IBRIMI 11:13 - Sumi Naga CL (Re-edited) Bible (BSI)

¹³ Hipaqo kümtsü aküpülü lono thivae. Panongu ye piqhi püakeu ithumlave, ikemu putou no ithulu no kuchou kepi ikhiluve, eno ayeghi lo inami eno hapheve kemiae pi ikhiluve.

BAIBEL (BSI)

¹³ Akupulu lono timi hipaqo kumtsu thivae. Panonguye Alhou no piqhipuakeu ithumla ikemu putouno pishipuwo tipaqo ithuluno ikhilukileve, panonguye ayeghilo inami, kupokichemi eno haphevekemi kepi ithipuqaive cheke.

Sümi Tiqhelimi Bible

¹³ Timi hipaqo kümtsü thiveni ke kutólo aküpülü vechewo xü ake. Panongu ye panongu lau piqhipüa keu thimeqo ithumla ke; panongu ye anhethi likhi no tipaqo ithulu no putou lono panongu sasülu ke, eno panongu ye ayeghi hipau lo inami eno tüsümiqo kepi ikhilu ghi hi shike.

IBRIMI 11:13 Iomraidhean Croise

BOTHUBO 21:34

Abraham ye Philistia yeghi lo ado kushuo inami shi itsüche.

BOTHUBO 23:4

“Ni ye kupokichemi eno nongu gholo inami; akumo kuqho-a ghenguno nongu mheghi lakhi I tsülo, tishianguno I no Iw kithimi shiqho luni.”

BOTHUBO 25:8

Abraham ye akivishi kitemi shino atuthu kishekhave.

BOTHUBO 47:9

Jacob no Pharaoh vilo pi, “I küxü lo kachena shi ighikeu hi ampe 130 shivae. Ampe aghulo likhi aphi ikemu shilusake pachi, eno I puasüqo küxü mpe qhemi kumoe.”

BOTHUBO 48:21

Tithiu Israel no Joseph vilo pi, “Julo, ni ye thiveni cheae, ikemu Alhou no nongu gholo anani eno nongu sasü no puasü yeghi lo idewo nani.

BOTHUBO 49:10

Sükusho süqha Judah lau süghi moke kutolo kükaküsü ye Judah phevemo, momu yepeu küsü ye pa pukhu dolono kühave monani; eno ashiayeqo no pa lau aghokulu shi nani.

BOTHUBO 49:18

Ow xakulupu I no ngokhe anie, O Ampeu.

BOTHUBO 49:28

Hipaqo no Israel shiaye chighikini. Panongu papu no hitoi panoqo kümghatsüe, lakhikhi no aküzüpu shi aghikeu kiqi lono pa no kümghatsüe.

BOTHUBO 49:33

Kughou Jacob no pa nuliqo azah tsü tave keno, pa no alüpa lo pa pukhu peqhe luve no pa tuthu kishekhave eno paw timiqo gholo hekütsü luve.

BOTHUBO 50:24

Joseph no pa mu noqo vilo pi, “Ni ye thive niye shivae, ikemu Alhou no nongu xuju ighi nani eno ayeghi hipau lono nongu sasü Pa no Abraham, Isaac eno Jacob vilo ashoqhi shikeu yeghi lo ipeve nani.”

JOB 19:25

Ikemu I xachilekuluu ye xüani kepi I no ithi ani, eno ashekha lo Pa no ayeghi shou puthugho nanie.

LESHELE 119:19

Ni ye ayeghi lo kupokichemi lakhi ke; O zakütsü I launo küsüve kevilo!

LESHELE 39:12

“I kighini chilu tsülo, O Ampeu, eno O kini kugho puwo I ghügha chilu tsülo; I no anhezü piji akelo inaqhoive kevilo! Kughengu ni ye O gholo kupokichemi lakhi ke, I puasü kümtsü toi shoinami lakhi ke.

IPEKULU 2:22

Li no pa lau anu lakhi punu tsü, eno pa no pa je pesü Gershom kuvetsü, kughengu pa no pi, “Ni ye inami yeghi lo kachenami lakhi ke.”

