IBRIMI 12:10 - Sumi Naga CL (Re-edited) Bible (BSI)

¹⁰ Kughengu ayeghi lo ningu papuqo ye ado ikhonhei ghenguno pano pulou shi peniye ningu sakiyi qoputhu cheni, ikemu Alhou ye ni kivipu ghenguno shi cheni, ti ye ni pelo Pa kimthe küsaje peniye ke.

BAIBEL (BSI)

¹⁰ Kughengu ayeghilo nipunoqoye ado ikhonheyi keu ghenguno pano mlo chipiu shipeniye ningu sakiyi qoputhu cheni, ikemu Alhou ye nikivipu ghenguno shi cheni, tiye ningu pelo pa kimthe kusaje peniyeke.

Sümi Tiqhelimi Bible

¹⁰ Ayeghi lo apùnoqo ye ado kitila ghenguno panongu no akiviu ipi kümsü akeu kiqi lono ningu ghasü cheni ke; ikemu Alhou ye ningu kivipu ghenguno ghasü cheni ke, tishianguno ningu pelo pa kimthe lo küsajelu peniye ke.

IBRIMI 12:10 Iomraidhean Croise

LESHELE 119:75

O Ampeu, I no ithi ani Ow pimheyeqo ye achipie, eno Nono pükhükulu lono I ghimeqhi ke.

LESHELE 17:15

I ghengu ye, I no achipiu mikucho lono O gilo juni; kughou I no ithughini keno, O kimihi lono I ghapiqi luni.

AKUMLO 3:33

kughengu Pa ye amlo lono ithithai no ghimeve momu timi tianuliqo shikughujuve chemoe.

ACHINE 19:2

“Israelmi qoaho vilo pilo, Akimthe shilo, kughengu Ni Ampeu, nongu Lhou ye akimthe ke.

Ephesiami 4:24

kuchou mikucho ngo akimthepu pesü Alhou kimihi lono lhokeu lhoaye kithe pepulu peniye ke.

Kolosiami 1:22

itehi ye Pa Nu kithi vecheo Pa lau alupekili luvae, eno nongu pesü akimthe, tukutiye eno tichetighe küha no Pa zülo saghi niyeke,

Titus 2:14

Khristo no kixikila kümla kümtsü lono ningu qhüchile lunike Pa küxü tsüve, eno akivi kümla shinike khelho chekemi pesü Pa mheghi shi shikimthe luve.

IBRIMI 12:14

Timi kümtsü sasü külashi eno akimtheshi ani keu pükapütsa lo, kughengu ti kühake loye khunomu Ampeu ithumla nani.

1 Peter 2:5

aküxüpu tuquqo toi nongu ampi pesü aghungulo chineki shiqhetsü, akimthe chine kümlapu shilupe, eno Jisü Khristo vecheo aghungulo ghakishi pesü Alhou lau ikhikulupu shi mllalu peke.

1 Peter 2:9

Ikemu nongu ye kishekiphe lagha, Akükau chine kümlami, akimthe shiye, Alhou no Pa kütsashi pükhalu keu timiqo ke, tishikeu lono Khuu no aküzü lono nongu kuphepe Paw akichiqhipu küvü lo sailo keno, nongu pelo Pa kighiche kümla sheshu peniye ke.

2 Peter 1:4

tipau vecheo Pa no Paw akughupu eno pikiqhitsa kije pesü ningu tsüvae, tishianguno tipaqo pesü nongu no ayeghiqha hipau lo pitipüza keu xine jeli ghenguno shiküpsa achekeu launo poluve peniye ke.

RUTH 1:3

Ikemu Naomi kimi Elimelech ye thive eno li ye anu kini sasü chime ache.