IBRIMI 12:22 - Sumi Naga CL (Re-edited) Bible (BSI)

²² Ikemu nongu ye Zion Toghi, aküxüpu Lhou phughi kungugha lo Jerusalem akeu lo, eno kungumi kihikhakümla no alovi kuho akeu lo ighivae.

BAIBEL (BSI)

²² Ikemu nonguye Zion tolo ighi ani, akuxupu Lhou phughi kungugha Jerusalem lo, eno kungumi kihikhamlakemi gholo ighi ani.

Sümi Tiqhelimi Bible

²² Ikemu nongu ye Zion naghuto, xü akeu Alhou’w mishighüna, kungugha Jerusalem lo ighivea ke. Nongu ye kungumi qhethonhe shou qhethonhe no alokiqipu shi kumqo pe akeu lo ighivae,

IBRIMI 12:22 Iomraidhean Croise

KUKAMI AKINIU 19:4

Ampeu o Lhou ye Rabshakeh, khuu Assyria kükau no xüakeu Lhou thaigha peniye puwu keno, pa no pikeu tsaqo kümtsü chiluve aghi nani, eno Ampeu o Lhou ye tipa tsaqo chilu no alomipi nani keniae; tighenguno ghükulumi ghenguno inikhu tsülo.”

LESHELE 2:6

“I kimthe toghi Zion lo I no I ghenguno Akükau süsüvae.”

LESHELE 42:2

I ngulho no tüghüthi Alhou, aküxüpu Lhou phucheni. Kughono ni ye Alhou zülo wuluni kea?

LESHELE 48:2

jukivishi qhemghai ani, ayeghi kümtsü lokivipu ke, Zion naghuto ye ahuu kushuo lo ani, Akükau akijeu phughi ke.

LESHELE 68:17

Alhouw khurkulu ye qhethonhe chighi no ghuthu kini, qhethonhe no qhethonhe ani; Ampeu no tipaqo gholo ani; itehi Sinai ye akimthe-a shivae.

LESHELE 84:2

Ni ye Ampeu kungo-a kümsükütü kelauno I ngulho no khekulho shi, iyei, thiqhi ani; I mlo eno I phimpi no xüküau Lhou ghenguno alovi ighamku ale phe ani.

LESHELE 87:3

O Alhouw mishighüna, o ghenguno akümzapu thimeqo piqhi püani.

ISAIAH 12:6

Alovi igha ale phelo, O Zion lo küami, kughengu Israelmiw Akimthe Lhou nongu gholo akeu ye kijeke.”

ISAIAH 14:32

Shiye ghinimi vilo kiu khochileni kea? “Ampeu no Zion puthuphe, eno Paw timi aveküsami no ti ijelu cheni.”

ISAIAH 24:23

Tishino aqhi no agi zümoive, khetsünhe no agi nhave nani, kughengu aqokitikhi MPEU no Zion Toghi eno Jerusalem lono ayepe no Paw timi sakiphemiqo zülo Pa juküvü pephe nani.

ISAIAH 27:13

Tipa tsala lo afuko kuloghi küigha nani, eno khunoqo Assyria yeghi lo pühave momu Egypt yeghi lo haphe sawuve keno, panongu no ighi no Jerusalem lo akimthe toghi lono Ampeu mlla nani.

ISAIAH 28:16

ikehu Ampeu Alhou no hitoi piani: “Julo, Zion lo aboqha shi ghi atuyitu sho püakeu huye I no ke, ti ye akughupu tsükucho, thebeike boqha: ‘Khukhumu pülü keu ye lhelheivemo nani.’

ISAIAH 51:11

Ampeu no xachilelu kemi ye ideighive nani eno Zion lo ale phesü ighi nani; Panongu ye pülhapuju alokivi shiche nani; panongu ye alokiqi eno alokivi ithuluve nani, eno amloküsa ngo amlo ghime ye pano launo wuve nani.

ISAIAH 51:16

I no atsütsü xakhope qhi, eno ayeghi boqha qhake, o kichi lo I tsa sütsü eno I u pesü o khonha eno Zion vilo pi, ‘Nongu ye Iw timiqo ke.’”