ACHINE 25:23

“Ayeghi ye alhokuthu ghenguno jeve moni, kughengu ayeghi ye Iw eno nongu ye I yeghi lo inaghami eno kachenami ke.

AKIKIHI 10:30

Hobab no pi, “Ni ye wumoe, ni ye ni ghakhu lo ni bolomi lau woniae.”

AKIKIHI 24:17

ni ye Pa ithulu kemu itehi ye ithumlavae, I no Pa ju kemu aphivilo kühavae. Jacob launo ayepu lakhi ipeghi nani, Israel lono kükaküsü ipeghi nani; Pa no Moab kishe hephovetsü eno Sheth nuli kümtsü kütsave nani.

MATTHEW 13:17

Kughengu I no kuchou no nongu vilo piani, nongu no kiu ithulu ani keno tungkupmi ngo amikuchomi kutomo no ithuluni shiche kemu ithumlave, eno kiu chilu ani keno panoqo ghi chiluni shiche kemu chimlave ke.

John 12:41

Isaiah no hipaqo pikeu ye pa no Jisü jekipipu ithulu eno pa ghili pike.

John 8:56

Nongu pasü Abraham ye I tsala ithuluni chenie pi alovi che, eno pa no ti ithulu no amlokiqi shie.”

Rommi 4:21

eno Alhou no kiu piqhi püa keno shilu nanie pi thebei ithive.

Rommi 8:24

Kughengu ningu ye hipau lajupu lono xalue. Ikemu laju akeu ithuluve aye ti ye lajupu kumovae. Kughengu khuu no pa no ithulu akeu laju cheni kea?

2 Kor. 4:18

Ikehu ningu ye ithukulu thime shou kumono ithukümla thime shou jupuku acheni. Kughengu ithukulu thimeqo ye ado ikhonhei ghengu likhi, ikemu ithukümla thimeqo ye lhokta ghenguno ke.

2 Kor. 5:6

Ikehu ningu ye alhokuthu amlo kuloghi shicheni. Nino ithi akeu no ni phimpi kilo ake tiviloye Ampeu launo putosü ani,

Ephesiami 2:19

Ikehu nongu ye tüsümi eno kupokichemi kumovae, ikemu Alhou kibolomi eno küpülümi sasü kümtsa aghakütsami shiluvae.

IBRIMI 11:14

Kughengu timi khunono hitoi picheni keno pano ye pano ghakhu phucheni kepi ithithaive cheni.

IBRIMI 11:17

Aküpülü lono Abraham ye pa peju kelo, pa nu Isaac pesü mlla, Alhouw pikiqhi ithukuluu huno pa nu lakhi akeu pesü mllani ye shi,

IBRIMI 11:27

Aküpülü lono pa ye akükau mlokighide msa mono Egypt qhive, kughengu pa ye ithukümla Lhou ithulu akeshi ideighi mono cheve.

IBRIMI 11:39

Ike timi hipaqo kümtsü, Alhou zülo pano küpülü ikhikulupu shi akeghi, kiu piqhipüa keno ithumlave,

1 Peter 1:1

Jisü Khristow apostol Peter no Alhouw kishekiphemi khunoqo Pontus, Galatia, Cappadocia, Asia eno Bithynia lo haküghütsüpe ani keno panoqo lau ye ani.

1 Peter 1:17

Nongu no Apu Khuu agiju mono kümtsü lau pütüta kümla kiqi lono küghathabe cheni keno Pa lau inikhu acheni aye, now kupokiche küxü tivilo Pa sümsaqhiyi keu süqesüli pepulo,

1 Peter 2:11

Kimiye chekemiqo, I no nongu hakite anike kupokichemi eno haküghütsüve kemi akehu ashi lo pitipüza keu lhoaye khikhi nongu ngulho sasü aghüshi acheni keno tipaqo launo putosü lulo.

1 John 3:19

Hipau lono ningu ye kuchou laumi eno Alhou zülo amlo kumto shikithelu ani kepi ithi nani;