IBRIMI 12:1 - Sumi Naga CL (Re-edited) Bible (BSI)

¹ Tighenguno, thopimi aqokitikhi kije no ningu sühope ani kehu, ningu ghi ape kimshi jeli, eno axine khikhino tsatsai ningu tsüghave cheni keno tipaqo xaqhiveni nolo, eno ningu zülo kuto tsükeu kupo kheakulu shi poni nolo.

BAIBEL (BSI)

¹ Ike ningu sheloye thopimi aqokitikhi hijejehino ningu suhu muxape anike ghenguno, ningu punaqhikeu jeli kumtsu eno axine khipauno tsatsayi ningu pufuluve cheni keno tipaqo xaqhiveni nolo, eno ningu zulo pokimhekepu qhitsukeu hu amloithamono poni nolo.

Sümi Tiqhelimi Bible

¹ Tighenguno, ningu ye thopimi aqokitikhi hijejehi no ningu sümxa pe anike ghenguno, ningu lakha chekeu thimeqo eno mülalei kitimeve chekeu xinéqo kümtsü ikhipe peveni nolo. Eno ningu pelo pokuxu penike ghenguno amichi shipüa keu gholo tsükhoi shi no poni nolo,

IBRIMI 12:1 Iomraidhean Croise

JOB 8:10

Panongu ye o shika eno o vilo pitsümo nani kea? Panow vethakulu kiqi lono atsa pimoni keshea?

LESHELE 18:23

Pa zülo ni ye tukutiye shimoe eno akipimi lono ni ye putosü ke.

ISAIAH 60:8

Khüngküsü toi yewu akeu hipaqo ye khuno kea? Amiqhi no alashe lo aketoi hipaqo ye khuno kea?

EZEKEL 38:16

Khüngküsü kije no ayeghi küzüpe aketoi nono Iw timi Israelmi leighi nani. O Gog, hithiu tsala lo I no o sawo I yeghi lepe nani, tishikeu lono shiyeqo nhethe lo o vecheo I no I kimthe chipiu phuphe kelono panongu no Ni ithi nani.

EZEKEL 38:9

Pasapagha cheke toi nongu no azüu wunani. No eno ow aqokitikhi eno ashiaye kutomo o gholo akeqo no khüngküsü toi ayeghiqha küzüluve nani.

MATTHEW 10:22

I je ghenguno timi kümtsü no nongu mithi nani. Ikemu khuu no ashekha kutolo puqhe luni keno, pa xalu nani.

MATTHEW 24:13

Ikemu khuu no ashekha kutolo kutuu luni keno xaluve nani.

Mark 10:50

Pa no hebephi ikhipe peve no ilhethu Jisü lau ighi.

Luke 12:15

Eno pa no timiqo vilo pi, “Alakimne jeli kümtsü lono nongu jukutolu lo, kughengu timi lakhi küxü ye pa küakini pofushi aghi keu huno kumoe.”

Luke 16:28

kughengu ni ye athiküzümi pungu anike pa pelo panongu kütüghü tsü peni, tikumo aye panoqou ghi ghimeqhi ke-a hipau lo iloghilu nosae.’

Luke 21:34

“Ikemu nongu ampi jukuto lo, tikumo aye ashi ghakiqipu, chumzü shomzü, eno ayeghi xülo kütakihi keu no nongu mlo qaqhipe ake lono tipa tsala hu züleno alichhe toi nongu lau ighi nosake.

John 3:32

Pa no kiu ithulu eno chilu keno tipau thopi shi, ikemu khunomu pa shepe ikhilu tsümoe.

John 4:39

Atotiu no, “I no shi chekeu qhoi pa no I vilo pitsüe” ipi ashepe shikeu lono aphughi tipau lo Samariami kutomo no pa pülüve.

John 4:44

(Kughengu Jisü ampi no tungkupmi ye pa punugha loye agigihu kühae pi ashepe shi püake.)

Rommi 12:12

Lajupu küdau juno alovilo, aghime lo kheakulu shilo, akighini lo pükhükulupu shilo.

Rommi 2:7

khunono kheakulu shi akivi kümla shikeu lono shekiqhe, agigihu, eno thimoni keu küxü phucheni keno, Alhou no lhokta küxü pesü panongu tsü nani;

2 Kor. 7:1

Kimiye chekemiqo, ningu lau pikiqhitsa hipaqo anike ghenguno ni phimpi eno aghungu shipixi chekeu kümtsü shikimtheve no Alhou sükümsa lono akimtheshi kupukülai luni nolo.

