IBRIMI 10:39 - Sumi Naga CL (Re-edited) Bible (BSI)

³⁹ Ikemu ningu ye athiu idewove no pühaveni kemi kumo püzü aküpülü akemi eno Alhou no püxü keqoke.

BAIBEL (BSI)

³⁹ Ninguye athiu tsughuchile woveno puhavekemi kumoe. Ninguye akupulu akemiqoke eno Alhou no ningu puxulukemiqoke.

Sümi Tiqhelimi Bible

³⁹ Ikemu ningu ye khunoqo no athiu idewove no kütsave cheni keno tipaqo laumi kumoe, ikemu ningu ye aküpülü aghí no xaluve kemiqo ke.

IBRIMI 10:39 Iomraidhean Croise

LESHELE 44:18

Ningu mlo ye athiu idewo mphi, momu ni pukhu ye O laghi lono wuve mphi;

AHOLE 1:32

Kughengu mbomzümi ye alokütsü milive kelono thive cheni; eno pano kuchhoma no pano kütsave cheni,

AHOLE 14:14

Athiu idewove kemi ye pa kümla xathi xopipe nani, eno akivimi ghi pa kümla xathi xolu nani.

Mark 16:16

Khunono pülü no baptiz shiluni keno xaluve nani, ikemu pülümo keu ye kileqhive nani.

Luke 11:26

Tileno pa no wuno pa nguno alhoksau aghawu tsüni sasü ilo tile auve. Eno timi tipau ye atüghü lo nguno alau alhoksa shive.”

John 17:12

I no panoqo gholo akelo ni ye O je lono Nono I tsükeqo khekuto cheke. I no panoqo süsho che, eno Kuchoyesü shikupu niye kütsakungo nu no kumo aye panoqo gholo lakhimu pühamoe.

John 20:31

ikemu hipaqo yepüa keu ye nongu pelo Jisü ye Khristo, Alhou Nu, kepi pülülu peniye, eno pülülu keu vecheo Pa je lono aküxü apeniye ke.

John 5:24

Kuchou no I no nongu vilo piani, khunono I tsa chilu no I puwu keu pülüni keno lhokta küxü anani. Pa ye küghakütha lo ilomo nani, ikemu akithi lono aküxü lo wuluvae.

John 6:40

Kughengu I Pu pulou ye hike: khunono Anu shou jupuku no pa pülübeni keno kümtsü pelo lhokta küxü apeniye ke, eno I no ashekha tsala lo pa xüputhu nani.”

1 Thes. 5:9

Kughengu Alhou ye aloghu ghenguno aza po lono ningu iniveke kumoe, ikemu ni Mpeu Jisü Khristo vecheo xakulupu ithulu peniye ke,

2 Thes. 2:3

Kiu gholau nomu khuana pelo nongu pishiqhipe kevilo. Kughengu kütsakungo nu, ayezah heküxau eno hekibideu paghi ighi moke kutolo Ampeu tsala ighimo nani,

1 Tim. 6:9

Ikemu khunono kinimi shinikeu mine cheni keno, ghukuju lo ikiqi ilove cheni, akümsapu lichhe lo ikiqive no timi kütsave chekeu mbomzü kükümsü lo sünhe süve cheni

IBRIMI 10:26

Kughengu kuchou kighithi ithuluve no ningu no püthapütsano axine shiauve aye, axine ghenguno aghashi keu ye kiumu kühavae,

IBRIMI 10:38

ikemu Iw amikuchomi ye aküpülü lono xülu nani, eno pa no athiu idewove aye ni ye pa shou I lokiqi kühave nani.”

IBRIMI 11:1

Aküpülü ye ningu no laju chekeu mtsüqhei shikulu, ithumla no achekeu thime ani kepi thebei tsükeu ke.

1 Peter 1:5

khunoqo ghenguno xakulupu kuto püani keno ti pepheni keu do ashekha ghuloki tomoke kutolo panoqo ye aküpülü vecheo Alhou küka no süshope anie.

2 Peter 3:7

Ikemu Alhou tsa atho hipau no itehi akeu tsütsü yeghi ami lono pitiveni ke ghüpe püani, ti ye küghakütha tsala eno Alhou kümthami kütsani ke ghenguno qhipüani.

1 John 5:16

Khuana no pa thiküzümi lakhino akithipu kumo xine shi aghi keu ithulu aye, Alhou lau khulo, eno Alhou no aküxü pesü akithipu kumo xine shive kemi tsü nani. Akithipu lo sailove chekeu xine ghi ani; tipau ghenguno inikhu kepue pi ni ye piamoe.

1 John 5:5

Jisü ye Alhou Nu kepi pülü chekemi nguno kütami khuu no ayeghi theqhilu nani kea?

Piyeküsü 17:11

Tüghashi xüache no kühave keu no akütacheu kemu pa ye kükami tsüni laumi eno kütsaveni keu lo ani.

Piyeküsü 17:8

Nono tüghashi ithulu keu ye xüache kemu itehi ye kühavae, eno ti ye akuthoku lono ipeghi no kütsave peni keu lo ani. Ayeghi lo küxümi khunoqo je ayeghi boqha ghomphi lono aküxüpu kaku lo yepüaghi moni keno, tipaqo no akümzaqhiyi tüghashi ju nani, kughengu ti ye xüache kemu itehi ye kühave no itaghi ighi nani kehue.

SAMUEL ATUGHIU 15:11

“I no Saul pesü akükau shiveke I mlo kili ani, kughengu pa ye I papemo no tsüghüvae eno I zakütsüqo shimovae.” Samuel ye amloideve no puthotsü Ampeu qhüiniju.