IBRIMI 11:29 - Sumi Naga CL (Re-edited) Bible (BSI)

²⁹ Aküpülü lono Israelmi no ayeghi lo chekeshi Akuhu Züghi katha, ikemu Egyptmi no titoi shiniye kelo azü no pano pütsü qhive.

BAIBEL (BSI)

²⁹ Akupulu lono Israilmiye ayeghi qhayike shou wuke toi Akuhu Zughi hechesu wulupeke; ikemu Ijipmino titoi shiju kelauye azuno panoqo putsuqhive.

Sümi Tiqhelimi Bible

²⁹ Aküpülü vechewo timiqo ye qhai keu yeghi lo cheche keshi Akuhu Züghi katha ke; ikemu kughou Egyptmiqo no katha niye shi keno, panongu pütsüqhive ke.

IBRIMI 11:29 Iomraidhean Croise

NEHEMIA 9:11

Nono panongu zülono Azüghi kijeve tsü, eno ayeghi qhaikeu lo nepuku ghi Azüghi mta lono Nono panoqo sawue. Eno atu pesü azü kutho lo vesü ketoi, panongu haighi keqo ye Azü kutho lo vesüve.

LESHELE 66:6

Pa no azüghi pesü qhaike yeghi kughulhove tsü: panongu no apukhu lono azüghi kathawu ke. Tile ningu no Pa gholono alovie,

LESHELE 78:13

Pa no azüghi kijethave no panoqo pelo kathape, eno azü pesü amoqhe püake toi puthugho peke.

IPEKULU 14:13

Moses no timiqo vilo pi, “Msa kevilo, mtotoi puthugho lo, eno Ampeuw xakulu, khikhi Pa no nongu ghenguno ishi tsala lo mla nani keno ti julo. Kughengu Egyptmi khunoqo nongu no ishi ithulu ani keno, nongu ye panoqo khilemu ithulu kithemae.

IPEKULU 14:22

Israelmi no azüghi mta lo qhaive keu yeghi lono wuve, panongu ghenguno azü huno au ajeu ngo piyiu aliwo kuptu shi ngove tsüe.

IPEKULU 14:27

Ikehu Moses no azüghi shou pa u chhopuwu, eno kughou inaqhe shive keno azüghi no ideilo azüu tholo ngove. Egyptmi no tipau lo posü ilove kelo, Ampeu no Egyptmi azüghi mta lo vesüve.

JOSHUA 2:10

Kughengu nongu no Egypt lono ipeghi kelo, Ampeu no kishi Akuhu Züghi pelo qhaivepe keno, nino chiluvae eno Jordan kipelau Amorimi kükau Sihon ngo Og pama kishi nongu no pithive keno chiluvae.