Galatiami 2:2

Piyeküsü I tsükeu kiqi lono I no wuno (akhotomi ipi chekeqo vilo lomoshi) Jewkumomi gholo pikülha chekeu tsakiviu pesü pi, tishianguno ni ye adou lono pochemo momu po püamoe pi thebei shiniye ke.

Galatiami 5:7

Nongu ye akivishi pocheke. Khuu no kuchou gholuni keu lono nongu hachileve kea?

Ephesiami 4:25

Tighenguno, kichile ye qhoi pheve no kümtsü no pütüta küsapau lau kuchou tsa pilo, kughengu ningu ye kümtsü aphimpi lakhi lo kihimpemi ke.

FILIPIAMI 1:30

ti ye wovekeu lo I no kiu sasü küpüghü chekeno nongu no ithulu püani, eno itehimu ni ye tishi aphie pi nongu no chilu akeu ghüshi tipau lo nongu ghi aphiphishi kuloji lo.

FILIPIAMI 2:16

nongu no mtotoi aküxüpu tsa tsüqülu keu lono ishilu nani, tishikeu lono Khristo Tsala lo ni ye adou lono po püamo momu ime püamo kepi I kijivilelu nani.

2 Tim. 2:4

Ghüshimi khumu aqoaho küxü lo xukütshü chemoe, kughengu pa kimji ye pa kishesü keu pulou shinikeu ke.

2 Tim. 4:7

Ni ye aghükishi kivi shivae, ni ye akupo lo ashe tovae, ni ye aküpülü pewo tovae.

IBRIMI 6:15

Ikehu kheakulu shikeu lono Abraham ye pikiqhitsa ithulu ke.

James 1:3

kughengu nongu küpülü pekuju lono tsaqütsalei keu ipeghi cheni kepi nongu no ithi ani.

1 Peter 2:1

Tighenguno küsakügha, pishikiqhi, kühakügha, anhekushu, eno piküptha kümtsü qhivelo.

1 Peter 4:2

tishianguno ashi phimpi xapu xüake tivilo pitipüza keu xine lono kumono Alhou pulou lono xüniye ke.

1 Peter 5:1

Ikehu, I no Khristo ghime lo thopimi lakhi shi, ajuküvü pepheni ye akeu lo ghi asaje kulumi, eno kichimi lakhi shino nongu gholo layemiqo shikumto anike:

1 Peter 5:12

Pükhükulupu thiküzüu shi I no kihi chekeu Silvanus vecheo ni ye nongu lau shikumto eno shuphetsü ghi hi no Alhouw küpükini kuchou kepi ikhonhei shi yevae. Mtotoi hipau lo puthugho lo.

2 Peter 1:6

akighithi gholo alikhi aghasükulu pesü veqalo, eno alikhi aghasükulu gholo kushuo puqhekulu pesü veqalo, kushuo puqhekulu gholo Alhou ithitoi keu pesü veqalo,

Piyeküsü 1:9

Jisü laumi shino aghime kitikhi shi Alhou kükaqha ghenguno kutuokutuu puqhe chekeu nongu küsau eno athiküzüu, ni John, ye Alhou tsape eno Jisü shepekishi ghenguno Patmos ipikeu züdoyeghi lo ake.

Piyeküsü 13:10

Khuana küghaluve penike kughuve aghi aye, pa ye akughu lo wuve cheni; khuana azütakikihi no ghiqhive penike kughuve aghi aye, azütakikihi no pa ghiqhive masae. Hi ye küpülümi pelo kutuokutuu eno aküpülü apeniye ku anie.

Piyeküsü 22:16

“Thime hipaqo pesü akukuhouqo lau sheshu penike Ni, Jisü no Iw kungumi puwuvae. Ni ye David laghami kuhu aghü, inaqhe yepu vüqai keue.”

Piyeküsü 3:10

Nono I tsa papelu ghi kutuokutuu puqhelu ke ghenguno ayeghiqha lo xüküami pejuni ke aveküsa tüqhüdo aqha kümtsü lo chekeu lono Ni ghi o süsholu nani.