IBRIMI 11:12 - Sumi Naga CL (Re-edited) Bible (BSI)

¹² Ikehu thiveke kumlho timi lakhi launo atsütsü lo ayepu eno azüghi mkülo asaye jehi atianuli kughukolue.

BAIBEL (BSI)

¹² Ike liye thiveke kumlho shivekemu, timi lakhi hipau launo atsutsulo ayepuqo ngo azughi mukulo asayeh toi ati-anuli kughukolue.

Sümi Tiqhelimi Bible

¹² Eno tighenguno timi hipau ye thive kemi lakhi paphi shi akemu atsütsǘ lo ayepuqo eno azüghi mükü lo kihikhakümla saye toi pa vechewo atikughukomiqo ipeghi ke.

IBRIMI 11:12 Iomraidhean Croise

BOTHUBO 15:5

Pa no khalacheu pa saipe no pi, “Atsütsü küdau julo, eno tsala nono ayepuqo kihilu kepu shi aye kihiju lo.” Tishino Pa no pa vilo pi, “O tikughuko ye hitoi nani.”

BOTHUBO 22:17

I no mtsüqheino o kümgha tsüni, eno mtsüqheino atsütsü lo ayepu ngo azüghimkü lo asaye toi o tikughuko kighishe tsüni. Eno o tikughukomi no pa ghümiqo khagho khasü luve nani,

BOTHUBO 26:4

I no o tikughuko atsütsü lo ayepuqo toi kighishe tsü nani eno o tikughuko lau ayeghi hipaqo kümtsü tsü nani. Eno o tikughuko vecheo ayeghiqha lo shiye kümtsü kümghatsü nani,

BOTHUBO 32:12

Ikemu Nono pi, ‘Mtsüqheino Ni ye o lau akivi shitsü nani, eno o lagha pesü azüghi lo asaye, khikhi kihi khamla keno titoi aqokitikhi shitsü nani.’”

SAMUEL AKINIU 17:11

Ikemu I kükümsü ye Beersheba lono Dan kutolo Israelmi kümtsü azüghi lo asaye toi o lau hekütsü pelo eno no ampi no aghüshi lo wulo.

KUKAMI ATUGHIU 4:20

Judah ngo Israel lo timiqo ye azüghi mkülo asaye toi ikowove. Panongu no chusho luno ighono alokivi shilu.

YEKIKITHI ATUGHIU 27:23

David no apunu mpe muku qhou ye kihi move, kughengu Ampeu no Israelmi pesü atsütsü lo ayepuqo jehi shitsünie pi piqhi püake.

NEHEMIA 9:23

Nono atsütsü lo ayepu jehi, atianuli kutomo pesü panongu tsü, eno pano puasüqo vilo wuno küghüna lo pikeu yeghi lo panongu sailoke.

IPEKULU 32:13

Abraham, Isaac, eno Jacob, O qemi khunoqo lau O kutoshino tushoqhi no panoqo vilo, ‘I no atsütsü lo ayepuqo toi o ti kughuko tsüni, eno I no tushoqhive ketoi ayeghi hi kümtsü o tikughukomi tsüni eno panongu no alholo ti ighi luve nani’ ipi püakeu kümsülu lo.”

ISAIAH 10:22

Kughengu now timiqo no azüghi lo asaye jehi anamu ghükulumi aghulo likhino ideighi nani. Kütsakungo kepu za ye achipi lono shuphevae.

ISAIAH 48:19

nongu lagha no asaye jehi, eno nongu kughuko no athi toi aghini cheke; panongu je ye pühave moniche momu I zülono kütsave moni cheke.”

JEREMIYA 33:22

Atsütsü lo ayepuqo kihi khamla eno azüghi lo asaye mighi khamla ketoi, I no I qeu David ti kughuko küghüsü tsü nani, eno Levi chinemi I huthu chekemi ghi tishi tsünani.”

HOSIYA 1:10

Tishimu Israel tianuliqo kikihi ye azüghi lo asaye toive nani, ti ye mighimla momu kihimla ke. Eno khileno panoqo vilo, “Nongu ye Iw timi kumoe,” ipi keno, tileno panoqo vilo ishi pi nani, “Aküxüpu Lhou nuliqo.”

HABAKUK 1:9

Panongu no heqhi buqhini ke azüu shesü hue. Panongu no asaye jehi timi küghaluve.

Rommi 9:27

Isaiah no Israelmi ghenguno ishi sheshu püani: “Israelmi kikihi no azüghi lo asaye jehi aghi namu, ghükulumi aghulo likhi xalu nani,

ZAKINIU 1:10

Ampeu nongu Lhou no nongu kughukove tsüae, julo, itehi nongu ye atsütsü lo ayepuqo jehivae.

ZAKINIU 28:62

Inahuu nongu ye atsütsü lo ayepu jehi ikowove kemu aghulo likhive nani, kughengu nongu no Ampeu nongu Lhou gholu moveke.

JOSHUA 11:4

Panongu no azüghimkü lo asaye toi ghüshimi kihi khakümla gholo khurshi ngo khurkulu kutomo amqo shishe kije shi saghi.

Piyeküsü 20:8

eno pa no ayeghiqha cheku bidi lo shiye jeli akeqo pishiqhini ke, eno aghü shinike ghenguno Gog ngo Magog hekütsü nani; pano kikihi ye azüghimkü lo asaye jehi ake.

XAKUTHAMI 7:12

Tile Midianmi, Amalekmi, eno kipelau shiayeqo no akhila lo tülhaqu toi nhakha, eno panow sayeshiqo no azüghi mkülo asaye toi kihikhamla ae.

SAMUEL ATUGHIU 12:5

Pa no panoqo vilo pi, “Ampeu no thopi ke eno ishi Paw nukikishe no thopi ke, nongu ye I lau akipimi kiumu ithulumoe.” Eno panongu no pi, “Pa no thopi ke.”