alhokuthu panoqo shou amloide monani; kughengu tishive aye, I no lhokeu tuthu ngo angulho no I nhethe lono qeinaive nani.

EZEKEL 22:7

Apu ngo aza noqo ye nongu no küthaküghapu shi peitha ani; kichiqhi süxachu keu lono kupokichemi no ime ani; eno nongu gholo mighimi ngo chimemi peitha püsa ani.

ACHINE 19:3

Nongu ye I no azah tsüke toi pütüta puaza sümsa lo eno Sabbath pelulo: Ni ye Ampeu nongu Lhou ke.

ZEKHARIA 12:1

Israel ghenguno Ampeu tsa: Ampeu khuu atsütsü xachhope qhino ayeghi lhophe eno timi lolo aghungu sütsü keno Pa no hitoi sheshu ani:

MALAKI 1:6

“Anu no apu gihu, eno aqeu no ampeu gihu cheni. Tsala I no apu lakhi shi aghi aye, I gigihupu ye khile ani kea? Eno tsala I no ampeu shi aghi aye, I sümsa keu ye khile ani kea? ipi aqokitikhi Mpeu no nongu achinemi, khunoqo no I thaigha cheni keno tipaqo vilo pi. Ikemu nongu no pi, ‘Ningu ye kishi O jukünatha kea?’

AKIKIHI 16:22

Ikemu pama no ayeghi lo pishiqho ghi itsaqi no pi, “O Alhou, timi ghungu kümtsü shou Alhou, timi lakhi xine ghenguno no ye ahohomi kuchopu shou agha ideni keshea?”

AKIKIHI 27:16

“Ampeu, aküxüküa ghungu kümtsü Lhou no aqoaho sakipheu lakhi kishe tsülo

Luke 18:2

“Mishighüna lakhi lo Alhou mu msamo eno timiu ghi gihumo keu küghaküthau lakhi ache.

Luke 18:4

Ado hami ghenguno pa ye milive ae, ikemu asheshi no pa mlouno kümsü, ‘Ni ye Alhou mu msa chemo eno timiu ghi gihu chemoe,

John 3:6

Ashi lono kiu punu keno ti ye ashi, eno Aghungu lono kiu punu keno tino aghungue.

Apostolmi 2:30

Pa ye tungkupmi, eno pa lagha lo milakhi no pa kükalakhü lo ngo nanie pi Alhou no tushoqhi keu pa no ithi akehu,

Rommi 1:3

Pa Nu, khuu timi lhoaye gholau no pini aye David polo kughukomi

Rommi 9:3

Kughengu shiluke aye ashi lo I thiküzümi eno I laghami ghenguno ni ampi nomu angusüu shive no Khristo sasü ayigheveni cheke.

Rommi 9:5

Alhouw tushokiqhi pekibe ighi keu ye panongu puasüqo ke, eno ashi kiqi lono pini aye, pano kuhu-aghü lono Khristo ighi, Pa ye kümtsü shou Alhou, alhokupuju sheqhe akepue, Amen.

ZAKINIU 27:16

“‘Khukhumu pa puaza gihumo keu ye müsüinivae.’ Eno timi kümtsü no ‘Amen,’ ipini.

James 4:10

Nongu ampi pesü Ampeu zülo kuchuni lo eno Pa no nongu sünheqhe nani.

James 4:7

Tighenguno nongu ampi pesü Alhou qhoqhülo. Tüghami mjochile lo eno pa ye nongu lau no pove nani.

1 Peter 5:6

Tighenguno Alhou u kumto qholono nongu ampi kuchunilo, tishianguno Pa do-ghuloki achipi lono nongu sünheqhe nani,

Piyeküsü 22:6

Tileno kungumi huno I vilo pi, “Atsa hipaqo ye pükhükulupu eno kuchou ke. Ampeu Alhou Khuu Ghungu no tungkupmi peitha cheni keno Pa no ke-i kiu shiniye ani keno Pa qemiqo piye penike Paw kungumi puwuvae.”