ISAIAH 59:20

Ampeu no piani, “Xachilekuluu ye Zion lo, Jacob limi khunoqo axine lono ideighive akeno, tipaqo lau ighi nani.”

ISAIAH 60:14

Nongu qodaqhi chekemi nuliqo no pishiqho pesü nongu lau ighi nani; eno nongu junuqhi kemi kümtsü nongu pukhu philo pishiqho nani; panongu no nongu pesü Ampeuw mishighüna, Israel lo Akimtheu, Zion ipi kunani.

JEREMIYA 10:10

Ikemu Ampeu ye kuchou Lhou; Pa ye aküxüpu Lhou eno lhokta Kükau. Pa loghu lono ayeghi itha cheni, eno Pa no amloide kelo shiyeqo ye puqhelu chemoe.

JEREMIYA 17:25

David kükalakhü lo iqa akemi kükami eno kijemi no mishighüna lo khurkulu ngo khurshi lono pano gholo Judah ngo Jerusalem lo küxümi sasü khagho veche ilo nani. Eno mishighüna hipau ye alholo küghüna nani.

DANIEL 6:26

I no xaküthaza lakhi mla ani, ti ye I yekipeqha lo timi kümtsü no Daniel Lhou zülo khokhoshi eno sükümsa shini, kughengu Pa ye aküxüpu Lhou, pülhapuju ache keue; Pa kükaqha ye khilemu kütsave mla nani, eno Pa yekipeqha ye ashekha kutolo anani.

DANIEL 7:10

Ami ghokiti lakhi no Pa zülono qoipeghi ae; qhethonhe qhethonhe no pa qe, eno qhethonhe chighi no ghuthu qhethonhe chighi no Pa zülo puthugho; xakütha ghenguno küghaki kutove, eno kakuqo lhapheve.

HOSIYA 1:10

Tishimu Israel tianuliqo kikihi ye azüghi lo asaye toive nani, ti ye mighimla momu kihimla ke. Eno khileno panoqo vilo, “Nongu ye Iw timi kumoe,” ipi keno, tileno panoqo vilo ishi pi nani, “Aküxüpu Lhou nuliqo.”

JOYIL 2:32

Eno ado hu ighi kelo khukhumu Ampeu je kulu keu ye xaluve nani. Kughengu Ampeu no pike toi khami ye Zion Toghi lo eno Jerusalem lo pove nani, eno tipaqo gholo Ampeu no kuluve keqo anani.

MATTHEW 16:16

Simon Peter no khochile, “No ye aküxüpu Lhou nu Messiah ke.”

MATTHEW 5:35

momu Jerusalem namu jeku kevi, kughengu ti ye Akükau akijeu phughi ke.

Rommi 11:26

Eno hipa ghola lono Israelmi kümtsü xaluve nani, ti ye ishi yepüake toi, “Xaphekuluu ye Zion lono ighi nani, Pa no Jacob lagha launo küsakügha ikhive tsü nani”;

Rommi 9:26

“A-a khileno, ‘Nongu ye Iw timi kumoe,’ ipi püa keno, tileno panoqo vilo, ‘aküxüpu Lhou nuliqo,’ ipi kunani.”

Galatiami 4:26

Ikemu kungugha lo Jerusalem akeu huno ililai keu totimi, li ye ningu paza ke.

Ephesiami 2:19

Ikehu nongu ye tüsümi eno kupokichemi kumovae, ikemu Alhou kibolomi eno küpülümi sasü kümtsa aghakütsami shiluvae.

ZAKINIU 33:2

Pa no pi, “Ampeu no Sinai lo ighi Seir lono ni shou ipeghi; eno Paran Toghi lono yepüvüe; Pa no akimthemi 10,000 gholono ighi, Paw ajeu amiküqü peche.

ZAKINIU 5:26

Kughengu aküxüpu Lhou no ami lono pütsa keu chilu kelo, timi khuana xülu püani keshea?

FILIPIAMI 3:20

Ikemu ningu ye kungugha ghakütsami, eno ningu ye Xakuluu, Ampeu Jisü Khristo tilauno ighini keu huqhe cheni,

1 Thes. 1:9

Kughengu nino nongu lau ighi kelo kishi nongu no ningu ikhilu, ajulho launo tsüghüsü aküxüpu eno kuchou Lhou qenike ighi,

2 Tim. 4:18

Ampeu no alhoksa jeli kümtsü lono I xaphelu nani eno Paw kungugha yekipe lo I sasü ilo nani. Alho lono alholo ajuküvü Pa tsülo! Amen.

IBRIMI 10:31

Aküxüpu Lhou u lo ikiqi ilolu keu ye kümsa kimshipue!

IBRIMI 11:10

Kughengu pa ye aboqha kumto phughi khikhi Alhou no kughuphe eno shiqhe keno tipau lajukhe cheke.

IBRIMI 11:16

Ikemu panongu ye aghakhu akiviu, ti kungugha lo akeu, kümsü kütüche. Tighenguno Alhou no Pa ye pano Lhoue pinike kujove moe, kughengu panoqo ghenguno Pa no aphughi lakhi kuto püanike.

IBRIMI 13:14

Kughengu ayeghi lo ningu ye haumoni keu phughi kühae, ikemu ningu ye ighini ye akeu phughi phucheni.

IBRIMI 3:12

Athiküzümiqo, nongu milakhi lolomu alhoksa eno pülükümla mlo xapu aghi no kutou aküxüpu Lhou launo ikiqive nosake kutokupui lo.

IBRIMI 9:14

Khristo, khuu no lhokta Ghungu vecheo tukutiye kühano Alhou lau pa ampi pephe tsü keno, pa ji ye tinguno alau ningu pelo aküxüpu Lhou huthu peniye akithipu kümla lono niw kiviküsa lotsü shikimthe tsülu nani.

JOSHUA 3:10

Joshua no pi, “Aküxüpu Lhou no nongu gholo ani kepi hileno ithi nani, ti ye Pa no nongu zülono Canaanmi, Hittimi, Hivimi, Perizimi, Girgashimi, Amorimi eno Jebusimi hapheve tsü nani.

Jude 1:14

Hipaqo ghenguno itaghi Adam lono tiqheli akütsüniu lo Enoch no tungkuptsa ishi pike, “Julo, Ampeu no Paw akimthemi qhethonhe chighi sasü cheni,

Piyeküsü 14:1

Tithiu I no pishipuwo jukelo Ambeti no Zion naghuto lo puthugho aghi, eno julo, Pa gholo timi khunono akishe lo Ambeti je eno Papu je yepuku püa keno pano lakh lakhi qhethonhe lhobidi bidi aghi.

Piyeküsü 21:10

Aghungu no I peitha luve no kungumi huno naghuto kuloghi chuqumghaike lakhi lo I xapusü wu, eno akimthe phughi Jerusalem kungugha lo Alhou launo iqi chekeu I piye,

Piyeküsü 21:2

Eno akimthe phughi, Jerusalem kitheu, külaliu no kutope külapuu khe akeshi, kungugha lo Alhou launo iqi cheghi keu I no ithulu.

Piyeküsü 22:19

eno khuana no kaku hipau lono tungkuptsa ikhive aye, aküxüpu sübo eno akimthe phughi, khipa ghili kaku hipau lo yepüani keno, tipaqo lo pa saje akeu Alhou no ikhiluve tsü nani.

Piyeküsü 3:12

Khuu no theqhi luni keno, I no pa pesü I Lhou chineki lo atsükucho lakhi shitsüni. Pa ye khilemu tipau lono ipevemo nani, eno I no pa shou I Lhou je eno I Lhou phughi Jerusalem kitheu khikhi kungugha lo I Lhou launo iqighi keno, tipau je eno I je kithe, ishi yepuku nani.

Piyeküsü 7:2

Tileno kungumi kütami lakhi no aküxüpu Lhouw michida pesü khetsünhe kipelau no ipe cheghi keu I no ithulu, eno kungumi bidi khunoqo pelo ayeghi eno azüghi ghime penike aküka tsüpüa keno, panoqo vilo pa no asütsa kuloghi lono